💎اللبؤة و الوحش💎( مكتملة )

part38

🌔بارت 38 👑
💧يالله وقفو وسدات رسيل لباب حتا سمعت رباب كتعيط 💧
رباب:لييان شكون جا
💧ماجا وكتهضر بنت بيضة وقصيرة ودبيبزة حروفا كحلين شعر قصير فلكحل وعينين كبار وكحلين وحجبان مقدين وفم صغير لابسة غوب فلموف حد ركبة وشعرا مسرح ومعدل عكس لاول كان محروق بترطيبات ولكن دابا لعناية ولفلوس حتا وقفات مصدومة مني شافت رسيل دغيا تجمعو دموع فعيونا ومشات لعندا بزربة معنقاها وكتبكي وحتا رسيل مامنعتشي حتا هي بادلاتا لعناق بابتسامة لان عارفاها تعدبات وندمات بزااف وحتا رسيل قلبا بيض دغيا كتسامح💧
رباب:هئ هئ ختي عفاك سمحيلي هئ هئ والله حتا ندمت هئ هئ وحشمانة منك بزاف على دكشي لي درتلك هئ هئ سمحيلي عفاك اختي هئ دابا عاد عرفت بقيمتك
رسيل :(كحزاتا عليها ووقفات مقابلة معاها وهزات يدا كتمسحلا دموعا بحنية ):ششش صافي اختي ماتبكيش انا اصلا ماكنتش مقلقة منك باش نسمحلك عارفة بلي غير عمرولك راسك ودابا لماضي باح مشا وحنا بدينا صفحة جديدة فاول نهار خرجنا من ديك دار
رباب:بصح اختي سمحتيلي من قلبك
رسيل:اه احبيبتي غير رتاحي
💢رجعات عنقاتا وكتبوس فراسا مامتيقش بلي صافي سمحتلا وماعتبقاش تعدب حيتاش رسيل ماعمرا اداتا بلعكس حققتلا حلما ودخلاتا لورشة كيتعلمو فيها تصميم الملابس وسكناتا ففيلا قد سخط ومعيشاها عيشة الأمراء ماعمرا كانت تحلم بيها اي حاجة طلباتا كتوفرالا مافرقو لعناق حتا سمعو صوت باهم لي سمع كلشي وزادت رسيل كبرات فعينو لانو حتا هو سامح لرباب يوقع لي يوقع كتبقا بنتو مابغاش يعاود نفس لغلطة جا لعندوم وعنق رسيل ودخلو بربعة بيهم لصالون جالسين معانقين كيهضرو ويسولو على أحوال رسيل وهي غير مستمتعة بهاد لجلسة لي فتاقدوها مني ماتت ماماهم وهاهما عوتاني رجعو تجمعو لحمد الله حتا تفكرات نيار وهي تجمع غوباشتا وشافت فساعتا لقات باقي خمسة دقايق بسرعة وقفات وعودات عنقاتوم 💧
رسيل:يالله نخليكم دابا خصني نمشي باش مانتعطلش
رباب:واش عتعطلي اختي
رسيل:لا احبيبتي غير نسالي ونججي
ليان:وعتبقا تاصل بيا ابيل فيديو فحال لي كنتي كدير احتي مني كنتي ففرنسا
رسيل:معلوم ا لكبيدة ديالي
ابراهيم:وفين غادا ابنتي لانا مدينة
رسيل:(حكات شعرا باحراج ماعرفش راسا حتا فين غادا):ء ء عنمشي ل بينس ابابا ففرنسا
ابراهيم :اه صافي ابنتي الله يوصلك على خير
رسيل:آمين ابابا
💧عودات ودعاتم لاخر مرة وطلعات بسرعة لبيتا هزات عطرا والبوم صورا دارتو فصاكا عاد نزلات لعندوم وخرجو كاملين ووقفو حدا لباب حتا كيشوفو ديك لمرسيدس كتفتن ولكن ماكيبانش نيار حيتاش زاج فيمي ماكيبينش شافت فلفيلا لاخر مرة وشافت فخواتاتا وباباها ودموع محجرين فعينا ماعرفش شحال عتبقا غابرة عليهم تنهدات وحاولات تبتاسم فوجهوم وزادت وهما كيديرولها بسلامةة بيدهم حتا وصلات لطموبيل وطلعات جلسات ودورات وجها فتحات سرجم وبدات كتشيرلوم بيدا ونيار غير حاضيها عارف بلي ماسخياش بيهم ولكن هدا هو لحل لانسب رما سيكار من يدو وخشا كلوريكس ففمو وكسيرا🔥
