💎اللبؤة و الوحش💎( مكتملة )

part55

🌔بارت 55
👑
رسيل:هزار كنظن هدا هو لوقت ماخصناش نتعطلو
هزار:اااه بصح انا نسيت راسي بهار خصنا نمشيو عاملين مع ماما مانفوتوش ساعة
بهار:(شافت فيها بتوتر ورجعات شافت فلكيسان ديالوم لقاتوم باقين عامرين علا دكشي قالت يمكن ماشدش دوا فرسيل لانها شربات كمية صغيرة):ءءء شربو لمشروبات ديالكم بعدا
هزار:نوو نخليوها لمرة خرا
بهار:لاااا .احم زعما بغيت نقول ماجاتش تجيو حتا لبواط وماتشربو والو
رسيل:(بنظرة عميقة ):امم هدا كلو كرم فيك؟ واش ديما؟ولا غير معانا؟
بهار:(لعرق بدا يتصبب معاها حسات فحاليلا رسيل كدق عليها بهضرتا فركات يدها بتوتر وشافت فيهم ):ههه ويي ديما هايدا خصوصا صحاابي فحال هزار هههه
رسيل:(بابتسامة استهزاء):امم خصوصا صحابك
هزار:(شافت لجو مشحون بضغط وهي تقلبا ضحك ):ههه هي لولة الالة مايكون غير خاطرك هه
🎡هزات كاس دلمشروب فيدا وعملاتو ففما وبهار حاضياها بابتسامة شريرة عكس رسيل لي كتشوف فيها ببرودة ويالله هزار جات ترشف من كاسا وهي تحس بيه طار من يدا وجا مزدوح فالارض بقات غير فاتحة فما بصدمة وكتشوف فرسيل ونفس شي بالنسبة لبهار اما رسيل ماتحركتش هي بلعاني تعمدات تضربا بلبوشيط ديالا بدون ماتبين🎡
رسيل:ءء ام صوري هزار واش تزلع عليك
هزار:لا لا مأدنيش
رسيل:ماكنتش قاصدا غير جاني صهد وقلت نشيش على راسي ببوشط ساعة زلقلي من يدي
هزار:ههه ماشي مشكل يالله نشربو شي حاجة أخرى
رسيل:اكي سيري طلبيها هانا ماجا لعندك باش نمشيو فحالنا نيشان
هزار:اكي بب بهار باي نتشاوفو مرة اخرى
🎡وقفات هزار ودعات بهار وهزات بوشيط ديالا ونزلات لتحت فحين رسيل بقات جالسة على نفس وضعيتا عاملا رجل على رجل وكتشوف فبهار بنظرة شيطانية اما هي باقا تحت تاتير صدمة متأكدة بلي رسيل عاقت بيها لان لبلاصة لي جالسين فيها سخونة بزااف فكيفاش عيجيها صهد ولكن كيفاش حتا عرفات هي كانت عاطيا بظهر لسرباي يعني مني دار لمخدر ماشافتوش بقات غير كترمش مافيقا من سهوتا غير رسيل لي جالسة فطرف طبلة زجاجية صغيرة وعاملة يدا تحت دقنا ومقربا وجها لعندا كتشوف فيها بنظرات كون كانو مواس كون شرطوها بلعات ريقا بصعوبة وشافت فيها🎡
رسيل:(بصوت مريب ):هاد لمرة مني تبغي تكرمي صحابك وصي كلابك يطيبو مزيان
🎡بهار غير كترمش وفاتحة فما بصدمة يعني دبصح هي عاقت بيهم ولكن كيفاش قول كلابك يطييو مزيان مافهمتش هاد لجملة لي رسيل فالأصل كتقصدلا بيها باش زعما يحركو دوا مزيان لان ديك لحبيبات ديالو بقاو فلقاع دلكاس باينين واخا مامفروشينش ولكن ماشي مع رسيل لي لبق مايزهق مافيقا من صدمتا غير لما لي ضربلا فوجها طلعات عينا فرسيل لقاتا واقفة عليها بابتسامة مستهزأة هازا فيدا كاس دلمشروب خاوي لي كانت فالاصل خصا تشربولا هي كحزات لودنا وهضرات بصوت خافت🎡
رسيل:(بنبرة كفحيح الافعى):حتاا انا كيعجبني نكرم اعدائي
