💎اللبؤة و الوحش💎( مكتملة )

part39

🌔بارت 39👑
🔥بقا كيتعافر باش يبوغرامي ليخت مزيان حتا عدلو لاتجاه مع دورة لي عيدور كتبانلو رسيل ساهية فيه بديك لجليسة ورجيلاتا صغيرورين وبويوضين وشعرا كيطيرو ريح وضارب فيه شمس كيبان كيلمع حمقو منظرا هايداك حتا رجع غوباشتو ووقف عليها وجبد لفون ديالا من جيبو وحطولا فحجرا وقال بنبرة تهديدية🔥
نيار:ماتحاوليش تلعبي معايا لانك نتي لي عتخسري
رسيل :(بنظرة واتقة ):كون متأكد هاد لوضع ماعيستمرش وعنرجعلك هاد تهديد كامل
نيار:(بابتسامة جانبية ):وانا عنتسناك
💧غمزا ونزل لتحت خلاها غير كتغزز فظفارا بلغدايد ماكتحملش هاد لبرودة لي فيه وهي دما كيغلي عليه ناضت ووقفات على لحديدة دلباطو ضمات يدا لصدرا وغمضات عويناتا وقالت بصوت هادئ وحنين فحال عادتا مني كتبغي تخوي قلبا ونيار حاضيها من دروج 💧
🌊أنا كالبحر...يمكنني ان اتحملك🌊
🌊ويمكنني ان اصبر عليك....واتقبل الكتير من اعدارك 🌊
🌊لكن حتما...وفي لحظة ما🌊
🌊سيعصف جوي...وتغضب امواجي🌊
🌊فاحذر ان تقترب...من كبريائي 🌊
🌊لأنني علمت نفسي...ان احارب🌊
🌊كل من يقف... امام كرامتي🌊
🌊حتى لو كانت....عاطفتي🌊
🌊فعشقت الصمت...في لحظة ألم 🌊
🌊لانها تحفظ....لي كرامتي🌊
💧تنهدات وفتحت عينا حقا هادي هي حالتا فهاد ساعة وهي دابا غير شبهات راسا بلبحر اما نيار بنفسو كيجيها بحر ليس له بداية ولا نهاية لن يستطيع فهمه الا من يجيد الابحار في أفكاره ويكون قادرا على مجراة أمواجه فادا كان هو لبحر فهي عتكون لامواج لي كتهيجو عملات ابتسامة جانبية ونزلات لتحت كتقلب على لكوزينة💧
🔥نيار لي مني بدات تهضر وهو حاضيها كيحس بكلاما فحال تهديد غير مباشر ليلو حتا شافا ماجا عاد نزل بسرعة ودخل لكوزينة حتا حس بخطواتا موراه وريحتا سابقاها🔥
💧بقات كتقلب حتا لقات لكوزينة وغير دخلات بانلا عاطيها بظهر وكيعدل فلبواسون وكيقطعو بطريقة احترافية طلعات حاجبة باستغراب ماظنتش يكون كيعرف يطيب وعاد بهاد طريقة لمحترفة فيها جوع ولكن كي عدير طيب وهو واخد لكوزينة كاملة كحزات عندو وقالت مترددة💧
رسيل:فيا جوع
نيار:(بابتسامة جانبية ):وشنو كتقوليلي بغاني نطيبليك
رسيل:(بردات لقمعة وقالت بفقصة ):اوا نتا فحال جمل داي لكوزينة كاملة فين عنطيب يانا
نيار:(جابتلو ضحكة حبسا وقال ببرودة):شغلك هاداك
💢زاد فقصا جلسات فوق لكرسي كتقول حتا يسالي عاد توجد لغدا لراسا وهو عاق بيها وعاد مازاد كيتعطل ويتمختر بشوية عليه وظهرو لعريض كيلعب معاه وبعد لمرات كيطلع شعرو من على عينو ورسيل غير حاضياه عرفاتو كيديرا بلعاني كيسالي معاها بهاد لبرودة وهي تهضر مغددة💢
رسيل:واخا تكون كطيب حولي ماعتعطلش هدشي كامل
