💎اللبؤة و الوحش💎( مكتملة )

part9

🌔بارت 9 👑
💧وراتها يديها لي منقوشين وليان غير شافتها حركات راسها بالإيجاب 💧
ليان:اه احتي اي حاجة درتيها حتا انا نديرها
رسيل:هه اكي يالله اجي
💧طلعات ليان جلسات جنبها فلفوطي وعطات يديداتها صغيورين لنقاشة وكتقولهت تعملها فحال رسيل فحين هي رجعات مكملة هضرتها مع ميرال حتا سمعو صوت ديال اغنية ^جيبلي شي مرا جبلية^ لي كيحماقو عليها ومني كانو صغار وهما كيشطحو عليها شافو فبعضهم فدقة وحدة وقالو باابتسامة فنفس لوقت 💧
رسيل-ميرال:نايضا نايضا
💧بقاو كيضحكو بجنون على بعضيتهم وناس كاملين كيشوفو فهاد معنى الصداقة الحقيقية عملو يدهم فيد بعضهم وناضو لساحة لي فلوسط كانت خاصة بناس لي بغاو يشطحو ماحسو براسهم حتا بداو على ركزة كيشطحو بطريقة احترافية و كيتاميلو بشعرهم و تضاريسهم  وكلشي كيشوف فيهم و لكاميرة مركزة غير عليهم خصوصا رسيل لي كانت كتبانلهم فحال ديك بنات كيليميني ودابا كتبالهم خدامة  على ركزة تصدمو اما واحد رجال صافي وصلات بيهم لطووب غير فاتحين فوامهم فيها ماقدروش يزولو عينيهم على رسيل اما واحد لالة ميرال نسات بلي هدي حنتها وخصها تجلس وتبت جالسا كتبرد هوايشها اما رسيل قاتلها ماكتعرفي واالو اااجي نوريك و باش كملوها ليان لي زادت دخلات معاهم واي حركة كديرها ختاها كتقلدها فيها وكتحفضها حتا ولات كتشطح فحالهك جالسين كيشطحو ضاربين دنيا بركلا وكيغنيو مع لموسيقى ماحسو غير بقرصا طلعات معاهم من جناب حتا طيراتلهم جلدة فلتات غير ليان مع دورة كتبالهم امرأة في الأربعينات ولكن لي يشوفها يعطيها 30 سنة مزال محافضة على جمالها رغم -كبر سنها وجه بشوش كتشبه لميرال نفس لون لبشرة ودورة ديال لوجه غير هي عويناتها فلخضر عاملا لحجاب بطريقة جميلا مع قفطان فالازرق هزاه من واحد جهة بيدها وكتشوف فيهم بتخنزيرة ليان غير شافتها هايداك هزات جلايلها وضرباتها بجريا ورجعات لبلاصتها كتفرج فيهم اما ميرال ورسيل غير شافوها كتخنزر فيهم تبلوكاو 💧
منال:تبارك الله على لالة لعروسة جالسالي على ركزة
ميرال:(كتغبن عليها )هى هئ حشوما عليك اماما واش حتا شطيح مانشطحش على خاطري هئ
منال:هااكيلي ايييه ابنتي زيديني تبارك الله عليك واش المسطية عمرك شفتي شي عروسة فليلة دحنتها جالسا كتردح فحال لبقرة سير لبلاصتك شوهتيني الله يعطيك لخير
ميرال:هئ صافي غير سكتي ها هي غادا وهادي ماشوفتيهاش (شيراتلها لرسيل )
منال:هانا ماجالها غير بلاتي
رسيل:(بقات غير كدور فعينيها فلاخر مبالها غير تقلب عليها لقفة ):ءء حشوما عليك اخالتي انا زعما عاد جيت من سفر ونتي قرصتيني هدي هي على سلامتك
منال:الله على بنيتي مسيكنا غير سمحيلي احبيبتي ماسحابليشي هدي نتب اجي عندي اكبيدتي اجي توحشتك نشم فيك غير ريحت صحيبتي
💧قربات لعندها وعنقاتها كضحك وكتقلي سم لميرال لي جالسا كتغدد فبلاصتها💧
رسيل:حتا انا توحشتك اخالتي
منال:يالله ابنيتي سيري تجلسي حتا نساليو ونهضرو شوية
رسيل:واخا اخالتي
