♨اولا لا احلل النشر دون اخد ادني والاحتفاظ بنفس الصورة والمقدمة والاسم♨
🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰
لقصة تحت عنوان:🔥اللبؤة و الوحش 🔥
بقلمي:💎الأل...
🌔بارت 56👑 🔮قالو بسم الله وجلسو على ركابوم فلارض كل وحدة من جيها وديك لبنت فلوسط كتشهد فحاليلا عيدبحو لحولي رسيل شداتلا شعرا وبدات كتنتف فيه وهزار هازا بوشيط وكضرب فين ماجاب الله غير كتشير خصوصا ديك بوشيط مصنوع من نقرة رجعاتا مزوقة بديك الوردات لي فيه اما رسيل شعرا كامل تجمعلا فظفارا ريشاتا فحال دجاجا وديك لبنت كتغوت ربي لي خلقا ماعمرا شافت شي مسطيين فحال هاد زوج وناس غير كيشوفو فيهم ماقدروش يتدخلو كيخافو يخلطوهوم معاها حتا جاو سيكيرتي كيفكو فيهم وهما تقول واش يبغاو يطلو منا حتا جاروهم بجهد عاد وقفو كينهجو وكيتجبدو لعندا باغين يكملو عليها اما ديك لبنت ولات حالتا حالة حوايجا كاملين مقطعين بديك ضرب ورجلا مصورين فيهم طبايع ديال لورد وشعرا كامل تنتف وطالع فسما وجها مجلخ بلماكياج مهم حالة لا يرتى لها ماتبغيهش لعدوك 🔮 ---:(كتبكي ):هئ هئ شوفو على حالة دارو فيا انا بغيت نقدم شكاية ضدهم سيكيرتي: واخا الالة غير تهدني واحد دقيقة ---:(بلغوات ):كيفاش بغيتوني نتهدن انا بغيت دابا تديو هاد لمتوحشات فين يترباو 🔮رسيل وهزار غير سمعو لمتوحشات زادو شعلو🔮 رسيل:(ضربات ديك سيكيرتي ببونية لنيفو حتا رعفاتو وتلاحت علا ديك لبنت كتكمل عليها ):انا نوري لمك لمتوحشة دبصح هزار:(غير شافت رسيل مشات هزات سلاحها لفتاك ولي هو لبوشيط طبعا ونزلات على ديك سيكيرتي لي شادها لراس حتا طلق منا وتلاحت كتعاون رسيل ):اجي العاهرة لهنا 🔮ديك سيكيرتي كل واحد كيبرد فدقتو ماحرتهم لراسوم ولا لهاد لمسطيات ولا لبنت لي قربو يقتلوها وناس شي كيتشفا شي كيضحك شي بقات فيه وشي كيصور زادو جاو زوج سيكيرتي اخرين وزيرولوم على يدوم لا يمشيو يبوقوهم عوتاني وزادو مخرجينهم لبرا اما ديك لبنت ولات فحال شرويطة وجها كامل بونيات ودمايات هزوها حتا هي وخرجوها لبرا لقاو رسيل وهزار كيتنترو باش يطلقوهم ساعة حاكمينهم مزيان ركبوهم بزوج فسطافيط لور وديك لبنت ركبوها لقدام لايمشيو يكملو عليها اما رسيل وهزار جالسين كيغنيو ما علا بالهمش ماوقفو حتا لقدام لكوميسرية نزلوهم كيطيحو ويعاودو ينوضو وديك لبنت حالتا حالة وكلشي كيشوف فيهم حتا دخلوهم نيشان عند واحد لكوميسير قدمولو تحية 🔮 ---:شاف لقينا هاد لبنات كيدبزو فلبواط ودارو هاد لحالة فهاد لبنت(شيرلو بيدا ليلا) لكوميسير:✴شاب فتلاتينات بشرة بيضاء حروف شهبين وعينين فلعسلي لحية مطراسية ولي زابدو واضحين من شوميز لي لابس لانه مزير علا عضلاتو جالس فوق لكرسي عامل ستيلو ففمو وكيشوف فيهم بتلاتة مخنزر شارلو بيدو باش يخرج ورجع شاف فيهم✴:اييي جلسو ✴شارلوم بيدو لواحد لفوطوي كبير مقابل معاه ديك لبنت جلسات رسيل وهزار مافهموهش كاع شني قال فحاليلا هضر بشينوية اما لكوميسير غير شافوم هايداك وهو يزفر وغوت حتا نقزو✴ لكوميسير:قلتلكم جلسووووو ✴رسيل شافت فهزار باستغراب وعينا مقلوبين بسكرة ✴ رسيل:شناهي جلسو؟ ؟ هزار:(دارت شافت فديك لبنت لقاتا جالسة ورجعات شافت فرسيل بصوت تقييل ):هي هادي الحمقة 🔮جرات ديك لبنت من شعرا جابتا مجبدة فالارض وطلعات جلساتلا فوق كرشا ورسيل غير شافتا دارت هايداك عاد فهمات وجات جلسات حداها وديك لبنت عطرطق خنقوها كتغوت بجهد خصوصا انهم تقاال🔮 ✴اما لكوميسير غير حاضي فهزار كي كدور فعينا فحاليلا كتفكر وكيقول فنفسو فين شافا حتا بانتلو جلسات على ديك لبنت وهو يفتح عينو بصدمة ومشا كيجر فيهم وهما فحال لبقرات مابغاوش يتحركو حتا عيط على واحد لبوليسي كيفك معاه مانوضوهم من عليها حتا سخفوهم عطاو لديك لبنت تشرب باش ترد نفس ولكوميسر جر رسيل وهزار جلسوم فلفوطي لي قدامو✴ لكوميسير:مرحبا بيكم اسكايريات شنو اسمكم هزار:(عاملا يدا ففما كتفكر ):اسمي امممم ءءء نسييت ✴لكوميسير من نيتو كيتسناها تهضر فلاخر زفر بغضب وبدا كيقلب فبوشيط درسيل مالقا فيه والو من غير لفلوس ولماكياج وداز لصاك دهزار كيقلب فيه حتا لقا لاكارط ناسيونال ديالا غير قرا سمية وهو يفتح عينو بصدمة باقي مامتيقش انها هي نفس لبنت لي سنين وهو كيقلب عليها بدون شعور ضهرات ابتسامة واسعة علا فمو حتا بانو سنانو مستفين رجع جلس حاضي معاهم لقاهم عاملين راس على راس وكيضحكو غير بوحدهم جابولو ضحكة هز تيلي فيدو ودوز لخط✴ 👑جالس فلمكتب ديالو واضع نظرات شوف شيك وعامل يدو تحت من دقنو وكيدوز ابهامو على لحيتو ببطئ و كيشوف فلفملف لي فوق لبيرو كيدرس لبغوجي ديال تصنيع سلاح جديد وكل ساعة كيطرطق فعنقو صباح قريب يطلع وهو باقي ماسالا خصو غير فوقاش يرجع لدار باش يشوف عيونا لكريستالية اتر تفكيرو فيها ظهرت ابتسامة واسعة على ثغرو حيد نظاظرو وتكا على لكرسي بظهرو رامي عليه تقلو كيفكر فلبؤتو لمشاكسة علم الله كي دوزات نهارا مافيقو من سهوتو غير صوت تيلي لي كيصوني هزو فيدو و بقا كيشوف فالاسم باستغراب فلاخر دوز لخط وحطو على ودنو🔥 نيار:الو ----:سلام نيار صافا نيار:لحمد الله ياك لباس؟؟ ---:أولا كنعتذر على هاد لوقت لمتأخر كنتمنى مانكونش فياقتك مي حالة طارئة نيار:(عاقد حجبانو بتساؤل ):نوو بروبلم شنو كاين؟؟ لكوميسير:احم عاد دابا جابو زوج بنات من عائلتك لمغفر شرطة نيار:واااات!!واش عارف راسك شكاتقول راك غير غالط أركان:نوو انيار وحدة عندا لاكارط ناسيونال فيها سميتا هزار السعدي عرافتا عتكون ختك ولوخرا ماعندا والو وماقدرتش نعرف من عندوم شي حاجة لانهم سكرانين نيار:(غير فاتح فمو بصدمة مامتيقش هدشي لي كيسمع باينة غير كيتخايل مايمكنش كيفاش لقاو ختو سكرانا ودابا كينا فلكوميسرية عينو ولاو جغمة ديال دم كرز على قبضة يدو بقوة حتا بياضت وهضر ضاغط على سنانو):فاينا مغفر ا أركان؟ ؟ أركان :مغفر**** نيار:15 دقيقة نكون عندك 🔥قطع عليه لخط وهز تجاكيط كوير ديالو لبسة عليه وعمل تيليفونو فجيبو وخرج منير ركب فلوطو وعفط على لكسيراتور كيتسابق مع ريح 🔥 ✴حط لفون ديالو فوق لبيرو وديك لبوليسي خرج لبنت لكولوار لا يمشيو يكملو عليها واركان عاد رجع كيشوف فهزار بفرحة خفيها وشحال قلب عليها وتقول واش لقاها كان لارض بلعاتا حتا فقد لامل وهاهو دابا طلقاها وفهاد ظروف هادي يااا على صدفة لبنت لي حمق بلبحث عليها جابوها حتا لعندو معتقلة وسكرانة من لفوق بقا غير كيدور فراسو وكيضحك بخفوت باقا هي هي بنفس صفاتا لحمقين وتصرفاتا طيشين غير هي تبدلت فشكل زادت زيانت وغلاضت كون ماشي سميتا مايعرفاش واخا متأكد بلي عيونا كيعرفهم مزيان رجع نظرو لرسيل لقاها مغمضة عينا ومتكية على هزار ماينكرش بلي ساحرة لجمال ولكن ماعتأترش عليه لانه بكل بساطة قلبو محجوز من طرف انثى اخرى هزار بقات كطلع فراسو ودور عينا فلبيرو فحال لبومة حتا وصلات لعند أركان صغرات فيه عينا وناضت من فوق لفوطوي حتا تخبط راس رسيل عليه ماعرفت راسا باش تبلات فحين هزار ناضت كتمايل سكرانا ومشات لعند أركان لي غير كيشوف فيها وكيتسناها شعتصنع حتا وصلات لعندو وجلسات فوق لبيرو مقربا لعندو حتا مابقات كتفصل بيناتهم غير مسافة قصيرة وكتشوف مباشرة فعيونو لعسلية بنظرة كدوب حتا شك لوهلة انها ماتكونش هي لي سكرانة انما هو لي سكران لان غير بنظرة نايمة من عيونا زجاجية حس براسو مخدر ومنتشي بشوفة فيهم مافيقو من تاملو غير جرا لي دارتلو من لكول دشوميز حتا ولا نيفو ملاصق مع نيفا سد عينو لتواني كيستنشق لعبقا لمخلط بريحة شراب حتا سمعا كتهضر بصوت تقيل ✴ هزار:شحال كيوت (كتجبدلو فحناكو ) أركان:(غير فاتح فمو فيها شهاد لمخلوقة ):عفوا!!!؟ هزار:مالك اصحيبتي صمكة ولكن ماشي مشكل ازعيعيرة ديالي وينو وينو (كتجرلو فنيفو ) أركان:(لا صافي هنا سالات معاه واش راجل بهاد لعظمة وضخمة كاملة رجعاتو زعيعرة وزايداها بوينو من لفوق خنزر فيها مغزف):مال ملتك حتا نتي وسكرانة ماكتهنايش امم؟ ✴هزار غير كتشوف فعيونو ماكتسمعوش اصلا شكايقول هزات يدا حطاتا فوق كتفو ولوخرا حشاتا فلحيتو وحطات راسا على كتفو نيفا جا ملصق فعنقو غمضات عويناتا كتستنشق عبقو خلات أركان مبلوكي فبلاصتو حركة غير متوقعة عارفة ماشي فكامل وعيا ولكن صدماتو بهاد تصرف سد عيونو لتواني مستمتع بقربا وانفاسا سخونة لي كضرب فعنقو ماكيفيق غير على لغوتا ديال هزار فتح عينو طافج كيدور كتبانلو رسيل جاراها من شعرا مبوقة وهزار كتقبشلا فرجلا حتا رماتا على واحد لفوطوي وجلسات عليها ✴ رسيل:(عينا مقلوبين وصوتا تقييل بسكرة ):شكنتي كديري اطحبة هزار:(كتقرص فيها من تحت ):نوضي عليا ابو ترمة نوضي رسيل:(كتزيد تقل عليها ):كنتو كديرو لي بيتيز أركان :(مشبر على راسو بيدو وحاطوم فوق طبلة حاضيهم نوضو فيه شيب زرق فنص ساعة ):لي بيتيز عاقلين عليهم وسمياتكوم ماعقلتوش عليهم 💧هزار باقا كتقرص فرسيل وهي جالسة كتجرلا فشعرا حتا دفعاتا هزار جات مكسلة فلارض يالله جات تنوض وهي تجرا رسيل من رجلا جابتا مشقلبة حداها واركان غير كيشوف فيهم شاف فسكرانين حتا عيا وفحال هاد زوج ماعمرو شاف فحالهم اما رسيل وهزار جالسين كيلعبو فين ماكتبغي تنوض شي وحدة كتجرا لاخرا كتجيبا مكسلة وبقاو هايداك كيطيحو فبعضوم حتا قفزو على صوت لباب لي تحلات بجهد💧 الكوميسير 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
