💎اللبؤة و الوحش💎( مكتملة )

part11

🌔بارت 11👑
💧حسات براسها فمتاهة كبييرة بزااف ااخر حاجة كانت تتوقعها هي ان ختاها لي من لحمها ودمها تكون عملالها هدشي كاامل واخا كانت كتلاحظ نضرات لكره والحقد فعيونها ولكن ماعمرها تخايلات انها توصل بيها لوقاحة حتا لهاد درجة بقات لتواني كتستوعب صدمة حتا سمعات صوت لباب ديال لفيلا كيتفتح عاد تفكرت ليان لي فلحمام بزربة مسحات دموعها وهزات لايباط من لارض وقطعات ديك لفيديو وصرداتو فنمرتها ديال لواتساب ومسحاتو منو ودخلات لجهة لفيديوات ومسحات ديك لجزء لمقطع و حطات طابلليط حتا شافتها جلسات جنبها معنقاها من خصرها ولي كان بدورها حتا هي تحاوطها بيدا وتبوسلها راسها💧
ليان:حتيي واش عجبك لفيديو
رسيل:(بتاسمت بزز منا ):اه اختي عجبني بزااف قوليلي مني كنتي كتصوريه واش كنتي عاملا شي حاجة فودنيك
ليان:اه احتي كنت عاملا لكيت كنسمع لموسيقى فMP3
رسيل:(تنهدات براحة خافت لاتكون سمعات شي حاجا ):ااف لحمد الله
ليان :حتي رسيل انا توحشت ماما بزااف كنتمنى كون غير شفتها شي مرة ولكن انا ماكنعرفش حتا شكلها كي داير هئ هئ صحاباتي ديما كيخرجو مع ماماتهم هئ هئ وكيديوهم لمدرسة الا انا هئ
رسيل:(تشوكات من هضرات ختاها لي كملاتلها على حالتهت فحاليلا زدتي لملح على لجرح غمضات عويناتها بقوة مقدراش تسمع صوت بكاها كيقطعلها فقلبا فلاخر تنهدات وهزات يديها كتدوزلها على شعرا بحنان وفنفس لوقت كتهضر معاها ودموع دايرين طريق على خدها):حبيبة ديالي سمعيني شعنقوليك مزيااان .مامانا الله يرحمها كينا فواحد لبلاصة زييونة بزااف وبعييدة علينا و برغم من دالك فهي ديما معانا وفجنبنا وكتدعي معانا وكتسنانا فوقاش نجيو لعندها حيتاش حتا هي توحشتنا احبيبتي وباش تكون هي فرحانا ديماا خصنا نديرو لحوايج لمزيونين ولي كيامرنا بيهم الله تعالى حيتاش ديك لبلاصة لي فيها هي ماشي اي واحد كيوصلها و فوق ما تبغي تهضر معاها طلق سجدتك وصلي مني تسالي دعي معاها ولهضررة لي باغا تقوليها ليعا قوليها لربي وهو عيوصلالها وهي عتسمعك احبيبتي صافي ياالله مسحي دموعك باش ماتقلقش منك مامانا اكي
😟💧ليان رتاحت لهضرة ديال ختاها كتحس برااحة كبييرة مني كتهضر معاها كينا فرق كبيير بين رسيل ورباب وبرغم من انها صغيرة الا و انها كتفهم كلشي وكتعرف تميز بين الاشخاص مسحات دميعاتها بيديداتها صغيورين وقالت بصوت منغنغ بلبكا💧
ليان:اه احتي فهمتك دابا ماما كينا فجنة ياك والا تبعت دكشي لي كيقول الله عنمشي عندها
رسيل:براافو اكبيدة ديالي ما شاء الله عليك
ليان:حتي واش عندك شي تصويرة ديال مامانا حيتاش انا فين ما كنسول رباب كتقولي مليكة رماتهم فزبل
رسيل:(زمجرات بغضب فكل مرة كتزيد تكره مليكة ) :معلوم احبيبتي عندي بزااف ديال تصاور ديالهت وحتا حنا معاها مني نشارجي تيلي نصاردهملك فلواتساب ومني تكوني غادا نعطيك شي وحدين ديهم معاك اكي وزيدون انا وياك كنشبهو لمامانا بززااف يعني فوقاش ماتبغي تشوفيها سيري حدا لمرايا وشوفي راسك فيها وتخايلي بلي انعكاسك هي صورة ديال ماماك صافي احبيبتي
