💎اللبؤة و الوحش💎( مكتملة )

part 45

🌔بارت 45 👑
🔮وحتا رسيل كتحس بدفئ حنين فحضنا لي فتاقداتو من موت ماماها داغيا دخلاتلا لقلبا لاهي ولا هزار لي كتفوج على لقلب غمضات وعويناتا مستمتعة بقربا وهزار كدالك من ديما طبعا محبوبة وداغيا كتعمل بلاصتا ومني شافت رسيل فرحات بزااف وحسباتا ختاها خصوصا انها ماعنداش اخت ونيار ديما غابر عليهم كتجيها لقنطة برغم من وجود لاصدقاء إلا أن الاخت نعمة اخرى 🔮
ميسون:بنتي رسيل واش خدامة
✴و فحال ديما طارت هزار وجوباتا✴
هزار:اويلي اما هادي هي رسيل ناصيري لي كنت كنهضرلك عليها راهي اصغر سيدة اعمال ففرنسا ولكن اصلا مغربي عندا شركات صناعة العطور فكل أنحاء لعالم ومن عندا اماما كنشريو لعطر ديالنا
ميسون:(فاتحة عينا باعجاب ):وااو تبارك الله عليك ابنتي دابا نتنا هي رسيل لي فين ماكان شي مؤتمر صحفي ولا حفل كتنوض هاد لحمقة روينة باش تفرجلو وكتبقا ترغب نيار يديها معاه لحفلات دلي بيزنيزمان حيتاش تقدر طلاقاك تما ههه ماشاء الله عليك ابنتي الله يزيدك من فضلو
رسيل:هههه شكرا اخالتي ربي يخليك يحسن لي شرف تكون هزار من لي فانز ديالي
هزار:هه انا احبية لي عندي زهر كنت كنتمنى غير صورة معاك ساعة هانتنا ساكنا معانا شكون فحالي هه
رسيل:هه ونتنا اهزار شنو كدير فحياتك ؟
هزار:انا طبيبة اختصاص جراحة القلب وشرايين
رسيل:اووو مزيان تبارك الله عليك واش دابا خدامة فشي اوبيطال
هزار:نو بب انا عندي مصحة خاصة بيا اسما حياة القلوب ^la vie des Coeurs ^ كينا غير هنا قريبة من لجزيرة لان لمدينة مابعيداش بزااف غير مسافة طريق حنا على قبل سلامتنا ساكنين هنا واصلا حتا واحد ماكيعرفنا عائلة خويا نيار اشخاص قلال وفينما نخرجو ضروري مايكونو معانا لي كارد هادو اومر خويا نيار
رسيل:(كتسماعلا بتمعن ):اه مزيان انا ديجا سامعة بهاد لمصحة على ماكنضن هي معروفة بزااف وكلشي كيهضر على تعاملك مع لمرضى ونجاحك فبزااف دلعمليات جراحية برافو عليك.
هزار:شكرا اختي را ماخلاني خويا نديرا غير بمشقة الانفس قالي هاالقصر ديري فيه حتا عوكاشة ولكن فلخارج لا بزز باش قناعناه بشرط يكون كلشي تحت حماية لي كارد كور دياالو طلعولي ديك ضبوعة فراسي فين مامشينا تابعينا
ميسون:وييه ابنتي هدشي لي عطا الله
هزار:عاودنا ارسيل شوية على عائلتك طبعا الا ماكنش عندك مشكل
رسيل:نوو بب عادي انا عندي زوج خواتاتي بنات وحدة فعمرا 7 سنين ووحدة كبار مني وعندي بابا الله يخليهم لي
ميسون:وماماك ابنتي.
رسيل:(عينا تغرغرو ):ماما ماتت الله يرحما مني كانت كتولد ختي ليان
هزار:(باسف ):مسكيينة الله يرحما.
