💎اللبؤة و الوحش💎( مكتملة )

part72

🌔بارت 72 👑
💧بقات غادا متبعة فGPS حتا وقفات حدا لمحمية ديال نيار طلعات عينا ببطء كتشوف فيها زولات لقب من علا راسا عاد نزلات من لوطو وتوجهات عند واحد لحارس كينا فلباب 💧
رسيل:سلام واش بيبرس كينا؟
لحارس:اه الالة ولكن شكون نتي
رسيل:مولاتو جيبولي
لحارس:ولكن الالة بيبرس دسي نيار
رسيل:قلتلك جيبولي
💧ديك لحارس هز حاجبو باستغراب ومشا يجيبولا قال حتا يشوف ردة فعل بيبرس عاد يتأكد واش بصح مولاتو ولا لا لأنه عارف بلي بيبرس ماكيتفاهم مع حتا حد من غير نيار فتحلو باب لقفص فحين بيبرس ناض كيتكسل وكيجبد فعضامو وغير شاف رسيل مشا كيجري لعندا وبدا كيحك راسو مع رجلا فحين رسيل بتاسمات بخفوت ونزلات لمستواه باستو فراسو وعنقاتو لعندا كتشم فيه ريحت نيار ودموع هوادين من عيونها لكريستالية هزاتو لعندها ضماتو لصدرها كتحك فروتو بصبعانها عاد شافت فلحارس لي تأكد بلي بيبرس كيعرفها وماتلو براسا ومشات للوطو حطات بيبرس فلمقعد لامامي وطلعات جلسات قدامو ورجعات كسيرات مكملة طريقها ماوقفات حتا لواحد لفيلا صغيرة فواحد جبل مافيها لاكارد لاوالو طبعا هو كيظن بلي حتا واحد ماعيوصلو طلعات عينا فيها وضغطات على شفايفا كتوعدلو بلجحيم نزلات من لوطو هازا بيبرس فيديها ومشات للكوفر هزات ديك لبلاستيكة جبدات منها داكشي وعملاتو فصاكدور كحل صغير دارتو فظهرها وهبطات لقب على شعرها حتا مابقاش وجها كيبان و مشات للجهة لخلفية ديال لفيلا لقات جردة صغيرة فيها واحد لباب زجاجي عرفاتو ديال لمطبخ حطات بيبرس فلارض وردات صاكادور لصدرها فتحاتو وجبدات منو طورنوفيس وواحد لمطرقة صغيرة خشات طورنوفيس بلاصت سوارت وضربات عليه بلمطرقة حتا طرطقات سقطة وتفتحات لباب رجعات داكشي لصاكادور وجبدات واحد لكلينيكس وبدات كتمسح فلبصمات ديالها من لبواني دلباب برغم من انها دايرة لوانطيسات ولكن يمكنلهم يعرفوها من حجم بصماتها خشات لكلينكس فجيبها وزادت كتمشى وبيبرس غادي فجنبها دورات عينيها فدار بانلا ظلاام وصهييط طبعا عيكون ناعس مرتاح ضغطات على قبضة يدها وطلعات فدروج بدون مادير لحس حتا خرجات فواحد لكلوار طوييل فيه بزااف دلغرف عوجات شفايفا كتشوف فيهم شحال قدها ماتقلب زادت تمشات شوية وهي تسمع صوت شخير جاي من لبيت لي حداها عملات ابتسامة جانبية وتمشات بخطوات بطيئة وبيبرس تابعها حتا دخلات للغرفة دورات عينيها وهو يبانلا ناعس فوق نموسية مشبخ مع راسو ضغطات على شفايفا مغزفة ودارت كتقلب على لحمام حتا بانلا فواحد لكوان تمشات لجهتو ودخلات هزات واحد طاسة عمراتا بلما سخون وخرجات من دوش ووقفاتلو فوق راسو وبدات كتخويلو ديك لما طايب على وجهو حتا ناض طافج كيغوت ربي لي خلقو كيحس بوجهو تصلق شافت فيه بنظرة باردة وجلسات فوق نموسية مقابلة معاه كتشوف فوجهو لي ولا كامل جلود وتورم 💧
رسيل:(بنبرة هادئة ):هدشي ما كيساويش حتا ربع فحرقتي
💣كارلوس غير سمع صوتها كحز لور طافج كيجبلو الله بلي غير كيحلم لعرق كينزل منو شلال وجسمو كيترعد وزيد عليها وجهو لي كيحس بلعافية شعلة فيه سرط ريقو بصعوبة وهضر بتلعتم💣
كارلوس:ش شكون نتي ؟؟
رسيل:(طلقات شفايفا وهضرات بنبرة طفولية ):واش بصح ماعرفتينش وحنا عاد دابا كنا بزوج اسي كارلوس ماكانش كيسحابلي داكرتك ضعيفة لهاد درجة ولكن ماشي مشكل الا بغيتي نفكرك
كارلوس:(قريب يطلقها فحوايجو ):ش شكون نتي؟
💧رسيل كحزات لعندو حتا ولات كتفصل بيناتهم مسافة قصيرة ووجها ماكيبان فيه والو من غير عينيها لي ضارب فيهم ضو لقمرة كيبانو فحال لجليد شافت فعيونو ونطقات بصوت مرعب كفحيح الافعى طيح فيه نص وخلا سيالة دلبول تنزل معاه 💧
رسيل:انا هي اللبؤة لي عتاخد روحك