ليان :(عنقاتا بقوة وقالت ):فخبارك اختي مني صحابي كيسولوني فين هي ماماك شنو كنت كنجاوبهم ؟
رسيل:(هزات حاجبها باستغراب):وباش كنتي كتجاوبيهمم ؟
ليان:كنت كنقلهمم ان ماما هي ختي رسيل حيتاش فيها جميع مواصفات ديال الام حنينة وطيبة وضريفة وكتشريلي اي حاجة بغيتها و الأهم انها كتبغيني بزااف
رسيل:(بقات ساكتة للحظة كتستوعب كلام ختاها لي يسمعو مايقولش ديال بنت ف7 سنين حقا خلاتها غير كترمش فالاخر بتاسمات وعنقاتها لعندها ):انا احبيبتي ماماك وختك وصاحيبتك وكلشششي وعنبقا دييما معاك الله يخليك ليلي
ليان :(بدلاتها لعناق ):عارفا احتي^ Je ť aime baeucoup^ احبك كتيرا
رسيل:^Moi aussi^ انا ايضا . يالله نخرجو دابا نمشيو عند ماما نهضرو معاها شوية ونجيو باش نمشيو لعرس خالتو ميرال اكي
ليان : يااااس يالله نمشيو دابا دابا(كتجرها من يديها لجيهت لباب )
رسيل:ههه وااخا ولكن حتا نبدلو علينا حشوما نمشيو هايدا
ليان:اكي يالله دغيا
💧شدو فيد بعضياتهم ودخلو لفيلا و ليان غير كتنقز ورسيل كتنقز معاها فحال شي بريهشا وكضحك حقا مع ناس لي قراب ليلها كتكون رسيل الطفلة وماشي رسيل البنت الناضجة دخلو و توجهو مباشرة لبيت رسيل 💧
توجهو مباشرة لبيت رسيل هاد الاخيرة لي مشات لدريسينغ وجبدات واحد لفاليز كبيييرة فلغوز بيبي هزاتا وحطاتا فوق نموسية فين جالسا ليان )
ليان:شني هدي احتي
رسيل:ها نتنا دابا عتعراف اكبيدتي
(فتحات ديك لفاليز وتفتاح معاها عينين ليان كتشووف فيها بفرحة كانت فاليز عامرة بلي غوب أشكال وأنواع غير لي مارك بصبابط ديالم و الاكسيسوارات ولعطور ديال لبنيتات بقات غير مصدومة )
ليان:وااو ختي واش هدشي ديالي
رسيل:وديالمن عيكونو بسلامة ديالي هه
ليان:وااو شحال مزيونيين شكرا احتيي بزااف
(طارت عليها بتعنيقة )
رسيل:هه وبلاتي راباقي ماسالينا
(جابت فاليز اخرى صغيرة فنفس لون فتحاتا كانت عامرا شوكولا🍫🍫 ونونوسات🐶 كباار انواع وأشكال )
ليان:(صافي دابا كملات غير شافت شوكولا طارت كنتفتح فيه وتاكل وتبنن حتا جلخات حالتا كاملا )واااو
رسيل :(كتموت عليها بضحك ):هه وانا المسمومة مدوقنيشي
ليان:ههه نسييت هاك (عطاتا عضات عضيضة ورجعات كتاكل )شكرا احتي بزااف
رسيل:بصحتك احبيبتي مهم انا عندخل لحمام مني تسالي غسل حالتك ولبس شي كسيوة من هدو اكي
(شيراتلا بيدا لفاليز ) ومتاكولشي بزاااف ديال شكلاط رعيضرك سالي غير هادك لي فيدك اكي
ليان:واخا احتي
(بتاسماتلا ودخلات لحمام توضات وخرجات طلات على ليان بانتلا كتلعب فجردة لابسا كسيوة زرقا فيها فراشات فلحمر فايتا ركبا وصندالا فلحمر طالقاا شعرا وعملا لاصو فلحميمر جات كيوت يالله توجهات لدريسينغ سمعات ظهور كتادن تبسمات براحة وشحااال توحشات تسمع صوت الادان جبدات لحوايج لي عتلبس ومشات صلات ظهر عاد دازت لبسات كسوة فلكحل مزيرة من جيهت صدر بكمام مفرفرين وحزام خفيف داير على خصرا ومرخوفا من تحت طويلة فايتا ركبا لبسات معاها سندالا طالون مشبكة كاملة فلبني مع بوشيط فنفس لون دازت لمرايا عدلات شوية ديال كلوز وماسكارا وعملات حوالق مدورين فلبني وساعة فالاسود وجمعات شعرا كعكة عاالية وخلات بعض لخصلات نازلين رشات من عطرا جاات طووب شافت راسا فلمرايا قصحات نضراتا وقالت بصوت عالي)رسيل:اقسم بالله لعظيم حتا ندمكوم واحد واحد عندمكوم على كل دمعة نزلات من عيني بسبابكم هدا وعد