ميسون:الله يرحما ابنتي ويرزقا فسيح فلجنة
رسيل:آميين ياربي
هزار:ولكن اختي كيفاش تعرفتي على خويا وجيتي معاه حتا لقصر
رسيل:هدشي يمكنلك تسولي عليه نيار هو عيجوبك حسن مني
ميسون:(بتفهم ):وي ابنتي هزار رسيل عندا لحق اصلا نتناا عارفة خوك نيار ماكيحملش لي يدخللو فحياتو
هزار:اه اماما عارفة غير جاني لفضول وصافي رسيل واش ممكن نوليو اصدقاء
رسيل:ههه وي معلوك شكون يرفض صداقة ديال غزالة فحالك
هزار:ياااي ماما سمعتي شوفتيها شحال ضريفة ماشي كيف كتبان فتلفازة
✴ناضت على كتف ماماها ومشات كتنقز عند رسيل وعنقاتا كضحك وحتا هي بادلاتا لعناق✴
هزار:يااااي دابا نتنا وليتي صديقتي
رسيل:ههه ويي الحمقة
✴هزار جالسة كضحك كتبان فحال شي بنت د13 سنة وماشي د23 سنة و عاجبة لحال كتحماق على رسيل وديما كانت متبعاها خصوصا دابا مني عرفاتا عن قرب كتاشفات بلي هي حنينة وضريفة ومتواضعة عكس فلاعلان كتبان صارمة حتا بدات كتجمع ضحكة شوية بشوية مني بانلا بيبرس ماجي كيشمشم على ريحة درسيل لانهو حفضة بسرعة نقزات تخشات فماماها ديما معاها وهايداك كتخاف منو عكس رسيل لي فنهار واحد ولا عزيز عليها حتا نقز على رجلا كيداعبا بضفارو بدات كضحك وحتا هي بقات كتلعب معاه وهزار مكمشة فميسون فحال لفلوس كتغبن✴
هزار:هئ رسيل عفاك اختي لا ماطلاقلو لتيساع خلينا غير نهضرو على خاطرنا
رسيل:ههه والله حتا ضريف ماكيدير والو ماتخافيش
هزار:لاااا احبيبتي يمشي يطيرلي شي يد يخليني بليبوطيز لا لا انا نايضة فحالي كاع حتا يمشي فحالو وعيطيلي باي بب
✴ناضت كتسلت وكتشوف فيه جامعة يدا فحاليلا عدابز وراجعا بلور حاضيا معاه حتا بعدات عليهم عاد عطات رجلا لريح ودخلات كتجري فحال لحمقة قول جاري عليها مخليا رسيل وميسون كيموتو بضحك على تصرفاتا لهبلة✴
🔥جالس فلمكتب ديالو عامل نظرات طبية حلو معاه كيوت وحاشي صبعو صغير ففمو ومصغر عينو فلملف لي حداه كيقراه بتمعن ومركز معاه حتا سالا عاد سدو ورجع ظهرو على لكرسي متكي عمل يدو تحت دقنو بابتسامة جانبية صافي دابا عطا لكارلوس ضربة لقاضية كلف رجال لي قتارحو عليه يعقد مع شركتوم صفقة عمل بلملايير على اساس شركة كبيرة ديال تصنيع الأسلحة وطبعا كارلوس غير شاف لعقد شحال ساوي وقع بعينو مغمضين طمع عمالو لبصيرة ولكن لي ماعرفش ان دوك شركات كااملين ماهما غير شركات وهمية من عند نيار ولي لهدف ديالو ان كارلوس يستتمر فلوسو كامليين فيهم باش حتا لاخر يعرف بلي ماكاين لا شركات ولا فلوس ويبقا على ضس وفعلا ستاطع يوصل لهدفو لان لمونستر حتا حاجة ماكتصعاب عليه وهاهو كارلوس ولا عندو 0 درهم فرصيدو لبنكي وعيحجزولو على جميع ممتلكاتو دوز يدو على لحيتو وهز تجاكيطتو دلكوير لبسا فوق شوميز كحلة وهز سوارت سيارتو ولفون ديالو وخرج من لبيرو وسيكريتيرة تابعاه بالاجوندا من لور كتجري يالله تلحقلو وكتخبرو بمواعيد الاجتماعات والمؤتمرات الصحافية ولموظفين كيقدمولو تحية وهو عاقد لحداش ومكتفي بتحريك راسو شركة روعة باتات كريستالي فخم فدوغي وزرق غامق وكلشي منظم وزجاجي وما براسو لسكريتيرة تمشي وطلع فالاسانسور لخاص بيه وماهي الا تواني حتا كان خرج من شركة وركب فسيارتو كيتسابق مع ريح🔥
