♨اولا لا احلل النشر دون اخد ادني والاحتفاظ بنفس الصورة والمقدمة والاسم♨
🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰
لقصة تحت عنوان:🔥اللبؤة و الوحش 🔥
بقلمي:💎الأل...
🌔بارت 16 👑 🔥كان واقف حدا لوطو ديالو كيهضر فتيلي حتا سالا وقطع لخط عاد وجه طريقو باش يدخل للقاعة مع عيقرب للباب كتباليه رسيل قدامو كتجري كتعكل فجلايلها بديك طالون لي فيه ميترو وهازا ديك لبواطة فيديها.علا حاجبو وكمل طريقو حتا كتباليه تلاوالهت طالون وخرجلها من رجليها وعلا شوية كانت عطيح كون مامشاش شدها فلوقت لمناسب🔥 💧واوب كانت علا شوية عتجي مزدوحة فلارض كون ماشي ليد لي شداتها من خصرها ودوراتها بجهد حتا تخبطات فصدرو لفولادي وتاوهات و بلا شعور وضعات يديها لي كانت فيها لعلبة على صدرو و لعلبة طاحت فالارض بقات لتواني منزلا راسها لارضو شعرها الاشقر نازل على وجها و كتشوف فسباطو الأسود لي كيلمع و كتحاول تستوعب لموقف لي معمرها وقعلها من قبل وفنفس لوقت كتستنشق نفس لعطر لي شماتو قبل 💧 🔥ما حس براسو حتا شدها من خصرها و زدحها بجهد فصدرو حتا حس بيها عملات يديها علا صدرو وبضبط فوق قلبو مجرد فعل دالك حس بنبضات قلبو كتسارع احساس جديد خالجو بقا كيستنشق لعطرها لي اسرو و فنفس لوقت كيشوف فشعرها الاشقر لي نازل على وجها بطريقة جميلة وهي كتشوف فلارض حتا. .🔥 💧بقات لتواني كتستوعب لموقف لي هي فيه عاد طلعات راسها فيه بلعرض لبطيء💧 🔥خصو غير فوقاش تطلع راسها فين مايشوفها كيلقاها عاطياه بالظهر بقا كيتسناها علة أحر من الجمر فوقاش تعلي راسها حتا بانتلو كتعليه بشوية و هي كتطلع راسها وهو كيتصدم واخا مامبينش دالك واخييرا التقت عيونو الزمردية بعيونها الكريستالية مجرد ماشاف فعينيها حس بانجداب غريب ماقدرش يزول عينو عليها كان شي مغناطيس كيجدبو لعندها بقا ساهي فملامحها لبريئين و عويناتها زريرقين ولمرمشين و حجبانها لي مطراسيين من عند الله على شكل هلال نزولا للخالة لي فوق شنيفاتها لكرزيين لمنفخين حس بانجداب كبير باش يتذوق طعمهم حقا فااااتنة لاقصى حد شاف فلبنات حتا عيا وماعمر شاف فحال هاذي كتبان مختلفة بزااف بريئة وفنفس لوقت قاصحة .نظرات حادة و فنفس لوقت كيدوخو حقا أنتى مغايرة🔥 💧 بقات كطلع فعويناتها حتا وصلات لوجهو برغم من انها لابسا طالون الا انها كتبان فحال لكميشة قدامو حتا طلاقات عيونها لكريستالية بعيونو زمردية الرمادية الدي فيهما بريق ازرق كانهمم عاصفة بحر هائجة بقات ساهية فملامحو وفعيونو لي برموش خفاف ونازل عليهم خصلات سوداء من شعرو الكتيف والحريري وحجبانو لغلاض نوعا ما المعقودين و نيفو رقيق ولحيتو السوداء المطراسية على فكو سفلي لي بارز وعاطيه جادبية خاصة وصولا لفمو الاحمر حقا وسييم لدرجة كبيرة شافت فرجال حتا عيات وماعمر ماشافت فحالو عندو جادبية كبييرة بلا متحس تبقاا كتشوف فيه بالاضافة لكريزما لي بااينة فنظرات عيونو الحادة بقات كتحاول تقرا عيونو لكنها عجزت عن دالك طلعات حاجبهت باستغراب علاش ماقدراتش تقرا نظراتو وهي تجيد لغة العيون وتقدر تقرا لأي واحد عيونو باستثتاء ديال هادا كتبالها نظراتو فحال شي كتاب غامض ماتقدرش تقراه ابدا ولا تعمق فيه حقا رجل مميز بقات لتواني حتا ستوعبت لموقف عاد بعدات يديها من على صدرو لعريض ويدو لكبيرة كتنزالق على خصرها ببطىء حتا تفكات منو ووقفات مقابلة معاه وقالت بدارجة رغم أنها كيبالها