💧حس بقلبو عيخرج من بلاصتو شهاد رعب زرعات فيه نفس شوفات دنيار نفس نبرة لحادة نفس لهبة لي عندو و لاكتر من دالك نفس لقسوة حقا فهاد لمدة لي دوزاتها معاه رجعات نسخة مصغرة عليه طبق لأصل عن المونستر قلبات عينيها وفتحات صكادور ديالها وجبدات منو منشار الي صافي كارلوس قريب يسخف طلعات عينا فيه وهضرات بنبرة حزينة 💧
رسيل:اوو لا ماتخافش هادي غير لمقدمة باقي لخير عاد جاي
💧هزات ديك لمنشار فيديها وحيداتلو لغطا على رجلو بنترة لقاتو لابس غير لبوكسر بتاسمات باستهزاء 💧
رسيل:امم مزيان سهلتي عليا لمهمة
💧حطات لمنشار على ركبتو وبدات كتحفرلو فيها وكتكتب عليها المونستر بخط عريض وشرار كيقطر من عيونها لكريستالية لي ولاو فحال لجمرة مابقاتش رحمة فقاموسها وهادا هو حال اللبؤة مني كيدخلو لعرينها وكياديولها اسدها غير هي رسيل ادولها وحشها اما كارلوس كيحس بروحو عتزهق ماحيرتو لوجهو لي تصلق ولا لرجلو لي تقطعات بقات كترشم فركبتو حتا سالات اسم لمونستر لي جاو حروفو دايرين على ركبتو لي كاملة ولات تقابي وغير ملبقة الا نفختي عليها عيمشي لفخاض بوحدو ورجل بوحدو ودم هواد شلال من ركبتو طلعات عينا فيه بنظرة باردة ومشات لرجل تانية وبدات كترشم فيها بنفس طريقة حتا سالات عاد طلعات عينا فيه لقاتو سخاف عرفاتو ماقدرش يتحمل قلبات عينا فيه بملل وخشات ديك لمنشار فواحد لميكة هايداك بدمو وعملاتو فصاكادور عاد خزات ديك طاسة ودخلات لدوش عمراتا بلما بارد وخرجات ورجعات جلسات فوق نموسية لي ولات كلها دمايات وطلات على بيبرس بانلا متكي فلفوطوي وحاضيها بتاسماتلو وجبدات واحد لخنيشة صغيرة دلملحة من صاكادور خواتا كلها فلما وخواتولو على وجهو حتا ناض طافج بلهلا يطريهلو💧
رسيل:(بنبرة هادئة ):ماشي دابا اسي كارلوس ليلتنا مزال طويلة
💧ناضت كتمشى بخطوات بطيئة وجلسات فوق لفوطوي حدا بيببرس لي تخشا فحضنا كيحك فراسو بتاسمات بخفوت ودخلاات اناملها ففروة راسو كتحسس شعرو لاسود لكتيف ولحريري فحال دنيار تماما نزلات عويناتا كتشوف فعيونو لي محاطين بالأزرق طبق لأصل على عينين نيار عينيها دمعو اتر تفكيرها فيه ولي اصلا جل تفكيرها فيه ماعمرو خطا بالها ولو تانية وحدة اما كارلوس كيحس بلموت قريبة وزاد فشل مني شاف بيبرس مابقاتش عندو لقدرة انه يغوت ويصرخ قوتو كلها تلاشات مكتفي فقط بنظر بعيونو لي كينزلو منهم دموع فحال لحجر ولسانو تقيل بزز باش خرج لحروف بصوت ضعيف💧
كارلوس:ع عفاك ر رحميني
رسيل:(فور ماسمعات كلامو طلعات عينا فيه بنظرة تاقبة ):ونتا رحمتي قلبي باش نرحمك انا ؟
💧نزلات عيونها ببطء كتشوف فيه وهضرات بنبرة هادئة وبيبرس كيحك فيها راسو كأنه كيجاوبها بلقبول💧
رسيل:بيبرس شوفتي هادا (شارتلو لكارلوس ):هو سباب فدمارنا على دكشي خصنا نتخلصو منو وأول حاجة نبداو برجليه(شارتلا بصبعها لرجلو )
💧بيبرس فور ماكملات كلامها مشا كيجري وطلع فوق نموسية وجر رجل كارلوس من ديك سمية لموشومة فركبة وهو كيغوت ربي لي خلقو سرطو فخمسة دقايق ورجع جرلو رجلو تانية بنفس طريقة وسرطها حتا هي ورسيل جالسة فوق لفوطوي عاملة رجل على رجل وكتفرج فيهم ببرودة قلبها ولا حجرة متلجة ماعدوب حتا يرجع نيار لحضنها حتا سالا بيبرس وجبتو على خاطرو عاد ناضت جبدات واحد لابرة من صاكادور دقاتلو فلسانو باش يتعقملو فمو ومايأديهاش بشي ميكروب مني يكون كيلحس فيها عاد طلعات عينا فمجزرة دماء لي نايضة فوق نموسية جبدات لي صانص وبدات كتخوي عليه وفكل بلاصة فلبيت حتا فزكاتو كامل عاد جمعات قشاوشا وهزات بيبرس فيديها ووقفات فباب لغرفة ودارت شافت فكارلوس لي حالتو حالة كيشهد شعلات لبريكة رماتا فلبيت ولقات عليه نظرة أخيرة وشرارة ديال نار منعاكسا فعيونها لكريستالية لحاقدة بقات لتواني عاد سورتات لباب وزادت هي وبيبرس مستمتعين بصوت صراخ كارلوس💧