💎اللبؤة و الوحش💎( مكتملة )

part74

🌔بارت 74👑
💧بقات صايgة حتا دخلات وسط لغابة وقفات لوطو فواحد لقنت و فتحات لباب لبيبرس لي نزل عاد هزات بيسي وصاكادور وخرجات رماتهم فلارض حيدات حوايجها كاملين حتا بقات غير بدوبياس و جمعات كلشي فواحد لحفرة وشعلات فيهم لعافية بقات لتواني كتسناهم يتحرقو حتا ولاو رماد عاد شارت بعيونها لبيبرس لي بدورو فهمها ومشا نيشان لديك رماد وبدا كيغطيه بتراب حتا مابقاش كينا لاتار دلحريق عاد رجعو لوطو وعفطات على لكسيراتور متجهة لقصر وماهي الا دقائق قليلة حتا وقفات لوطو فلجهة لخلفية من لقصر فين كينا جردة حيتاش تما ماكيكونوش لي كارد فهاد ساعة انسطالات لوطو وخرجات هي وبيبرس وطلعو لغرفتها وغير دخلو توجهو مباشرة للحمام خدات دوش ريحات بيه عظاما ودوشات معاها لبيبرس عاد خرجات لابسة بنوار غوز حد لفخاض وشعرها مجموع بفوطة وبيبرس ملوي ففوطة سوداء توجهات مباشرة لنموسية طاحت عليها ببنوار ددوش مافيها لي يبدل كتحس براسها مهلوكة ومافيها حتا عظم صحيح طبعا وهي مانعساتش 24 ساعة وزيد على تمارة دهاد نهار مدات يدها بتعب طفات لفيوز لي حداها وعنقات بيبرس عندها ومشات فسبات عميق💧
🌞أصبحنا واصبح الملك لله🌞
💧غير ضربات شمس فوجها فتحات عينيها وشافت فساعة لي فوق لكوافوز لقاتها 8 ونص رجعات نظرها لبيبرس لي ناعس على صدرها هزات يديها وبدات كدوزهم على فروة راسو ببطء وسااهية فنقطة وحدة وداكرتها داتها لديك نهار لي صبحاات ناعسة فحضن نيار وبعد لقطات مني كانت سكرانة فحال مني كانو فحافة لجرف ومني كانو كيفلورطيو فلوطو ومني كان داخل بيها لاوطيل وهي ناعسة فحضنو ومغطية بتجاكيطتو ماحسات بدموعها غير هوادين كيتسرسبو على خدها هي بصح متأكدة بلي نيار عاايش وقلبو مزال كينبض ولكن كيبقا لمشكل فكيف عاملة حالتو واش هو بيخير؟ واش واكل وشارب ولا ﻻ؟ واش صحيح فصيح مافيه والو؟ واش ناعس مزيان؟ هادو كاملين تساؤلات كيدورو فراسها ولكن للاسف ماعندهاش ليهم أجوبة تفكرات هزار وميسون عارفة عتكون حالتهم حالة ويقدرو يكونو تيقو بلي نيار مات ولكن خصا تلقا دليل ملموس باش يتيقو بلي نيار مزال عايش زفرات بغضب ومسحات دموعها ورمات عليها لغطا بنترة وحطات بيبرس فوق نموسية ومشات لحمام بروسات سنانها و وجها وخرجات نيشان لدريسينغ لبسات سروال تجينز مقطع من ركبة وتيشرط بيض وتجاكيط كوير كحلة وكونفيرسا فنفس لون نشفات شعرها بسيشوار وجمعاتو كوك شوفال رشات من عطرها وخلات وجها خالي من لمايكاب اصلا ما عندها خاطر بقات لتواني كتشوف فنص قلب لي فعنقها حتا باستو عاد هزات صاك صغير كوتشي و جمعات بيتها وخرجات منو وبيبرس تابعها كينفض فشعرو من لما طلعات فلاسانسور وماهي الا تواني حتا تفتح على سفرة لاكل ولكن كان ليوم مختلف تماما على جميع لايام لانها مولفة تلقا نيار لي مترأس طبلة وكلشي مجموع عكس دابا ماكينا حتا واحد كلشي مخشي فبيتو كيبكي على