بلي ملامحو برازلية 💧 رسيل:شكرا 🔥حتا حس بيديها كتحيد من على صدرو عاد بدا كيزول يديه بشوية من علا خصرها حتا وقفو مقابلين مع بعضهم و سمع صوتها لي فيه رنة هادئة ونفس لكلمة لي قالتها فلمقبرة غير لفرق ان داك لمرة قالتها لالفرنسية ودابا بدارجة علا حاجبو باستغراب حيتاش مني شاف ملامحها الشهبة قال عتكون شي فرنسية حتا صدماتو دابا 🔥 💧ماتسناتوش يجوبها ونزلات هزات لعلبة فيديها ولبسات صباطا فرجلها وكملات طريقها لداخل بخطوات سريعة💧 🔥زادت جدباتو بهاد تصرف واكدتلو انها مغايرة تماما على باقي لبنات لي كيتسناو غير لفرصة باش يدورو بيه عكسها هي لي ماتسناتوش حتا يجااوبها عمل ابتسامة جانبية ودوز اصابعو على لحيتو وكمل طريقو بعد ماقال 🔥 ---Lionesse ^اللبؤة^ 💧دخلات كتزرب وردا لبال لاتجي مزدوحة عوتاني توجهات نيشان لغرفة ميرال لقات ليان مع ميرال وهي جالسا كتسناها على النار وغير شافتها دخلات تلاحت عليها بلقريص كتبرد غدايدها وليان محشيا معاهم كتفك فختاها 💧 ميرال:يا لكلبة لاخرا مخلياني مفرعة هايدا هادي هي دقيقة الله ينعلك الحمارة واااع ليان:هيي بعدي من حتيي والله حتا نضلبك ها ودني منك(عملاتلها حركة بودنها) ميرال :(بقات غير مصدومة ) شوفليك لخانزة جلستي معاها غير يوماين قلبتي عليا اوا واخا عليك ليان:انا ماقلبتش عليك ولكن لي يحاديلي حتيي رسيل نحنقو بيدي هاااايدا (عملاتلها لحركة بديدتها ) رسيل:(بدراع باش تفكات منها) اح الله يعطيك لهرس لديك ليدين الحمارة شوفي بعدا شنو جيبت عاد هضري ميرال:(عاد ردات لبال للعلبة لي هازا فيدها):ءء شنو كاين فهاد لبواطة رسيل:كون كنتي فحال ناس عتعرف شنو فيها حيدي من قدامي 💧دفعاتها من يدها وجلسات فوق لفوطوي وحطاتها قدامها وميرال مشات جلسات حداها💧 💧وميرال مشات جلسات حداها هي وليان وقبل ما تفتح لعلبة جرات ليان من حنيكاتها وباستها💧 رسيل :احح الله يخليلي لحب لي كيدافع على ختاها هه ليان:ههه انا ديما عنبقا كندافع عليك احتيي ميرال :اوا طلقينا خلاص راه خصني نخرج عند حبيبي رسيل:(كتعيبها ):هيهي حبيبي يعطيك حبة 💧فتحات ديك لعلبة وبانو زوج علب صغار فوسطها و وحدة كبيرة جبدات ديك زوج صغار عطات وحدا لليان و وحدة حطاتها قدامها عاد جبدات لعلبة تالتة فتحاتها وكانو فيها زوج علب وحدة صغيرة و وحدة كبيرة حطات ديك صغيرة فوق حجور ميرال لي غير كتشوف فيها باستغراب حتا بانتلها رسيل وقفات و فتحات ديك لعلبة لكبيرة وهي كتجبد فداكشي لي فيها وميرال و ليان كيفتحو عينيهم علا جهدهم حتا عملات ميرال يديها علا فمها شاهقة ودموع هوادين شلال من عيونها وقفات بزربة و مشات كتجري لعند رسيل وعنقاتها بقوة حتا طاحو فالارض بزوج بيهم وديك نكافات و بنت ديال لمايكاب غير كيشوفو فيهم ما عمرهم شافو شي صحابات فحال هاد زوج فحين رسيل بادلاتها لعناق بابتسامة ووقفات كتمساحلها دموعها حطات جبهتها على ديالها وقالت 💧 رسيل:شووت علاش كتبكي احبيبتي ميرال:هئ هئ مامتيقاش هئ وفيتي بوعدك وجيبتيهالي هئ هئ الله يخليك لي رسيل:وانا حماقيت باش مانوفيش بوعدي لصديقة عمري شحال عندي منك يالله مسحي دموعك و مشي لبسيها باش نخرجو ميرال:هئ هئ واخا 💧باستها فخدها ومشات لديك لكسوة و هزاتها فيديها كتشوف فيها باعجاب كبيير كانت عبارة عن غوب بلونش مشبكة من ليدين ومن صدر ومن ظهر مطروزة ونازلة بعقيدات اللؤلؤ وكلها مرصعة بالالماس وطوييلة من تحت وواااسعة و معاها سباط ديالها فلفضي و طرحا كاملة مشبكة مع تاج كبيير و مزيون حقا انييقة بزااف و كتفتن و كيف لا وهي مصصمة من عند أشهر المصممين فانجلترا بلملايين نكافات و ليان بقاو غير مشلوطين ما عمرهم فحياتهم شافو فحال هاد لاغوب اما ميرال لبساتها كطير بلفرحة وجلسات باش تعدلها لبنت لمايكاب ولمشطة .