🔰في جهة اخرى وبضبط ففيلا كبيرةة راقية جالس على لفوطوي رامي تقلو عليه عينو مفتوحين ماكيرمش وكيشوف فمنحى واحد وبنت بشعر احمر شادالو فيدو وكتحرك فيه مخلوعة وبزااف درجال كيخرجو فالاتات لي ساوي لملااايين دولارات من لفيلا وكيعملوه فكاميو كبيير 🔰
---:خووويا عفاك شوف فيا
--:(لاا حركة )
---:(كضرب فوجهو ضربات خفاف ):شوف فيا اخويا نتا قوي وعتخطى هاد الأزمة
🔰عييات ماتحرك فيه ووالو حتا هزات يدا وطرشاتو عاد فاق من صدمتو ووقف طافج فحاليلا كان نااعس وشي حد خوا عليه سطل دلما بااارد حول عينو أرجاء لي كيخرجو لاتات حتا خواو طبقة لاخرة كاملة ولات غير زليج بقا كيدور فراسو بزربة وكيهضر بطريقة هستيرية 🔰
كارلوس:لاااا لااا لاا انا غير كنحلم اه اه غير كنحلم مايمكنش اه تروتي كاملة باقا عندي اه اه بصح
بهار:شش صافي اخويا ماديرش هايدا
كارلوس :كييييفااااششش مااااننننندييرشش هاااايداااا كااااارلووووس رووزفرت ولااااا فقيير مااااكيكككسب حتااااا سنتتيييم
بهار:كلشي عيتعوض اخويا وعاد انا باقيلي كلشي اه انا غنية واش نسيتي راني عريضة ازياء عندي لفلوس عتبقا معايا حتا توقف على رجلك
كارلوس:هووو اااه هووو لييي دااارااا عنننندممنوووو وبربيييي حتاااااا نحيييه
بهار:شوو اه عندموه بزوج وانا معاك عندمو على قلبي لي كيموت عليه وحتا هو عيولي فحالو كيبغييني وهايدا عنديرو خاتم فصباعي وعندمووو وهديك لي كانت معاه انا لي عنورييها
كارلوس :(تهدن شوية بكلاما ):اه حنا بزوج عندمروه وعنتاقمو منو
💧جات لخدامة حطاتلوم بلاطو فيه كيسان دلقهوة فوق طبلة ومشات فحين رسيل وميسون بداو كيشربو فلقهوة ورسيل كتهر بيبرس فراسو وهو متكي على رجلا ناعس وشميسة غزااالة مزينة لجردة اضافة لازهار لي عاطية لجو رونق خاص حقا منظر مزييون ماتسخاش بيه جلسة غزاالة حتا لمحات رسيل نفس نبتة لي كانت شافتا فطريق لجزيرة كااملة عامرة بيها وحتا فلقصر كينا ودابا جردة عامرة بيها هزات حاجبا باستغراب وحطات قهوتا فوق طبلة ووقفات مشات لوحدة حداها وبيبرس معا رجلا جلسات لمستواها وبقات كتشوف فيها حقا شكلا غريب ومختلفة لونا خضر بزااف وعندا أوراق زويينين وكبارر على شكل قلب فيه شقوق وفايتة 50 سنتيم بطول قد ماهي مزيونة قد ماهي مرعبة لان شكل اوراقا مرعبة ومتوحشة وفنفس لوقت جدابة وجميلة مافيقا من تأملا غير صوت ميسون 🔰
ميسون :هاديك ابنتي نبتة خاصة