💎اللبؤة و الوحش💎( مكتملة )

part42

🌔بارت 42👑
🔮بقات تالفة ماعرفت ماتلبس فلخر جبدات سروال كحل مزير ومقطع من واحد ركبة واكس حتا هي فلكحل قصيرة مع تجاكيط كويرة فلقهوي وصباط طالون فنفس لون جاتا لبسة طوب جلسات حدا لمرايا وجمعات شعرا كود شوفال مخليا قبيبة منفخة من لقدام وبعض لخصلات نازلة من جناب عملت ايكخون دشمس وماسكارا جبدات بيها شفارا وعكر ماط فلغوز ورشات عطرا دارت حوالق طوال فلقهوي وساعة فضية رقيقة فيدا شافت فسنسلة لي فعنقو وتنهدات مابغاتش تبردلا شمتا ديالا ماعرفاتا فين مشات واخا عندا احتمال يكون نص عند نيار ولكن داغيا كتطرد هاد الافكار من راسا هزات نظارات شمسية فلاسود وبوشيط أنيق شانيل فلقهوي ولكحل يالله جات خارجة وهي تفكر حوايجا لي مستفين فدريسينغ زفرات بغضب وجلسات فوق نموسية كتنكر وفنفس لوقت كتجمع حوايجا فلفاليز 💧
رسيل :تفو حادكين غير فتستاف يالله اجيو دابا جمعوهوملي بفف تمااارة
💧ماسالتوم بجميع حتا غفرلا ربي دنوب حطات لفاليز وهزات صاكا وطلعات عاملا نظراتا كتبان طوب انيقة و شيك لقات نيار لابس سروال تجينز بيض وشوميز فالازرق مطرطقة على عضلاتو وسبادري فرمادي شعرو مرجعو لور وريحة عطرو معطرا دنيا وحتا هو وسيم ومانتك جامع غوباشتو فحال ديما وجالس كيفطر وطبلة عامرة بطوسط ولكاشير وجبن ولي صلاد ولعصير ولكريب ولقهوة يالله طلعات شم ريحتا علا راسو فيها كتبان واو ماكرهش ينوض يهرسا على ديك سروال لمقطع وتقزيبة خصوصا مع طايتا تبقا تابعها بلا هواك ولكن عيكونو غير بزوج بيهم عاد شارلا بيدو لطبلة وجلسات حتا هي كتفطر حتا سالاو وقفات رسيل كطلل من ليخت بانلا وصلو ليابسة صافي جات لقفص حياتا ولكن ماشي هي لي تحبس كانت هادي اخر جملة قالتا قبل ماتشوف زوج دلي كارد واقفين حدا ليخت وواحد طلع كينزل لي فاليز نزل نيار هو لول عاد مد يدو لرسيل ولي حتا هي نزلات عاد جا عندوم واحد لكارد بسيارة بورش سوداء عطا سوارت لنيار وقدملو تحية ومشاو طلع نيار لمكان سياقة عاد طلعات رسيل جلسات حداه وعفط مكسيري كيتسابق مع ريح ورسيل مامسوقش لانها براسا كتحمق على سرعة تكات على سرجم وبقات كتمنضر حقا جزيرة كتهبل عامرة ورودة اشكال وانواع وأشجار كباار ومجهزة فحال شي مدينة فيها سكان ولمدارس ولحدائق وأي حاجة تحتاجة كينا فيها حقا عالم آخر و لي لفت انتباها هو واحد نبتة منتشرة بزااف فين مادوز تلقاها ماعمرا شافتا من قبل وشكلا غريب وماهي الا مسافة طريق حتا كان بعدو من تما ودخلو فواحد لمنطقة خاوية وهادئة ومافيهاش سكان حتا كتشوف نيار فتحولو لي كارد لباب و دخل مع واحد لبوابة كبيبرة دلحديد ومنقوش فيها لمونستر بلخط لعريض بذهبي حتا بانلا انسطالا طموبيل حدا واحد لقصر شكلو غير من لخاارج يعطيك لخلبار🔮