فراقو من غير رسيل لي متأكدة بوجودو تنهدات وزادت للكوزية عملات لقهوة فلامشين تعصر حتا وجدات عاد خواتا فكاس وشرباتها هايداك سيك عاد خرجات لجردة حطات بيبرس بعد ماباستو فراسو و ركبات فلوطو وزادت مكسيرية ماوقفات حتا لواحد لمختبر فوسط لمدينة انسطالات لوطو فباركينغ وعملات نظرات شمسية فلاسود كتخفي بيهم لهالات سوداء لي تحت عيونها لكريستالية عاد دخلات لمختبر بخطوات موزونة وتوجهات مباشرة عند موظفة لاستقبال لي بدورها غير شافتها ماجا لعندها وقفات ولقات عليها تحية بابتسامة💧
---':بونجوغ مدموزيل فاش ممكن نعاونك؟
رسيل:بونجوغ بغيت اسم دكتور لي تكلف بتحاليل نيار سعدي
---':اكي مدموزيل تسناي واحد دقيقة
رسيل:اكي
---:(نزلات عينيها كتقلب فبيسي عاد طلعات راسا فرسيل):دكتور لي تكلف بتحاليل سي نيار هو دكتور أحمد لقحطاني
رسيل:واش كينا؟
---:وي مدموزيل راه كينا فلغرفة 176 طابق تاني
رسيل:ميغسي
💧طلعات فلاسانسور وكليكات على رقم طبقة مادازش بزااف حتا تفتح على كلوار طويل طلعات عينيها كتقلب على رقم لغرفة حتا لقاتو عاد دقات زوج دقات بصبعها وماتسناتوش يستأدنلها ودخلات💧
💧دخلات لقات رجل ستيني لابس كوستيم قهوي وجالس على كرسي لمكتب ديالو طلعات نظراتها وعملاتهم فوق شعرها وتوجهات لعندو وجلسات فلكرسي لي اونفاص معاه وهو كيشوف فيها مطلع حاجبو💧
أحمد:اكسكيزمي ؟؟
رسيل:(عوجات عنقها كتشوف فشهادة تخرج لي محطوطة على لمكتب ديالو ):أحمد لقحطاني امم كنضن بلي خصك تكون وفي فخدمتك باش تستحق هاد شهادة ولا؟(علات فيه حاجبة )
أحمد:(لعرق بدا كيتصبب معاه ):ش شكاتقصدي ؟؟
رسيل:(بنبرة هادئة ):نيار سعدي نتا لي زورتي تحاليل ديالو
أحمد:(فتح عينو بصدمة وبدا كيرخف فلكرافاط ديالو ):ش شكاتقولي هدشي ماكينش
رسيل:(طلعات عينيها فيه بهدوء ):يدك لي كيرجفو وحبات لعرق لي فجبينك ولون لي تخطف من وجهك وعينيك لي ماتابتينش وغير كيدورو خايفين لا يفضحوك ولجلسة لي داير هدشي كلو كيبين انك كتكدب ومتوتر كينا ولالا اسي أحمد؟
أحمد :(كيحس براسو وحل ديال لمعقول فدقيقة وحدة جبدات منو هدشي كامل زادت وتراتو بدقة ملاحظتها ماعندو كيدير يفلت الا مافضحوش فمو عيفضحوه عينيه ):لا كدوب
رسيل:(بنظرة باردة ):نسهل عليك لأمر اسي أحمد ونطرح عليك سؤال بطريقة مختلفة شكون لي طلب منك تزور تحاليل؟ وفين هما تحاليل لاصلية؟من لاحسن تجاوبني بصراحة ولا عتشوف شي حاجة ماعتعجبكش لان صبري عندو حدود
أحمد:(عرف راسو بلي حصل لحصلة دلكلاب):ماشي لخاطري كنت مهدد خفت على عائلتي
رسيل:(واضعة يدها تحت من دقنها ومصغرة عينيها فيه ):امم نتا عائلتك خفتي عليها وهادك لي عملتيلو بلي مات عائلتو ماعتخافش عليه امم
💧وقفات بهدوء ووضعات يدها بزوج فوق لبيرو وكحزات لعندو وجراتلو لكارافط حتا خرجو عينو وهضرات بنبرة رقيقة فحال فحيح لافعى 💧
رسيل:والا مابغيتيش حتا نتا عائلتك يخافو عليك جيني من لخر اسييي أحمد