💧دارت جرات ميرال من يدها ورجعو جلسو فبلاصتهم💧
ميرال:(طلعاتها معاها بقرصا )تبارك الله عليك الالة دغيا قلبتي لقفة
رسيل:(كتحك فلقرصا ):احح الله ينعلك الحمارة مانعرف شكون لي جبد لاخور
💧رجعاتلها لقرصا عوتاني و بقاو جالسين مرة يهضرو مرة يدابزو مرة يتصورو مهم فداو شوقهم فبعضهم حتا وصلات 2 وناس تعشاو ومشاو فحالهم و بقات غير رسيل وميرال وليان لي نعسات بعد ما عيطات لباباها وقالتلو بلي عتبات مع ميرال حيتاش ماعرفت رباب فين طارت طبعا قبل حيتاش معرفة قديمة و منال ولخدامات كيجمعو روينة وسليم و ولدو جاسم مجمعين فجردة هاد الاخير لي مني دخل لدار وشاف رسيل وعينو ماقدرش يزولهم عليها هي مني كانت صغيرة وهي كتعجبو ولكن دابا كتار خصوصا انها زادت زيانت وبانت💧
ميرال:(كتكسل )اممم يالله ندخلو فحالنا عييت
رسيل :(ناضت )انا عنمشي وعندي معايا ليان حتا لصباح ونجي لعندك
ميرال:شو شو يااا حبيبتي من نيتك كتهضري 5 سنين ماشوفتك ودابا باغا تمشي حمقة لا؟
رسيل :ولا اميرال راني شريت فيلا كينا غير قدامك وغدا على صباح نكون عندك
ميرال:لا هي لا عتزيدي قدامي لبيتي ولا نعيط لماما هي لي عتعرفلك
رسيل:بففف صافي ازمر زيدي قدامي زيدي انا عنهز ليان ونتبعك
ميرال:اكي وعندك تهربي والله حتا ناكلك
رسيل:وصافي الخاريا مالك رجعتيني برهوشة ها انا ماجا
💧مشات ميرال طلعات لبيتها فحين رسيل توجهات عند ليان وهزاتها فيدها💧
💧وهزاتها فيديها مع دورة لي عدور كيبانلها جاسم بابتسامة جاي لجيهتها شاب فتلاتينات طبق الاصل على منال يعني الام ديالو طويل ببنية رياضية و شعر بني وبشرة حنطية وعينين خوضر ولحية خفيفة مزينة دقنو سفلي لابس شوميز بيضة وسبادري فنفس لون مع سروال كحل وقفات لتواني كتسناه يوصل عندها مابغاتش تكلاشيه حتا وقف حداها وقال 💧
جاسم :سلام رسيل على سلامتك
رسيل:الله يسلمك
جاسم:كيف نتي صافا
رسيل:لحمد الله احم تصباح على خير
💧خلاتو واقف بلاكة وزادت مكملا طريقها هي عارفاه مزياان علاش ناوي مايخفاوش عليها نظرات الاعجاب لي كينا فعيونها بكل بساطة فهي تجد لغة العيون بالاضافة إلى تجارب لي دوزات فحياتها بلقاءهت مع بزااف ديال رجال الاعمال وبالتالي ولات كتعرف شنو تحت راس لواحد غير من شوفا لولة واخا كيبقا اخ صديقة عمرها ولكن هدشي ماكيتيحلاش لمجال انها ضسرو عليها دخلات لبيت ديال ميرال لي كان انفاص معاها ماعمرها تنساه فهادا كان بيتها تاني فتحاتو بشوية ودورات وجها مابنتلاش ميرال عرفاتهت عتكون فلحمام ولا فلبالكون حطات ليان فواحد سرير صغير كينا فجنب نموسية لي ديما كتنعاس فيه مني كتبات مع ميرال حيداتلها سندالا من رجلها وناضت كتقلب فدريسينغ حتا لقات بيجاما هيلو كيتي صغيرة ديال نعاس كيف ما توقعات اكيد عيكونو عندها حوايج هنايا وهي ديما كتبات مع ميرال زولاتلها لكسيوة ولبساتلها بيجاما و غطاتها عاد باستها فخدها وناضت متوجها لعند ميرال لبالكون سمعاتها كضحك عرفاتها كتهضر فتيلي رجعات قلبات