💢وماهي الا ساعة ديال طريق حتا كانو وصلو لميناء طنجة انسطالا طموبيل وجا لكارد كيجري فتاحلو لباب هو و رسيل وجبد غير لفاليز ديالا من لكوفر لان نيار مكيديش معاه حوايجو حيتاش حتا تما عندو زاد لقدام ورسيل كتسابق معاه خصا غير فوقاش توصل لعندو ماكتحملش تبقا تابعة شي واحد وهو غير خطوة كيدير فيها 4 من ديالا ماوصلات لعندو حتا سخفت بقات غدا جنبو كتمشا بكل انوتة وحاضياه بنص عين كتشوفو مشغول فتيليفونو وجامع غوباشتو ويد حاشيها فجيبو وكيتمشا بطريقة رجولية وكتافو كيتحركو معاه بتقالة ولي داز من قداموم كيبقاا تابعوم بعينو وماكرهوش غير فوطو معاهم حيتاش بزوج بيهم معروفين ولكن ما كيزعموش حيتاش موراهم زوج كارد كور قد سخط غير شوفة فيهم طيح فيك نص إضافة لتخنزيرة دنيار هاديك بحد داتا سلاح خطير بقاو كيتمشاو حتا وصلو لواحد جهة مغايرة على لوخرين فهادي مجهزة بطريقة راقية وعامرة بباطوات كبار وفشراع ديالوم كيحملو رمز لمونستر وربعة دلي كارد مستفين حداهم رسيل بقات غير مشلوطة هدشي بزااف حتا هي لباس عليها ولكن ماعمرا وصلات لهاد ثراء كامل فغير يخت واحد من هادو ساوي لملايير ولي زاد أكد شكوكة هو رمز لمونستر فجميع لباطوات يعني دكشي لي فكرات فيه هو لي كاين شي حاجة فلموضوع مامفهومش ولكن ماعتهنا حتا تعرفا بانولا لي كارد فتحولوم طريق وتستفو فجنب واحد ليخت وطلع نيار هو لول عاد طلعات رسيل بمساعدة لكارد لي طلعلا لفاليز ديالا ولي كارد كاملين رجعو نزلو بقات غير هي ونيار فليخت بقات كتشوف فليابسة حتا باانلا واحد لكارد طلق لحبل وليخت بدا كيستعد لابحار ولكن شكون لي غيصوك بيهم باقي حتا ماكملاتا حتا بانلا نيار جالس فبلاصة لكابتين وكيبروغرامي ليخت عاد سرات معاها بلي هو كيعرف يصوك لباطو دورات عينا فلارجاء بإعجاب كان يخت كبير بتلاتة دطبقات وكامل فلابيض ولاتات فلاسود ورمادي مهندس بطريقة كلاسيكية انيقة كانك ففيلا وماشي فيخت طبقة لاخرا فيها لي شومبر ولاكويزين وتانية فيها قاعة دسينما ودسبور وطبقة لاخرة هي لي فيها هما دابا عبارة عن لابيسين كبيير وجليسة بلي فوطوي وبلاصة لكابيتين فلقنت مشات مباشرة لديك لجليسة وجلسات فوق واحد لفوطوي وحطاتا صاكا قداما وحيدات سندالا وطلقات رجيلاتا كتشوف فلبحر لي زرق كيلمع واشعة الشمس الدهبية كضرب فيه وعاطياه رونق خاص صوت طيور ولمواج مالي لمكان وريح خفيفة كتلعب بشعرا حقا منظر ماتسخاش بيه طلعات عينا فنيار بانلا زول لبودي حيتاش لحرارة وعاطيها بظهر وباقي كيبروغرامي فليخت لانو خصو يحدد الاتجاه بدقة لايمشي يخرجو فشي تلث خالي بقات ساهية فظهرو لعريض وديك لوشم لي ضارب فيه شمس كيبان كيبري خصوصا ديك شعلا دنار شعرو الاسود كتيف من لقدام عضلاتو لي بارزين ومستفين حدا بعضم وكيزيد يبانو من كيدور لمقواد حقا جسم يفلح برجولة ولكن شنو سر لي فيك وماكينش فغيرك كانت هادي اخر جملة قالتا قبل ماتلمحو جاي لجيهتا جامع لحداش وعينو يالله فاتحوم شوية بقوة شمس وكيبانو خاطرين فرمادي باارد كيحمقو💢