💎اللبؤة و الوحش💎( مكتملة )

part120

🌔بارت 120 👑
رسيل:(غمضات عينيها كتقوي فراسها ورجعات طلعاتهم فيه بنظرات حادة ):غادة لشركة نشوف خدمتي فين وصلات شهراين وانا هاملاها بسبابك
🔥نيار فتح عينيه فيها بصدمة بقا لتواني كيحاول يستوعب واش هادي رسيل لي قالت هاد لكلام ولا غير كيحلم لا مايمكنش طلع عينيه كيشوف فيها بنظرات مامفرزاش عاد غزز شفايفو بجنب وقرب لعندها ببطء ووقف مقابل معاها ورسيل غير كتشوف فيه ومخبيا احاسيسها فقناع لقوة اما هي من لداخل قريبة طلق دموعها بزز باش حابسة نفسها🔥
نيار:دابا بسبابي انا هملتي خدمتك همم شنو باغا تقولي بكلامك
رسيل:كلامي واضح ماكين لاش نشرحلك بلخشيبات
نيار:(من تحت سنانو ):وبهاد لحالة باغا تمشي همم شنو واش توحشتي ايام قطع ليا نقطع ليك واش باغا تجهلي ديلمي رجعتيني ديوثي باش نخلي مرتي تخرج بهاد لحالة يتفرجو فيها زوا...ل
رسيل:(بعصبية ):وهدشيي لي ماكنحملش فيكك كنحس براسي مخنوقة معاك رسيل ماتلبسيش هادي رسيل ماتمشيش لهادي رسيل ماتخرجيش وحدك واش انا روبو نبقا عايشة غير باوامرك اسي نيار حياتي كاملة وانا عايشة تحرر ماشي تجي نتا فرمشة عين وتحبسني فقفصك سمعتييي اناا مزاال خصنيي نعيش حياتي طلعتلي هاد لحياة فراسي
🍁ماحسات غير بطرشة حتا دارلها حنكها لجهة تانية هزات يديها واضعاه على خدها مصدومة فحين نيار غير كيشوف فيها وصدرو كيطلع وكينزل بعصبية وعروق يديه بارزين بطريقة مرعبة جرها من شعرها ولصقلها جبهتها مع جبهتو وشاف فيها بعينيه لي ولاو جمرة حمرة وبدا كيهضر وكشاكشو خارجين🍁
نيار:نهار لي سنيتي فيه على ديك لوراق ربطتي حياتك معايا وسنيتي عليها سمعتييي والا حتا لدابا عاد بغيتي تعاودي تعيشي لمراهقة انا عنعطب والديك ونخليك مرمية لداخل ونشوفو هاد زعامة لخاوية فين عتوصلك ماعمرك تحلمي تخرجي بهاد لحالة فحال لق..... الا وانا تحت تراب اما ماحدي انا عايش ماعمر شي قواد عيشوف فديلمك شوفة ناقصة والا مشا حتا دارها عنقلعليه عينيه بيديها وعنلعب بيهم لبييي ونتي الا حتا لدابا عاد باغا تنوضيي تعوجيي عليا طريق عنعاود نسرح والديك ولا بربي حتا نحرق عليك هاد شراوط ونخليك كدوري عريانة
🍁دفعها عليه وجرلها لكسوة من صدر بجهد حتا تقطعات كلها وبقاو كيبانولها دوبياس لي لابسة من تحت رماها فلارض بنترة ودفع رسيل وخرج من لبيت عروق نواضرو باينين زدح لباب بجهد حتا كانت عتقلع ونزل فحالو
💧غير هو خرج رسيل طاحت فلارض عاملة يديها ففمها مانعة صوتها يخرح ودموع هوادين شلال من عيونها رمات ديك بوشيط فلارض بزعفة وبقات جالسة كتبكي بحرقة قلبها كيوجعها ولكن مافيديها مادير هادا هو لحل لوحيد لي كاين بقات ساعة وهي كتشهق حتا بردات قلبها مزيان وعينيها طابو بلبكا عاد وقفات وزولات ديك شرويطة لي كانت باقا لاصقة عليها وطلعات فوق نموسية وجملة وحدة كتقولها فنفسها هي ^سمحليا انيار^ بقات شحال ناعسة على نفس وضعيتها عاد ناضت ودخلات لحمام غسلات وجها وخرجات لدريسينغ لبسات شورط قصير ديال تجينز وميني بوط فلحمر لبسات طالون اسود وجمعات شعرها كود شوفال وضعات مايكاب خفيف خباات بيه لهالات سوداء لي تحت عينيها واتار لبكا حتا سالات عاد رشات عطرها وجمعات بيتها ونزلات لتحت لقات ميسون وهزار جالسين على سفرة لفطور كيتسناوهم ينزلو وغير شافتها ميسون بتاسمات وقالت💧
ميسون :هاهي بنتي رسيل جات فين هو ولدي نيار مولفين تنزلو بزوج بيكم رسيل:(ضغطات على شفايفها وقالت