(سدات لباب و توجهات عند ليان لي غير شافتا جات عندا كتجري وشداتلا فيدا فتحات طوموبيل ركبو وزادت مكسيريا مجمعا مع ليان حتا وصلو قدام واحد لمقبرة انسطالات طوموبيل فجنب ونزلات منا بعد ما عملات شال اسود على شعرا و فتحات لباب لليان. شداتلا فيدا وتوجهو عند واحد لمرا كبيرة فلعمر جالسا كتبيع أزهار الياسمين ولماء فواحد لكروصة شرات من عندا ديك لورد ولما كاامل لي كان عندا وعطاتا كتار من فلوسوم خلاتا غير كدعي معاها وهي مبتاسمة ومكتافية بقول ^اامين الحاجة ^ بقاو غادين مسافة طريق حتا كانو واقفين قدام واحد لقبر داير بزليج فالابيض ومزين بطريقة جميلة ومكتوب فوق منو اسم الام ديالم بلخط العريض^سلمى ليوسفي^ غير شافت سميتا بقا قلبا كيضرب ف90 ودموع هوادين حجار من كريستاليتيها ونفس شي بنسبة لليان لناضت كتشهق بلبكا وحطات راسا على تراب قبرا اما رسيل حنات علا سميتا وبدات كتبوس فيها وكتبكي وكدوز يدا عليها و هزات تراب قبرا بيدا و بدات كتستنشق ريحتو كانها كتستنشق عبق امها لفتاقدتو بقات شي ساعة هيداك حتا ناضت و بقاات كتستف فديك لورد عليها من لفوق حتا ولا لقبر كامل عامر ورد لياسمين وكبات عليهم ديك لقراعي دلما من لفوق حتا كدور و كتبالا ليان ناعسا حاطا يديداتا صغيورين بزوج فوق تراب وحاطا وجها عليهم و اتار دموع باقين على خدا عرفاتا عتكون نعسات بقوات لبكا مشات حدااها وتكات بنفس طريقة لي ناعسا بيها هي وبدات كتهضر ودموع هوادين شلال من عيونا )
رسيل:هئ هئ ماما توحشتك بزااف هئ علاش اماما مشيتي وخليتيني بوحدي هئ هئ ضلموني و حكرو عليا حيتاش لقاوني بوحدي هئ هئ كون كنتي معايا اماما مايوقعلي حتا حاجا من هدشي هى هئ حشوما عليهم اما هئ واش شوفتي بنتك شنو دارت فيا هئ هئ وبسبابا بابا جرا عليا فنص ليل هئ هئ كانت شتا خيط من سما هئ هئ ولبرررد بقيت بوحدي فضلام هئ هئ كون غيير بقيتي معايا اماما هئ مكانش بابا عيتزوج بديك لمسمومة هئ هي ومكانش عيدخل ديك مراد لحياتنا هئ هئ توحشتك اماما هئ هئ وحتا ليان محتاجاك بزااف هئ ولكن متخافشي اماما انا ديما معاها معمري نتخالا عليها هئ وكنواعدك اماما حتا ندموم واحد واحد بسبابم بعدت 5 سنين على خواتاتي وعلى بابا هئ هئ توحشتو بزااف عارفاه عيتصدم ولكن خصو يعرف لحقيقة
(بقات جالسا كتعاودلا و كتشكي عليها فحاليلا جالسا فحضن ماماها ونفس شي لليان لي نعسات مرتاااحا ماحسا بوالو شحاال كانت مفتاقدا انها تنعس فحضن ماماها حقا منظرهم بهاد شكل كيبكي لحجار لي داز من حداهم كيبقا كيشووف فيهم متاسفين لحالتوم ماحسوش بلوقت مرة حتا ادنت لمغرب ولمقبرة خوات عاد جلسات كتقرا على ماماها بعض سور لقران بطريقة مزييونة وهادئة حتا سالات وعلات كفوفا كدعي معاها بلمغفرة وان يكون مثواها الجنة وقفات و مسحات دموعا و مشات لوات على ليان ديك شال لي كانت عاملاه💎
