💎اللبؤة و الوحش💎( مكتملة )

paer48

🌔بارت 48👑
💣طلع رااسو لسقف كيخرج نفس سخونة من نيفو و كيحاول ما أمكن يكالمي فراسو حتا حس براسو تهدن شوية عاد نزل من لبابي غولو ورشف من لقرعة دلما وخوا لباقي على راسو نفض شعرو وردو لور عاد طلع لحلبة لمصارعة لبس قفازات لملاكمة فلاسود وبدا كيتريني فكيس لملاكمة وكيضرب فيه بكل قوة ولعرق نازل شلال مع سائر جسمو اما رسيل غير سمعات صوت ضربات دارت لجيهتو بانلا كيضرب بعنف فحاليلا كيحاول يتخلص من شي حاجة كمشات حويجباتا وبقات متبعاه بعيونا كيبان فحال شي بوكسينغ محترف كيلعب بطريقة إحترافية و متقونة خصوصا تغوبيشة لي عامل وشعرو لي نازل على عيونو كيبان كيوووت وهزار غير شاافتو بدا كيلعب ناضت كتنقز كيحمقا تلعب فيه واخا هو لي كيتريني فيها ماشي هي لي كتريني فيه ناضت من بلاصتا ومشات كتجري لعند نيار حتا وقفات على لحديدة لي دايرة بلحلبة💣
هزار:خوياا عفاك خليني نلعب معاك شوية
نيار:(غير سمع صوتا وقف لعب ودار لعندا كينهج وصدرو كيطلع وينزل بسرعة):سيري تلعبي فتيساع قبل مانعطبك من شي قنت
هزار:هئ هئ عفاك اخويا غير شوية تكايس عليا عفاك
ميسون:(ناضت ومشات لعندوم واقفة قدام هزار):اديك لمسطية دوزي تجلسي ماشوفتيش اخر مرة لعبتي معاه بقيتي سيمانة مشبرة لفراش بديك ضربة لي عطاك
هزار:هئ هئ وعفاااكوم غير بشوية نلعبو
ميسون:واش خوك كيعرف بشوية دوز تجلسي حسن لك قبل ماتندمي
هزار:وا راشحال وانا كنتسنا فوقاش نلعب معاه عفاك اخويا بلييز
نيار:قولي توحشتي لعصا وصافي اوا تحملي مسؤوليتك انا ماشي سوقي فيك
💣غير سمعات هضرتو نقزات على ديك لحديدة وطلعات كتجري لعندو وباستو فحنكو💣
هزار:يخليك ليلي ههههه
نيار:(غير كيدور فراسو بابتسامة خفيفة على هاد لاخت لمسطية لي عطاه الله هز زوج قفازات الملاكمة وعطاهملا):يالله لبسيهم
💣بدات كتلبس فديك لقفازات وميسون جلسات فواحد لكرسي قريب ليلوم كتفرج فيهم فحين رسيل غير متبعاهم بعيونا وكتسمع لحديتوم لاحظات انه كيكون مبدل شوية مني كيكون مع ماماه وختو كيرخف شوية تخنزيرتو حتا بانولا بداو كيلعبو وهزار كتنقز من قنت لقنت بديك طولة كتبان فحال لكانغر جابتلا ضحكة اما نيار كيحاول يسايرا لايمشي يعطيها شي دقة يدخلا نيشان لايرجونص حتا جمع معاها بواحد نص جابا جالسة على طرمتا كتحك فيها وكتغبن💣
هزار :هئ هئ ياك اخويا هادي هي تكايس
نيار:عندك زهر لي ماهرستكشي دوزي تجلسي شوصل والديك لشي بوكس
ميسون:ههه واللهيلا شني خصك العريان خصني لخاتم امولاي هههه دوزي تكمشي ابنيتي
هزار :(جلسات فلارض وربعات رجلا وهزات يدا لسما على شكل دعاء ):هئ هئ ساخبر الله بكل شي ء يا قوم ظالمين لقيتوني بنت كتحكرو عليا هئ هئ
نيار:(واقفلا فوق راسا ومربع يدو لعندو ومطلع حاجبو فيها): لا اجي نتي ضربيني حسن
هزار:(عاد عاقت على راسا طلعات عينا فيه بشوية فحال لفلوس حتا عوجلا عنقا بقوات ماطويل غير شافتو مخنزر وهي دير لابتسامة صفرا ):ههه حاشا اخويا راني غير هبيلة ومسخر فيا الله عندك دي عليا
نيار:راه باينة نيت
💣رسيل قريبة طرطق بزز باش حابسة ضحكة سالات معاها هزار برهوشة محطوطة حتا بانتلا ميسون كتشيرا بيدا تجي لعندوم بتاسمات وناضت بشوية متجها لعندوم اما نيار غير سمع حس لخطاوي عرفا هي عاد رد لبال لاطلالتا لمتيرة بدا كيطلع عينو معاها ببطئ من رجيلاتا لبويوضين لخصرا لمشدود لعنقا طويل لخالة لي فشفايفا لمنفخين وصولا لعيونا لكريستالية وهنا التقت عيونوم بقاو لتواني ساهيين فبعض رسيل كتشوف فعيونو زمردية لي دايرة بخط ازرق غامق كعاصفة بحر هائجة ونيار كيشوف فعيونا لكريستالية كموجة بحر هادئة حقا غير فعيونوم كينا تناقض كبيير لبعضم 💣
