💎اللبؤة و الوحش💎( مكتملة )

part124

🌔بارت 124 👑
نيار :بيلسان نوصلك ابنتي فطريقي لكوليج
بيلسان:وييي بابا بليييز
نيار:هه اكي يالله
🍁مشات بيلسان جابت لكاغطابل ديالها وتعلقات فنيار لي هازها وزادو خارجين ورسيل وراهم حتا وصلو لباب عاد دار نيار باسها من فمها بلخف وكمل طريقة فحين رسيل تنهدات وخرجات لجردة عند هزار وميسون كيزيد يصعب عليها لامور لقاتهم جالسين كيشربو فلقهوة مشات نيشان تخشات فلوسط وعنقاتهم بزوج وغمضات عينيها فحين ميسون بتاسمات وضماتها لعندها كتلمس شعرها بحنية🍁
ميسون:بنتي رسيل واش عندك شي مشكل؟؟
رسيل:(حركات راسها بنفي وهي مزال مغمضة عينيها ):لاا اماما ميسون لحمد الله
ميسون:واخا ابنتي غير بانتيلي ليوم ماشي هي هاديك وقلت ربما تكون تناقشتي نتي ونيار
رسيل:اه اماما فحال داكشي
ميسون:صبري ابنتي و وسعي خاطرك ضروري مايكونو نقاشات فلحياة زوجية غير خصك تعرفي كي ديري تواجهي لامور حاولي تبسطي لي معقد باش تحافظو على توازن حياتكم
رسيل:(حركات راسها بالم ):عارفة اماما
ميسون:اوا الله يرضي عليك ابنتي راكي تبارك الله فاهمة وبعقلك
هزار:بصح اماما رسيل كتفهم تصرف وعتحافظ على خوياا نيار كيف ما هو محافظ عليها
🍁رسيل كتحس بكلامهم فحال سم كيقطعها من لداخل قلبها كيتشوا وهما كيزيدو يكملو عليها بكلامهم كأنهم كيوضعو لملح فوق لجرح ماحسات غير بدموعها كيتسرسبو على خدها مسحاتهم بزربة وبقات لتواني كتنفس كتحاول تعدل صوتها عاد وقفاات وستادنات منهم🍁
رسيل:نخليكم دابا عنطلع نرتاح شوية
هزار:سيري اختي
ميسون:واخا ابنتي خودي راحتك
🍁بتاسماتلهم وطلعات لبيتها هزات لمصحف ديالها ووضعات شال على راسها وخرجات لبالكون وجلسات على لكرسي لي كان نيار كيكون جالس فيه
🍁بقات شحاال كتشوف فديك لمصحف عاد سمات الله وفتحاتو ومباشرة جات عينيها على صورة البقرة تعوضات فلجلسة وبدات كتقرا فديك سورة وكل آية كتحس بيها موجه من عند الله ليلها لحمها تشوكات عليها كل كلمة كتاديها فصميم ديالها وكتلمس روحها ماحسات غير بدموعها كيتسابقو فوق خدها وبرغم من دالك كملات قرايتهاا بكل خشوع زوج سوايع وهي فسورة لبقرة حتا سالااتها عاد سدات لمصحف وباستو وبقات جالسة كدعي الله يسر أمرها سمعات صوت لادان عرفاتها لعصر ستغفرات الله ومسحات دموعها وناضت لبسات عباايتها ووجهات سجدتها لقبلة صلات صلاتها عاد ناضت لبسات غوب فلابيض فوق ركبة مزيرة على طاايتها غسلات وجها وطلقات شعرها وجلسات فوق نموسية كتخربش فتيلي ديالها حتا سمعت صوت لكسيرااتور مجهد عرفات عيكون نيار جا ناضت بزربة ومشات لكوافوز وبدات كتمشط فشعرها عاملة راسهاا مامسوقاش ليه فحين نيار غير مالقاهاش فلبالكون طلع نيشان لجناح ديالو وفتح لباب بقا لتواني حاضيها من لور وكيشوف فانعكاسها فلمرايا وشعرها طويل كيتجرجر ضغط على شفايفو بعصبية هادي تاني مرة ماكتسناهش يجي فحال ديما تمشا لعندها بخطوات بطيئة وحاوطها من خصرها من لور وباسها فعنقها حتا تبورشات وهضر بصوت هادئ وفنفس لوقت قاصح🍁
نيار:علاش مابقيتيش كتسنايني همم؟
رسيل:(غززات شفايفها بجنب وبعدات عنقها عليه ):وليت كنساك معاياش كترجع