دورة و مشات لدريسينغ جبدات كسيوة فوق ركبة نص كوم فلاخضر و لبساتها جاتا هي هاديك غير شوية مزيرة نظرا لأن ميرال رقيقةعليها ولكن قدها فطول فتحات شعرها وحيدات الاكسيسوارات باستتناء سنسلة وجبدات لما ديال صباغة وبدات كتمسح ضفيراتها حتا سالات عاد دخلات لحمام توضات وخرجات صلات صلاتها ماكيعجبهاش تعطل صلاو ولكن كانت مضطرة جمعات صلايتها وجلسات كتسنا ميرال تسالي حتا بانتلها ماجا كضحك لابسا كسيوة فحال ديالها فالابيض وطالقا شعرها لبني لي واصل حد كتافها بتاسماتلهت وقالت 💧
رسيل :علا سلامة الالة خليتيني وجلستي تجمع همم
ميرال:(مشات جلسات حداها وعنقاتها بجنب ):احح عليك الحب راني غير كنت كنهضر مع زوجي قرة عيني هه
رسيل:ههه هاايداك  اوا كي عامل بعدا لباس عليه شحاال ماطلاقيتو
ميرال:لاابس الحب وديما كيسولني عليك وفرح حيتاش جيتي تحضر لعرسنا
رسيل:اوا مزيان احبيبتي حتا لغدا ونطلااقاو
💧رسيل وميرال وادهم كانو أصدقاء من الاعدادي عزازين على بعضهم بزااف وادهم كانت كتعجبو ميرال بزااف وحتا هي ولكن ما كانتش كتبين ومني وصلو لتانوية جاو فنفس لكلاص وبالتالي استمرت صداقتهم و تحول الإعجاب لي كان بين ادهم وميرال لحب صادق ومني عتارفو لبعضهم قررو يتزوجو مني يساليو لجامعة داكشي لي كان مني جا ادهم لدار ميرال باش يخطبها ولكن سي سليم رفض نظرا لاختلاف الطبقات لان ادهم كان من طبقة متوسطة وبالتالي قرر يسافر لخارج من بعد ماهضر مع ميرال و وعدها انها تكون ديالو وبفضل واحد صديق لي تعرف عليه فأمريكا - قدار أنه يخدم ويولي من أشهر رجال الاعمال ومني جا من بعد 3 سنين ديال لغربة مباشرة مشا يخطب ميرال وبالتاي سي سليم قبل لانو كان متبع اخبارو من قبل اوا وغدا كاينا عرسهم💧
ميرال:احم رسيل واش ما عتواجه...
رسيل:(قاطعاتها بكلامها ):ششش ميرال عفاك مابغيتش نسمع حتا حاجة عليهم اكي انا كنحاول نساهم فهد لفترة باش نستمتع فعرس ختي اكي بب
ميرال:صافي احبيبتي لمهم عندي هي انك معايا
رسيل :وحتا انا بب يالله نوضو نعسو دابا ر3
ميرال:اكي
💧ناضت رسيل باش تجيب ليان تنعسها معاهم فحين ميرال ناضت كتطلاق لفراش مع دورا لي عدور كتبالها رسيل عطياها بظهر وشعرها مطلوق على طولتو فايت لكسوة بقات مصدومة مع كانت جامعاه مارداتلوش لبال واصلا ماتوقعتش تكون دبصح ماقطعتوش مشات عندها كتجري وهزات خصلة من شعرها فيدها وقالت 💧
ميرال:وااااو ماشاء الله شحال غزال واش ماقطعتيهش؟
رسيل:ههه لا راك عارفا ماما الله يرحمها كانت موصياني عليه علا دكشي ماقدرتش نقطعو واخا كيعدبني
ميرال :الله يرحمها احبيبتي فصراحة زييون بزااف خصوصا مع زعورية ولكن ماعمرك طلقيه قدام ناس لايمشيو يعينوهلك ولعين راها خاايبة
رسيل:هه لا كوني هانية
💧تخشاو فنموسية وتغطاو بليزار خفيق نظرا ان لبيت سخون عنقو بعضهم بتلاتة رسيل فلوسط وليان على يدها ليمن وميرال على ليسر غمضو عينيهم ومشاو فسبات عميق وأخيرا نعسو براحة لي كانو مفتقدينها 5 سنين هادي💧