رسيل عاد ردات لبال لليان لي باقا مافتحتش لعلبة ديالها💧 رسيل :ليان واش ماعتفتحيش لعلبة ديالك؟ ليان:(عاد تفكراتها و ضربات على راسها ):ءء نسيت احتي انا عنفتحها دابا 💧فتحات لعلبة وعينيها تفتحو معاها كانت غوب ديال لبنيتات سماطي حد ركبة فالابيض و حزام فالازرق مرصعة بلحجيرات فصدر ومفرفرة من تحت وسنيدلا فالازرق حقا مزيونة بزااف ماحسات براسها حتا طارت على رسيل بتعنيقة كتبوس فيها 💧 ليان:شكلا احتيي بزااااف مزييونة كتحمق رسيل:هه بصحكتك احبيبة ديالي يالله لبسيها باش نخرجو ليان :هه واحا احتي 💧ليان ناضت كتلبس لكسوة فحين رسيل هزات لعلبة ديالها ودخلات لواحد لبيت صغييور كان فوسط داك لغرفة حيدات حوايجها ولبسات لغوب ديالها لي كانت فلاسود مزيرة من صدر ومشبكة من ليدين و من جهة لفوقانية دصدر وطوييلة من تحت مفرفرة ولفتحة طالعة حتا لركبة حقا مزييونة بزااف وخصوصا مني لبساتها جاتها كتهبل مع طايتها دارت شافت فلمرايا لي حداها وجبدات لمايكاب من ساكها وبدات كتماكي مسحات غير ديك لكحل لازرق من عينها ودارت آخر فلكحل و مسحات ديك لعكر و دارت آخر ماط فالاحمر حيدات ديك المجوهرات خلات غير سنسلة وزادت حوالق فالاسود طوال و ساعة انيقة فالاسود وخاتم خفيف على شكل هلال فصبعها سبابة طلقات شعرها وجمعاتو كعكة عاليا وخلات بعض لخصلات نازلين عل وجهها رشات من عطرها وعملات صندالا طالون سوداء وبوشيط كدالك شافت راسها فلمرايا مرة اخيرة حقا جات جميييلة بمعنى لكلمة واتاها لاسود فحال شي حورية وعيونها لي فحال لقرطاس مع ديك لكحل فتحات لباب لقات ميرال لبسات لغوب لي تقول مفصلة عليها وجامعة شعرها لبني لقصير بمشيطة زويينة و دايرة تاج على راسها وديك طرحا لي مغطيا لمايكاب صارخ لي فوجها وهازا بوكي ديال ازهار الجوري حقا جات فحال الاميرة بتاسمات بفرحة و شحاال كانت كتمنى تشوفها فهاد لمظهر حتا قالت بلي معمرها عتشوفها هايدا ولكن ها هو ربي كتبلها دالك توجهات لعندها بخطوات بطيئة وهزات ديك لعلبة صغيرة ومشات لعندها وقفات مقابلة معاها وفتحات لعلبة ليظهر العقد الالماسي و حوالقو وخاتمو و براسلي بنفس شكل وضعات يديها على فمها بزااف عليها هدشي كامل بزز باش حبسات دموعها على قبل لمايكاب كتحمد الله صباح وعشية حيتاش رسيل صاحبتها عنقاتها بقوة معبرا عن احساسها فهاد لحظة ورسيل كان بدورها حتا هي تبادلها لعناق💧 ميرال:شكرا بزااف ماعرفتش شعنقولك ارسيل والله بزااف عليا هدشي رسيل:ماتقوليش هايدا احبيبتي نتي ختي وتستاهلي اكتر من دالك ميرال:الله يخليك لي احبيبتي رسيل:جيتي زييونة بزااف واتاك لبلونش ميرال:هه وشعنقول عليك نتي الحورية لي واتاك نواغ هه 💧بتاسماتلا و دارت من وراها ولبساتلعا ديك لعقد و اكسيسوارات دياولو عاد شافت فليان لي كانت لابسا لاغوب وكتشوف فيهم بحب نزلات لعندها وباستها فخدها💧 رسيل:لياني حبيبتي جيتي زييونة بزااف ميرال 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ليان👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