🎡غمزاتا وهزات بوشيط ديالا وتاجهت لتحت فحين بهار بقات غير كترمش دابا عاد كملاتلا لباقي عاد عرفات راسا معامن كتلعب وان رسيل ماشي سهلة كيما كانت كضن دكية بزاااف ماكتزكل حتا حاجة وماكدرش بيها مسحات وجها بغضب ولات حالتا بديك لمشروب وجها كيقطر وصدرا كامل فازك شافت فلبشر لقات كلشي حاضيها وشي كيصور فيها بدات كتغوت عليهم فحال لحمقة حتا حيدو عينوم عليها عاد هزات صاكا ومشات عند سرباي لي عاونا يالله جا يهضر جمعاتا معاه بطرشة حتا دار وجهو لجهة لاخرا🎡
بهار:(كتعزل بلعصب ):تفوو لغبي ماكتعرف دير حتا حاجة مقادة
🎡ماعرف راسو مسكين باش تبلا بقا غير فاتح فمو فيها خلاتو هايداك ونزلات لتحت كتزرب فلمشيا خدات فيرورا من عند لكارد لبساتو سترات بيه ديك لحالة وخرجات ركبات فسيارتا كتزفر بغضب حتا صونا تيليفونا وجوباتو🎡
-----:(صوت رجولي حرش ):من صباح وانا كنتسنا فيك شهاد تعطيلة
بهار:(كتغوت):اااااع كلشي تلغا لخطة مانجحاتش
----:(بقهقهة رجولية ):هههه كنت عارفك فاشلة
🎡زاد كملا لباقي مابقالا والو وطرطق مارضاتش بهاد شي لي وقع شدات ديك تيلي رماتو من سرجم وزادت مكسيرية 🎡
💧كتمشا بخطوات تابتة غير مبالية بديك الأنظار لي مصوبة نحيتها زادت متجهة عند هزار لي جالسة مجعمة مع لبارمان كضحك حتا بانتلا رسيل وقفات عليها💧
رسيل:هزار مشينا
هزار: هههه رسيل تسناي نشربو شي عصير ونمشيو
رسيل:اكي
🔮جلسات مقابلة معاها فواحد لكرسي كيتسناو لمشروبات يوصلو وفنفس لوقت كيهضرو حتا طارت هزار هزات زوج كيسان من عند واحد سرباي كيدور ببلاطو فيه كيسان لمشروبات خدات واحد ومدات كاس لرسيل🔮
هزار:ههه هالمشروب جا لعندنا بلا مانزيدو نتسناو
رسيل:وشكون لي قال مايكونش نبيذ
هزار:هه نوو شوفي لونو كي داير وعاد فيه ريحة دلعنب عيكون غير شي عصير
🔮شافت رسيل فلكاس لي فيدا وقرباتو لنيفا كتشمو لقات عندا لحق هزات كتافا بلا مبالاة وشربات لكاس فدقة وحدة وهزار كدالك واخا جاهم مر شوية ولكن لذيذ ياالله وقفو باش يخرجو وهما يحسو بدوخة وكل حاجة كتبانلوم منها زوج وراسوم تقييل عليهم بزربة رجعو جلسو كيدورو فعينوم🔮
رسيل:(كتشوف فواحد راجل كيبانلا راسو كبيير وعينو صغارين وعندو لموسطاج طوييل فحال علي بابا بقات كتسد فعينا وتعاود تفتحوم وهي باقا كتشوف فيه كل ساعة كيبالا فشكل حتا طلقاتا بواحد ضحكة تقيللة ):هههههه هزار شوفي هادك لفضائي راسو قداش(كتشيرلا بصبعا لواحد راجل وهضرتا تقيلا )
هزار:(مدوخة كتاار منا عملات يدا على واحد طبلة كتحسسا ):اااه مسييكن راسو مربع فحال سبونجبوب ههههههه
🔮بداو كيضحكو بجهد فحال لحومق حتا كلشي دار كيشوف فيهم اما هما ماحسينش بلعالم كيحسو براسوم فوق سحاب طلعات رسيل راسا فواحد سرباي كيدور بلمشروبات ماحس حتا لقا راسو مقجوج من قرفادتو فيد رسيل 🔮
رسيل:(بزز باش كتخرج لحروف لسانا تقيل):هيي عموو بغيت هادا
🔮كتشيرلو لكيسان لخوايين لي شربو منهم بزز باش تفك من لقجة لي دايرالو وهز ديك لكااس كيشم فيه عرف نبيذ لي خصا غير من ريحتو لي كان من نوع ^Sparkling wine^ مصنوع من لعنب حركلا براسا بمعنى اكي ومشا يجيب طلبية حتا سمعاتو كتعيط عليه بصوت تقيل🔮
رسيل:بغيت بزاااف اعموو
