🌔بارت 83 👑
---:(نزلات راسها بحزن ):لا اخالتو انا ماكنقراش
رسيل:وعلاش الاطفال فسنك كيقراو
--:اه اخالتو عارفة وحتا انا كنبغي نقرا ولكن طاتي مريا ماكتبغيش وكتقولي الا مابيعتيش كلينيكس كامل وجيبتيلي بزااف دلفلوس عنقتلك عصا وعنبيتك مع لفيران
رسيل:(جمعات حويجباتا بعصبية ):شهاد نوع دلبشر واش ماعندكش واليديك؟
---:نوو ماعنديش انا تربيت غير فلميتم ورئيسة ديالو كانت قالتلي بلي ماما وبابا ماتو فاكسيدون وشي ناس جابوني لميتم تربيت تما حتا جات طاتي مرية وخرجاتني منو وبقات كضربني وكتصيفطني نبيع كلينيكس والا ماجبتلاش لفلوس كضربني وكتخليني بجوع
💧رسيل غير كتسمع فيها مصدومة واش باقي هاد نوع من ناس فدنيا ؟ شكون لي يقدر يضرب فحال هاد لملك؟ ياربي شهاد تخلف ؟ واش عندهم لحجر بلاصة لقلب ؟ تنهدات ودوزات يديها بحنية على شعرها لمشعكك ولمسخ 💧
رسيل:واخا نطلب منك واحد لحاجة الغزالة؟
---:اه اخالتو شنو هي؟
رسيل:واخا تمشي تعيشي معايا؟ عنحسبك فحال بنتي وعنتهلا فيك امم شنو قلتي؟
---:(بقات غير مصدومة كتشوف فيها ):ب بصح اخالتو باغا تديني نعيش معاك؟
رسيل:(بابتسامة ):هه اه وتولي بنتي امم
---:(ضحكات بفرحة ):ههه اه اخالتو نمشي معاك (وقفات لتواني فحاليلا تفكرات شي حاجة وبدات ضحكتها كتلاشى ببطء ):ءء ولكن طاتي مرية عضربني ماعتخلينيش نمشي معاك
رسيل :نوو ماتخافيش انا عنتكلف بيها بلا ماتفكري فيها اكي وماحدك معايا حتا واحد ماعيأديك ولا عيرقربلك
---:(عينيها كيلمعو ):واخا اخالتو شكرا بزااف
رسيل:هه قوليلي شنو سميتك؟
---:سميتي بيلسان
رسيل:اوو سميتك زوينة بزااف فحالك
بيلسان:ههه بصح قالتلي طاطا لي فلميتم بلي ماما هي لي سماتني بهاد سمية
رسيل:اوو باينة ماماك كانت كتبغيك بزااف واش عارفة سميتك شنو كتعني
بيلسان:لااء ماعرفاش
رسيل:بيلسان هو اسم شجرة من نوع فصيلة البخوريات وعندو تمار عنبية وزهر ابيض صغير على شكل العناقيد و شجرة لبيلسان كيستخرحو منها أنواع رائعة من لعطور
بيلسان:(فاتحة فيها فمها وهضرات ببراءة كتعبر بيديها ):وااو دابا سميتي كتعني هدشي كاامل
رسيل:(روناتلا شعرها ):ههه اه واش نمشيو؟
بيلسان:هه اه يالله نمشيو
💧شداتلا فيديها ودوزات اتصال كتعلم سكرتيرة بإلغاء الاجتماع عاد شدو طاكسي وتوجهو لقصر💧
🔥دخل مباشرة لحمام ودوش عليه من لملحة وخرج ملوي ففوطة سوداء دور عينو فلبيت حتا لمح بلاكار خشبي ملصق فلحيط توجه ليلو وفتحو لقا حوايج درجال سبورتيف يعني كان شي واحد فهاد لغرفة لبس سيرفيت كحلة نايك وسبرديلة بيضة نشف شعرو بلفوطة ورجعو لور وفحال لعادة نزلو بعض لخصلات على عيونو لحادة توجه لنموسية وبقا جاالس حتا دخلات أكيرا و سوغو غير شافهم وقف وهما بقاو غير مشلوطين فيه كيفاش ولا كيقدر يوقف بلا مروض دور عينيهم باستغراب وهضرات أكيرا 🔥
أكيرا :صباح لخير واش تقدر تنزل تفطر ولا نجيبولك لهنا؟
🔥من نيتا كتسولو وهو مشا ضربة بعومة عاد رجع شاف فيها ونطق بنبرة هادئة🔥
نيار:عنزل
سوغو:اكي احنا كنتسناوك
🔥نزل سوغو واكيرا عاد تبعهم نيار لقاهم جالسين فصال مونجي كيتسناوه ينزل حتا نظم ليهم عاد بداو كيفطرو بهدوء وصمت حتا قطعو نيار بكلامو🔥
نيار:شمن حادثة تعرضت ليها؟
🔥أكيرا غير سمعات هضرتو بدات كتكحب وحلالها وسوغو بزربة وقف كيضربلا فظهرها بشوية وكيشربها فلما حتا تسكداتلها عاد رجع جلس فبلاصتو كيدور فعينيه واكيرا كتشوف فطبسيل كتفادى نظر فعيون نيار لان نظراتو كيوتروها فحين نيار غير كيقلب عينو بيناتهم بنظرة هادئة داكشي لي كان خصو وصلو ها هما فضحو راسهم بيديهم مايخفاوش عليه علامات توتر ولحصلة لي كتبان فعيونهم وتصرفاتهم برغم انهم كيحاولو يخبيو طلع عينو فيهم ونطق بهدوء🔥
نيار:راني سولتكم واقيلا؟؟
🔥أكيرا سرطات ريقها وشافت فسوغو لي يومالا بعينو يعنس فكينا خلاص عاد طلعات نفس وهضرات🔥بيلسان👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
💎اللبؤة و الوحش💎( مكتملة )
Боевик♨اولا لا احلل النشر دون اخد ادني والاحتفاظ بنفس الصورة والمقدمة والاسم♨ 🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰 لقصة تحت عنوان:🔥اللبؤة و الوحش 🔥 بقلمي:💎الأل...
