💎اللبؤة و الوحش💎( مكتملة )

part118

🌔بارت 118👑
💧ماعرفتش شحال داز دلوقت وهي مزال متكية فبلاصتها عينيها نشفو من دموع وولاو طايبين غير سااهية فسقف وساكتة سمعات لاذان كيودن ماعرفت واش لعصر ولا لمغرب نعلات شيطان ووقفات بعياء شافت فساعة لقاتها تمنية دلعشية ادن هادي لمغرب مشات لبسات عبايتها وبقات جالسة فبلاصتها كدعي الله يفرجها عليها ودموع هوادين شلال من عيونها كتحس بلخنقة حتا خوات قلبها مزيان عاد ناضت جمعات سجدتا وحيدات عبايتها ولبسات كسوة خفيفة زرقة حد ركبة وشعرها خلاتو هايداك فازك حتا سمعت صوت لوطو عرفات بلي نيار جا مشات كتجري طفات ضو دلبيت ووقفات فلبالكون كطلل من ورا ريدو ودموع فعينيها حتا بالهاا نيار كيشوف فسرجم مخنزر عرفاتو تعصب وسحابليه بلي ماكتسناهش بقات حاضياه وغير شافتو دخل مشات كتجري وتخشات فنموسية وتغطات بليزار طلعات نفس مزيان وهبطاتها ومسحات دموعها وخشات وجها فلمخدة باش ماتفضحش حتا سمعت صوت لباب كيتفتح ضغطات على شفايفها وغمضات عينيها فحين نيار دور عينيه فلغرفة مقندش مولف فين ماكيجي من لخدمة كيلقا رسيل كتسناه ودابا كتباليه ناعسة ضغط على قبضة يديه وحيد لافيست وشوميز ديالو وتكا قدامها فنموسية وبدا كيطلعلها فراسها بشوية ورسيل قلبها كيضرب فتسعين فحين نيار ضغط على شفايفو بعصبية واش من نيتها هادي باغا تكدب عليه زعما راهي نااعسة هز يديه ورجعلها بعض لخصلات من شعرها لفازك وهضر بصوت هادئ💧
نيار :علاش كديري راسك ناعسة؟
💧رسيل مجرد ماسمعات كلامو حسات بقلبها عيطيح بين يديها بزز باش حبسات دموعها وجوباتو بصوت مبحوح بلبكا 💧
رسيل:كنحس براسي مريضة
🔥خسر ملاميحو بانزعاج من كلامها ومن صوتها لعيان هز يديه ولمس جبهتها لقاها طايبة فلبلاصة شعل ضو وحاوط وجها بيديه بزوج كيتفحص ملاميحها بخوف كبيير باين فعيونو🔥
نيار :مالكي شنو وقعليك عاد دابا خليتك مزيان وعلاش ماعيطتيليش مني مرضتي انا دابا عنوض نعيط لطبيب تسناي احياتي
💎رسيل غير كيزيد يكمل عليها بكلامو ضغطات على ششفايفها كتحبس لبكية وشداتليه فيديه مانعاه يمشي💧
رسيل:للاا بلا ماتمشي دابا شوية عنولي مزيانة يمكن حيتاش قربات لي غيكل وصافي ماتخافش عليا
🔥نيار تنهد براحة وتيقها لانها بصح من كتقرب لها لي غيكل كيوقعلها هايدا وكتمرض وبعض لمرات كتبقى تقيا حيد سبرديلة وسروال ولبس شورط قصير فلاسود وشاف فرسيل لقاها مغمضة عينيها عرفها غير كترتاح باسها فجبهتها ونزل لكوزينة وجدلها عصير ليمون ورجع طلع لعندها جلس حداها 🔥
نيار:شربي ابب هاد لعصير عيخفف عليك شوية
💎رسيل غير حركات راسها بالإيجاب ودموع مغرغرين فعينيها فحين نيار جلسها فوق نموسية وبدا كيشربها بشوية وكيحقق فعيونها لي بؤبؤهم ولا فلازرق غامق شي لي كيدل على أنها شبعات بكي ضغط على شفايفو وحط ديك كاس لعصير فوق لكوافوز وجرها من خصرها حتا جا راسها على صدرو حاوطها بيديه وبدا كيلمس فشعرها بحنية وكيهضر بصوت خافت💎
نيار:واش بكيتي بزااف