🔮زاد كمل طريقو عرفهم شدات فيهم سكرا مزيان اما رسيل وهزار غير كيميلو على بعضهم ويعيبو فناس هادا طويل هادي قصيرة شو لاخر كرشو كي خارجة وكيموتو بضحك حتا جابلوم سرباي بلاطو عامر بلكيسان يالله جا يحطلوم كاسوم فوق طبلة طيراتلو هزار لبلاطو من يدو وبعداات عليه🔮
---:ءءء الالة لا بزااف تشربو هدشي كامل
هزار:لاااء ديها فراسك
رسيل:(كدفع فيه ):سير اعمو تلعب ماعندوقوكش ههه
🔮ديك سرباي دور فراسو وزاد فحالو فحين هزار ورسيل نزلو على ديك لكيسان واحد مور واحد فحاليلا كيتسابقو ماوقفو حتا خواو بلاطو كامل وشربو خمسة دلكيسان لواحد 🔮
رسيل:(عينا كيتلصقو وكتقلب بيدا فلخوا فحال لعورة ):ءء هزار فين طيرتي
هزار:(مطيحة راسا على طبلة وعينا ناعسين بسكرة):امم هانا تحت منك العورة
رسيل:(هبطات عينا كتشوف فرجلا وكتقيس ففخاضا ):اه هادي نتي سحابلي اانا هههه
🔮شوية تطلقات اغنية صاخبة ^this is how^ ديال جورج كلشي ناض يشطح وهزار غير سمعاتا قلشات ودنا فحال سلوكي ووقفات كدور فعينا مبوقة بسكرة وقفات كتمايل غير بوحدا فحال ديك شجرة لي ضاربة فيها ريح خصوصا بديك طولة🔮
هزار:رسيل نووووضي نبولو
رسيل:(عاملا يدا ففما فحاليلا كتفكر ):شنا هي نبولو
هزار:(كتشطح بيدا ودور فخصرا):هي نديرو هايدا ستك ستك مالك مكلخة اصاحبي
رسيل:(مسالية كتار منا ):اااه يالله كنعرف نبول
🔮تكاو على كتف بعضوم وحدة تجر وحدة وحيط يدفعوم لحيط ماوصلو لساحة رقص بستة وستين كشيفة عاد بداو كيشطحو بطريقة احترافية خصوصا رسيل لي كتمايل بخصرا وصدرا فحال رقصات وكلشي حاضيهم بعينو خصوصا رجل و شحال من واحد كيمشي يشطح قداموم زعما يتحك معاهم ماكيحسو غير بطرشة من عند رسيل كدورلوم لحنك كيمشيو ماكيعودو يرجعو اما هزار جلسات فالارض كتحير عاملا يدا موراها فحال عيساوا ورسيل كدور عليها فحاليلا كتبخرلا وناس كاملين كيموتو عليهم بضحك ضرباات طناش عاد وقفو كينهجو وهزار شعرا طالع فسما ورسيل عينا مقلوبين ناضو كيجرو فبعضوم وحدة كطيح على لوخرا حتا دخلو فواحد لمبعككة لابسة ومقادة حتا تزلعلا شراب على حوايجا مع هي لابسة لبياض وديك شراب فلحمر ولات فحال مطيشة شافت فيهم بغضب عايفا من حالتا🔮
---:اييه ادوك الغبيات واش ماكتشوفوش قدامكم
🔮رسيل وهزار غير كيشوفو فيها فلاخر شافو فبعضم وطلقوها بواحد ضحكة زعزعوها🔮
هزار:ههههههه شكون هاد بوعو
رسيل:(كتعيبا ):بوع بوع ههههه
🔮ديك لبنت مارضاتش خصوصا كلشي كيشوف فيهم زفرات بغضب وهزات يدا باش طرش رسيل ماكتحس غير بيدا ملوية وراها حتا كان قريب يطرطق🔮
رسيل:(سكراانة ):هزار كانت باغا ديرلي طيطاح ياك
هزار:(راسا تقيل):هه اه شفتي على مسمومة
🔮رسيل بقات كتلويلا فيدا وكضحك وديك لبنت بزز باش حابسة لبكية ماعمرا تحطات فحال هاد لموقف ماطلعات نفس حتا رخاتلا من يدا يالله جات تخنزر فيهم وهي تحس بضربة قوية على راسا ببوشيط حتا شدات فيه طلعات عينا لقات هزار لي ضرباتا مدوخة وكضحك تعصبات بلمعقول وهي تجر هزار من شعرا مع جرا مع جات مكسلة فالارض بديك نص لي جمعاتو معاها رسيل 🔮
رسيل :هههه هزار كانت باغا ديرلك حتا نتنا طيطاح
هزار:ههه اه يالله حتا حنا نديرولا طيطاح