على راسها حيتاش تحرك لبرد وهي لي     بدورها غير حسات بيها تمخشات فيها فحال لقطيطة وكملات نعاسها بتاسمات وتوجهات خاارجا من لمقبرة كتبالها دنيا كتصفر ماكينا حتا واحد يالله عتزيد تخطي خطوة وهما يوقفو عليها زوج شماكريا كاملين مشرطين هازين جناوا فيديهم وباينا فيهم مقرقبين💧
---اووو عدنا توت ياسلاام
---وتاا شوف اعشيري على gاوريا
---احح وكنموت يانا فزعورية يا عشيري
🔥في شارع لي مقابل مع لمقبرة كان دايز بطموبيلتو لي من نوع بورش فرمادي بدورة لي عيدو كتبالو شي بنت ماكيبانش وجها واقفين عليها زوج شماكريا بلمواس زمجر بغضب ونزل من طموبيلتو ب بنيتو الرياضية الضخمة لي دير تلاتة من لانسان العادي و قامتو طوييلة و توجه لعندهم حتا كيوقف مصدوم من دكشي لي كيشوف*
💧ماخافتش على راسها قدما خافت على ختاها لي ناعسا فيدها ضماتها لعندها بقوة وشافت فواحد باغي ياديلها وجها شافت فيه بنضرة جامدة وغفلاتو بضربة وهزات رجلها حتا لسما و ضرباتو ليد لي كان باغي يأديها بيها حتا طاحلو لموس من يدو وتعوجلو وتسمعات ديك طااق شكيت واش يكون تهرس طاح االارض كيتوجع بالم فحين شمكار تاني بقى غير فاتح فمو بصدمة ماتوقعش بنت يخرج منها هدشي كاامل قرب عندها كيلعب بديك لموس فيدو لجيهت وجها وكيهضر💧
---اتا بربي حتا مقودة دابا نتياا ضربيلي عشيري هاا
(💧اقا بنفس نظرة مابغاتش تبين انها خايفا على ختاها شافتو كيتلاوط عليها بلموس بقات مركزة معاه فجميع الاتجاهات بلا ماترمش حتا عملات ختاها علا كتفها وطاحلها ساك مزلع فالارض اما ليان ماحسا بوالو بطبعها نعاسها تقييل بزااف عملات ديك لحركة باش يخواولها يديها و قربات عندو بخطى تابتة و فتحات عينيها موراه بصدمة وهو غير شافها فاتحا عينيها بهاد شكل خاف لاتكون كينا شي حاجة وراه مع دورة لي عيدور يشوف شنو كاين كيحس بضربة قوية فاسفل راسو وماهي الاتواني حتا طاح حدا صاحبو مغمى عليه طبعا كانت قاصدا دير هاد لحركة باش تلفت انتباهو و باش بلا ماتبدا دابز معاه وهي ختاها ناعسة فيديهت خافت تجي فيها شي دقة وبالتالي مابالها غير تغفلو بضربة بزاجة ديال لعطر ديالها لي طاحتلها من بوشيط لي هزاتو فيدها وضربات ديك شماكريا بزوج ركلات حتا زواتهم عاد عوضات ختاها فيدها وكملات طريقها فاتجاه طموبيلتها💧
🔥بقا مصدوم ماعمرو شاف شي بنت كتقاتل بديك طريقة والاحترافية و لي صدمو اكتر هي انها هازا بنت فيدها كان ناوي يعاونها ساعة شافها قادا براسها وهو يربع يدو لصدرو وتكا على طموبيلتو كيتفرج فهاد فيلم الاكشن ومركز مع كل حركة كديرها متاكد بلي مدربا مزياان خصوصا ديك لحركة لي دارتلو حتا بانتلو ضرباتهم بركلة و كملات طريقها بغا غير يشوف  وجها ساعة ماكانش كيبان حيتاش ليان كانت مدرقاها هز حاجبو باستغراب من افكارو من فوقاش كتيرو شي بنت باش يشوف وجها ولكن هادي مغايرة عمل ابتسامة جانبية و توجه داخل لطموبيلتو حتا كيتبلو كا فبلاصتو مصدوم🔥