🔴لست ادري ايهما اكتر اجلالا في قلبي 🔴
🔴عيناك التي تقرأ ام شفتيك التي تتمتم حروفي🔴
🔴فعند عينيك يجن لعاقل 🔴
🔴واما شفتيك فلا يقال عنهما 🔴
🔴الا التبات عند المنحدر🔴
💣ماهو سحرك ؟ كانت هادي اخر جملة قالا فنفسو قبل مايقلب عينو فحين رسيل كملات طريقا حتا وصلات عند ميسون وهزار لي كانت مشات جلسات حداها بتاسماتلوم وطلعات لحلبة لمصارعة هزات قفازات فالاحمر ولبساتوم اما هزار وميسون غير كيشوفو فيها باستغراب كيتسناوها شعتصنع ونيار غير شافا طلعات لحلبة عوج عنقو معاها وصغر عينو حاضيها حتا سالات وقربات لعندو ببطئ ووقفات مقابلة معاه هازا يدا فوضعية القتال ومرجعة رجل لور وحدة لقدام و كتشوف بنظرة واتقة مباشرة فبؤبؤ عيونو وحجبانو لمعقودين كانها حقا ملاكمة شارتلو بعينو يعني يالله بدا و نيار هز حاجبو بابتسامة جانبية وعدل وقفتو استعدادا للهجوم💣
🔮غير شافتو ستعد بدات كتسخن فجسما و كتعمل حركات خفاف بيدا ورجلا حتا ستعدات مزيان عاد كحزات لعندو و هزات يدا ليمنى وعطاتو لكمة قوية ولكن جات فلخوا لانو بعد راسو رجعات شوية للخلف و زادتو ضربا اخرى برجلا وجات فلخوا عوتاني بقات هايداك كضرب فيه ونيار فين ماكيشوف شي ضربة ماجا لعندو كيخويلا وكيخبع وجهو بين يدو مخليها تضرب على خاطرا متيبغيش يسبقلا شي ضربة برغم من انها باينة محترفة فلبوكس خصوصا بلمرونة لي كتلعب بيها كأنها حقا ملاكمة اما هزار وميسون غير فاتحين فوامهم فيها ماتوقعوهاشي منا ورسيل غير شافتو كيبعد وماكيبغيش يضربا حسات فحاليلا حاgرا ماكتحملش تلعب مع شي واحد ومايتجوبش معاها عصبا ديال بصح حتا كحزات لعندو وهزات يدا فحاليلا عضربو لوجهو مع هو طلع يدو لوجهو مع عتهبط ديك لكمة مباشرة فكرشو جاب الله عندو مطراسية اما كون زواتو ونيار غير حس بيها ضرباتو عمل ابتسامة ديال خزيت وغزز فشفايفو واووب فرمشة عين قبضلا يدا بزوج وجمعونلا لصدرا وظهرا ولا ملسق مع صدرو ورجلو ليمنى مدورا على رجلا بزوج ووجهو محطوط مباشرة فعنقا لدرجة كتحس بانفاسو سخوونة كضربلا فشعرا وعطرو ملئ نيفا وصدرا كيطلع وينزل بسرعة غفلا بهاد لحركة ماكنتش متوقعاها منو عيات ماتجبد وتحرك كتحاول تفك منو ولكن حاكمة مزيان خصوصا بفورمتو كتحس براسا فحاليلا مربوطة بسنسلة دلحديد غلييضة اما نيار كان مستمتع باستنشاق عبق عطرا حتا حس بيها كتفركل عاد زاد زيرا لعندو وقرب لودنا وقال بصوت خاافت حتا بورشا 🔮
نيار:^?you are looking for me^(كتقلبي عليا )
رسيل:(بابتسامة مستفزة ):^why are you to search for you ^(علاش شكون نتا باش نقلب عليك؟ )
نيار:(بصوت مرعب وخافت اكتر من الاول كفحيع الافعى ):?I am the monster^ (انا لوحش )
رسيل:(غير سمعات شنو قال حسات بزغب دراسا وقف اول مرة تسمعا من عندو خصوصا بهاد طريقة لي نطق بها لحروف حقا حسات برعب كبيير وابمان جبدلا لهضرة بهاد طريقة الا وأنه عارف بلي كتحفر عليه غمضات عينا لتواني كتحاول تجمع قوتا حتا تهدنات عاد قصحات نظرا اما نيار غير كيطلل عليها بنص عين عارف مزيان فاش كتفكر واحساسا فهاد اللحظة فماعيخفاوش عليه حركاتا مافيقو من سهوتو غير لكمة قوية لنيفو ماحس براسو حتا رخا يدو من رسيل وعملوم فنيفو لقا شي نقيطات خفافين ديال دم بقا شحال كيشوف فيهم عااد طلع راسو فرسيل لقاها واقفة مقابلة معاه كتنهج ماكتفصلش بيناتوم مسافة كبيرة شاف فعيونا بانولو عامرين كره و حقد صغر عينو فيها وعوج راسو معاها وطلع صبعو صغير لي فيه نقطة ديال دم وعملا ففمو بابتسامة مستهزاأة فحين رسيل كحزات لعندو بوضعية لقتال حتا لسق نيفا مع نيفو وشافت مباشرة فعيونو زمردية بنظرة واتقة وفنفس لوقت كدوب وانفاسوم سخونة كضرب فبعضوم🔮