🔮وقف طموبيل وجا لكارد فتحلوم لباب رمالو نيار ساروت وزادو داخلين ورسيل غير كتبرق فعينا بقات كطلع فراسا فديك لقصر حتا تعوجلا بقوة لعلو ديالو تقريبا بنفس شكل ديال لقصر لي فلمغرب غير هادا كبير عليه وغالب عليه لون ترابي شكلو كيحمق خصوصا ديك بحدائق لي كدخل عليهم كبار ومزينين بالازهار ومقدين بطريقة رائعة ولجهة لخلفية فيها 4 دلابيسيناات وعامر بلي كارد كتار من هادوك لي كانو فلمغرب دورات عينا بإعجاب حقا هاد لقصر غير من لخارج وكيفتن ناهيك من لداخل كي عيكون وصلو لباب لداخلي ودق نيار زوج دقات بصباعو خلا رسيل غير مشلوطة يعني ساكن شي حد هنا حتا فتحات لباب واحد لبنت بيضة وعويناتا رماديين فحال ديال نيار غير هي ماعنداش ديك لون الازرق فدورة وطويلة شوية بخصر نحيف وارداف مشدودين بسبور شعر اسود واصل لنص ظهرا وحجبان مقادين وفم كبير شوية مهم مزيونة وكتشبه لنيار بزاف غير هو سمر وهي بيضة لابسة كسوة كحلة حد ركبة بسانتير حمرا فلخصر وصندالا فلاحمر وماايكاب خفيف غير شافت نيار فتحات عينا بفرحة وتلاحت عليه معنقاه وحتا هو بادلا لعناق بابتسامة ورسيل غير كتشوف فيهم ماحملتش لمنظر وماعرفتش علاش وكتقول شكون هاد لبنت حتا فصلو لعناق وشافت فيها بابتسامة وعينا مفتوحين بصدمة🔮
---:هييي رسيل ناصيري اصغر سيدة اعمال شخصيا واقفة قدامي اوومايكاد
رسيل:(غير سمعات شقالت بتاسماتلا اصلا رتاحتلاا لانها عفوية وعينا مافيهمش ولو قطرة دغل او حسد)
---:فصارحة انا معجبة بيك بزااف وكنت كنتمنا نطلاقك ساعة جيتي عندي برجلك
رسيل:شكرا هدا من لطفك
---:(شافت فنيار لي غير كيشوف فيهم ):ءء خويا واش كتعرفا؟
نيار:(بابتسامة جانبية ):اه وهي دابا ضيفة عدنا ستاقبليها
🔮قالا هاد زوج كلمات خربقالا شعرا ودخل لقصر وهي عطير بلفرحة 🔮
---:دابا نتنا عتبقاي معانا مرحبا بك عدنا دخلي ماتبقايش فلباب
رسيل:شكرا ازين
🔮دابا عاد فهمت ادن هادي ختو دنيار ماتوقعتاش تكون فهاد ضرافة كاملة سحابلا عتكون غير شي مبعككة مني عندوم هاد سلطة كاملة ساعة كان لعكس دخلات رسيل كدور عينا فلقصر كان روعة بنفس تصميم ديال لاخور بعض الاختلافات بساط فحال شساعة لمساحة بقات غادا جنبا وهي غير كتنقز وتضحك حتا دخلو لواحد صالون كبيير بانلا نيار جالس حدا واحد لمرة كبيرة فسن وشادلا فيدا تكون فستينات ولكن مابيناش فيها محافضة على لياقتا لبدنية بشرة سمرة وعينين فرمادي فحال ديال بنتا وشعر قصير بني وملامح شهبة شوية باينة فيها برازيلية ولكن طبق لاصل على بنتا لاختلاف غير هي حرفا شهبين وبنتا حروفة كحلين فحال نيار لابسة كسوة تحت ركبة فلازرق وصباط بلا فرمادي وجامعة شعرا كعكة حانية ووجها خالي من لمايكاب اصلا انيقة وملامحها بشوشة غير شافت رسيل بتاسماتلا وناضت لعندا هزات يدا ولمست وجها بحنية🔮
---:ماشاء الله (شافت فنيار ):ولدي شكون هاد لغزالة لي جات معاك
🔮يالله جا يجاوبا وهي طير هزار 🔮
هزار:ماما هدي رسيل ضيفة عدنا
ميسون:اوو مرحبا بيك ابنتي دار دارك
رسيل:(بابتسامة ):ترحب بيك جنة اخالتي
🔮بتاسماتلا وجات لخدامة🔮

القصر

هزار