🌔بارت 128👑
ولحريق كيقطع فيها من لداخل وضعات يديها على كرشها كتغوت ربي لي خلقها ولكن شكوون عيسمعها لان لجناح ديال نيار بعيد وعازل عن صوت بقات كتغوت حتا بح صوتها كتحس بكرشها كتقطع لاشلاء طلعات عينيها ببطء كتشوف فلففون لي فوق لكوفوز ضغطات على شفايفها بقوة وزادت كتكحز جالسة ماقداش توقف كتحس بلخناجر كيتخشاو فيها من تحت مدات يدييها لكوافوز كتجبد ولعرق كيتصبب منها بزز باش وصلاتليه دوزات نمرة نيار بزربة وحطات لفون على ودنيها صونا لمرة لولة حتا قطع وماجوبهاش 💧
رسيل:هئ هئ لاا انيار ماشي دابا عفاك هئ هئ
💧عودات صونات عليه لمرة تانية و والو ماكيجاوبش كتحس براسها عتسخف وداكشي كيقطع فيها ودم غير مازايد حطات لفون فلارض وحاوطات كرشها بيديها كتعصر وكتغوت بكل جهدها عاد طلعات راسها كتنفس بجهد ومدات يديها لتيليفون عوتاني دوزات نمرتو وعملاتلو هوت باغلوغ لجهد باش تهز تيليفون ماعندهاش بقات كتسمعو كيصوني ولكن ماكيجاوبهاش حتا فقدات لامل وفاخر لحظة جاوبها بصوتو لي كيزعزع💧
نيار:شنو خصك
رسيل:هئ هئ ن نيار هئ هئ
نيار:(غير سمع صوت بكاها ولحروف لي كيخرجو مقطعين من فمها وقف لوطو بجهد حتا تحكو روايض فلارض وهضر بصوت مخلوع ):رسيل مالكي شنو وقعليككك رسييل هضرري
رسيل:(ضاغطة على شفايفها وبزز باش كتهضر ):ا اجي هئ هى دابا
✴فور ماكملات كلامها طاحت فلارض سخفانة قوتها كلها تلاشت ولوجع غزز كرشها مزيانن جات طايحة على داك زوج وكلو دخلها فيديها فحين نيار غير سمع كلامها قلب دورة وعفط على لكسيراتور بجهد وزاد كيتسابق مع ريح وقلبو كيضرب فتسعين
🔥ماوقف حتا لباب لقصر وقف لوطو وخلاها محلولة ودخل كيجري وميسون وهزار كانو جالسين فجردة وغير شافوه داخل فديك لحالة تبعوه كيجريو فحين نيار طلع فدروج كيطير كيزطم فدرجة ودرجة كينقزها ماعندوش لوقت لي يطلع فلاسانسور ماوصل لجناح ديالو حتا غفرليه ربي دنوب وميسون وهزار وراه عيسخفو دخل مباشرة لغرفة لقا لباب مسدودة زفر بغضب وبدا كيدق بجهد🔥
نيار:رسيلل رسييل حلييي لبابب وااش نتيي لدااخل
ميسون:ولدي شنوو وااقع
🔥ماجاوبهاش كاع كل تفكيرو غير مع رسيل وحالتها دفع لباب بكتفو بجهد حتا تقلع ومع عيطلع عينيه عيجيو مباشرة فرسيل مرمية فلارض غارقة فدمها شوكاه لمنظر بقا غير واقف كيشوف فيها مصدوم مامتيقش هدشي لي كيشوف واش بصح هاديك حبيبتو لي غارقة فدمها مافيقو من صدمتو غير صوت غوات هزار وبكا ميسون غمض عينيه وعاود حلهم كيتاكد واش هدشي بصح ولا غير كيحلم وللأسف حقيقة دخل كيجري لعند رسيل وجلس على ركابيه كيحرك فيها و كيضرب فخدها ضربات خفاف🔥
نيار:رسييل رسيييل فيقيي كتسمعيني حلي عينيييك براكة من لعبب لباااسل رسيييل
🔥بقا كيضرب فيها وكيهضر فحال لحمق عقلو مابغاش يستوعب لمنظر حتا سمع صوت هزار🔥
أنت تقرأ
💎اللبؤة و الوحش💎( مكتملة )
Action♨اولا لا احلل النشر دون اخد ادني والاحتفاظ بنفس الصورة والمقدمة والاسم♨ 🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰 لقصة تحت عنوان:🔥اللبؤة و الوحش 🔥 بقلمي:💎الأل...
