💎اللبؤة و الوحش💎( مكتملة )

part100

🌔بارت 100 👑
بيلسان:يااااي هابابا جاا
نيار :امم ياكما توحشتيني
بيلسان:هه اه ديما كنتوحشك نتا وماما
🎄نيار طلع عينو وهبطهم فرسيل بانتلو لبسة مستورة ولكن جات معاها بزااف ضغط على شفايفو كيبرد فراسو ماكرهش حتا واحد مايشوفها من غيرو ولا مريض بيها حبو ليهاا فات لهوس أضعاف دور دراعو عليها وجرها من خصرها مزير عليها كأنه خايفها تهرب اما رسيل غير كتشوف فيه وعينيها كيلمعو زادو خارجين معانقين بعضهم ونيار هايز بيلسان فيدو نزلو لتحت فلاسانسور وزادو لجردة يالله خرجو وهما يوقفو ربعة ديال طموبيلات كباار من نوع رونج روفر رسيل فتحات عينيها بفرحة ونيار وقف جنبها كيتسناهم يخرجو وجات حتا هزار وميسون واقفين حداهم حتا تفتحات باب لوطو الاولى وخرج منها سي إبراهيم لابس سروال توب اسود وشوميز فالازرق بابتاسمتو لبشوشة وملاميحو سوداء وشعرو لي مملوء بشيب عاد نزلات ليان بكسيوة فلغوز وشعرها الاشقر مطلوق وراها وملاميحها لي طبق الأصل عن رسيل كأنها نسخة مصغرة عليها غير شافت رسيل مشات كتجري لعندا وتلاحت عليها كتبوس فوجها وكضحك ورسيل معنقاها وكتبوس فيها ونيار كيشوف فيهم بابتسامة🎄
ليان:ختييي توحشتك بزااااااف
رسيل:حتا انا احبيبتي
🎄ليان طلعات عينيها وغير شافت بيلسان وساعت ابتسامتها اكتر ولي بدورها حتا غير شافتها نزلات من خضن نيار وعنقو بعضهم كأنهم خواتات عاد سلمات على نيار وميسون وهزار فحين رسيل كتضحك من قلبها وهي حاضية ميرال ورباب كيجريو لجيهتها كيشوفو شكون عيسبق لعندها وادهم من لور كيعيط على ميرال باش ماتجريش وهي ماداياهاش حتا فيه ماوقفات حتا وصلات لعند رسيل وتلاحت عليها معنقاها بجهد حتا طاحو فلارض معنقين وكيضحكو من اعماقهم ونيار وادهم حاضينهم بخوف باين فعيونهم 🎄
ميرال:توحشتك توحشتك هههه
رسيل:ههه حتا انا توحشتك
🎄مافرقو لعناق غير بستة وستين كشيفة عاد نيار نوض رسيل من الارض مخنزر وادهم كدالك نوض ميرال عاد مشات كتسلم على لباقي فحين نيار وادهم تسالمو سلام رجولي ورباب عنقات رسيل بشوق كبير ورسيل بادلاتها لعناق بابتسامة عاد جا سي براهيم لي ماوصلاتو نوبة حتاا سخف باست راسو وعنقو بعضهم كيفيدو شوقهم عاد جا نيار باسلو يديه وابراهيم رضى عليه بابتسامة لانو باينة هو لعريس عاد جات لالة سعاد وسي سليم واليدين ميرال وسلمو على رسيل وباركولها ربع ساعة وهما كيتسالمو ونيار كيحس بلخنقة خصو غير فوقاش يفكو حتا تسالمو كاملين عاد دخلو لقصر وميسون كترحب بيهم وهما غير فاتحين فمهم ماكانوش كيتخيلو بلي عيكونو فهاد تراء كامل وخصوصا مني دخلو لقصر بقاو غير مصدومين من غير أدهم وميرال لي كيعرفو نيار دخلو لصالون وجلسو مجموعين ميسون جالسة حدا سعاد مجمعين تفاهمو مع بعضهم وفجنبهم جالس سي سليم وسي ابراهيم كيتحدتو بهدوء اما نيار وادهم جالسين مقابلين مع لبنات لي كيهضرو وكيضحكو وحتا هزار مخشية فوسطهم دغيا كتعمل بلاصتها خصوصا مني لقات ميرال حمقة كتر منها اما بيلسان وليان خرجو لجردة كيلعبو فرحانين من طلاقاو وحتا من بيبرس داه نيار لمحمية باش  مايخافوش منو
🎡نيار غير حاضي رسيل كيفاش فرحانة وكضحك من قلبها حتا كتبرز غمازتها وشحال كيعشق يشوفهل بهاد شكل ماحس براسو حتا ترسمات ابتسامة واسعة على تغرو غير شافها كضحك حتا هو بدون شعور بتاسم حتا لمح ليان وبيلسان كيلعبو فجردة شافهم من لباب زجاجية دصالون حقا فكل مرة كيشوفها كيتصدم فهاد شبه لكبير لي بيناتهم لدرجة انه شك فلاول مني كان ماكيعرفش رسيل انها ممكن تكون بنتها نفس لعينين نفس ضحكة نفس لغمازة نفس زعورية ونفس شعر ونفس شامة لي فمها كأن ليان هي رسيل مني كانت صغيرة وبدون شعور داه تفكيرو لولاد يعني ادا جاتو شي بنيتة واش عتكون فحال هايدا كتشبه لرسيل فحال ليان ماكرهش تكون بنتو نسخة مصغرة عاى رسيل لا فجمالها ولا فدكاءها مافيقو من سهوتو غير صوت سي ابراهيم طلع عينو فيهم وكلهم وقفو حديتهم وشافو فيه مركزين مع هضرتو 🎡
إبراهيم:واش ضابطين لعرس عيكون غدا؟؟
رسيل:اه ابابا ان شاء الله كلشي واجد
إبراهيم:(شاف فنيار ):ولدي سمعني الله يرضي عليك حنا مامن عداتنا والا من تقاليدنا نعملو لعرس بدون خطوبة ولا بدون ليلة لحنة ولكن مني هضرت مع بنتي رسيل قالتلي باغين غير شي حاجة خفيفة برغم من انكم نتوما موالين لخير ولكن عالاقل لخطوبة ضروري ماتعمل مابغيتش نتحرم من شعور ديال نقدم أول وحدة من بناتي لراجل على شكل طقم من دهب برغم من ان لازم نتا لي تجي تخطبها مني ولكن ظروف حكمات وحنا لي جينا كنتمنى تكون فهمتي كلامي وحتا نتي الالة ميسون تقدري موقفي
🔥نيار غير واضع يديه من تحت دقنو ومركز مع كل حرف كيخرجو فاهم وعارف شنو لميساج لي باغي سي إبراهيم يوصلو برغم من أنه ماعندوش مع هاد الاجواء وكون جات عليه هو يعمل لعقد ويبات ما يصباح ولكن هو عارف بلي أسعد يوم فحياة لبنت هو يوم زفافها وعلا دكشي مابغاش يحرمها من هاد لفرحة