نيار:(حابس ضحكة كيعرف كيفاش يستفزا كيعطيها غير لبارد دار لعندا ورمالا مطيشة جات نيشان فيدا):هاك قضي بهاد مطيشة على مانسالي
💧ماكرهتش تنوض تحشيلو راسو فديك صوص لي كيعدل شدات ديك مطيشة بلغدايد وشيرات بيها نيشان لراسو حتا تبجغات 💧
🔥يالله حشا لحوتة فلفران حتا كيحس بضربة ورا راسو هز يدو واداه كيلقا مطيشة معصرالو فراسو عرفا هي مولات لفعلة غمض عينو وعاود فتحوم صافي دابا عيعوجا من شي قنت مافيهاش شك دار لعندا بشوفة كتزعزع 🔥
💢بزز باش حبسات ضحكة شعرو كامل ولا فازك ولقطاري دزريعة نازلين مع ظهرو لعريان حتا شافت ديك شوفة لي دار فيها نفس نظرة مني كدير شي زبلة وكيعاقبة عاد تفكرات لقبلة وهي تشهق وعملات يدا على فما وكتحرك راسا بنفي وهو غير كيشوف فيها مغدد بدا كيقرب عندا بشوية وكيعملا آه براسو اما هي غير شافت لقضية حماضت وعيطيرلا شفايفا هي تجمع لوقفة وطلعات لفوق كتجري وهو تابعة من لور ضاغط على قبضة يدو 💢
نيار:(بصوت مرتفع معصب ):غير هربي البرهوشة شحال قدك
💢غير سمعت شنو قال زاد طيح فيها نص بصح فين عتهرب وهما فوسط لبحر بقات كتجري حتا وصلات لطبقة لاخرا وبقات كدور فراسا ماعندا فين تزيد تهرب يالله جات طلع نفس حتا بانلا ماجي لعندا بابتسامة شريرة وعروق يدو منفوخين عرفات راسا قفراتا ديال لمعقول كحزات بشوية لحديدة دلباطو ووقفات عليها💢
رسيل:والله وتقربلي حتا نتلاح
نيار:(مربع يدو وكيشوف فيها ):ومن بعد
رسيل:م ماكنعرفش نعوم
نيار:(قال ببرودة لانه شافا كيفاش كتعوم فلابيسين غارق بطريقة احترافية ):تلاحي
رسيل:(غير كتسرط فريقا ):ل لحوت ع عيكلني
نيار:(جابتلو ضحكة ):اوا دوزي تكمشي باش مايكلكش
رسيل:ياك اسيدي باش تبدا تشلقم فيا والله لا كانت لك
نيار:(بابتسامة جانبية وهو كيقرب لجيهتا):امم كتخافي
رسيل:(غير شافتو قرب ليلا وهي تزفر ):افف والله لا اديتيني ياكلني لحوت ولا تاكلني نتا
💢يالله جا يشدا وهي تنقز فلبحر بقا غير كيرمش ماسحابلوش عتعملا دبصح بقا غير مشلوط طلع راسو لسما كيتهدن ورجع طلل بانتلو غاطسة زفر بغضب هما فوسط لبحر وغارق بزااف وفيه لحوت بسرعة نزل لتحت ولبس لبسة دلغططاسة فلاسود وعمل قنينة الاكسيجين فظهرو ولقناع فنيفو وعمل سلاحو فخصرو مايخطاهش حتا فلبحر وهز لبسة اخرى فيدو وتسالطا فلبحر كيقلب عليها اما رسيل جالسة كتعوم مع راسا وفين ما يتقطعلا نفس ترجع تطلع تدي الاكسيجين وترجع تغطس جات معاها نيت كانت مشهية تعوم بقات ناعسة على ضهرا حتا كتحس بشي حاجة حداها غير شافت شنو حداها وهي تشهق💢
🌊غير شافت شنو حداها وهي تشهق حتا دخلها لما ففمها وبدات كتكحب بجهد وجسما كامل ولا كيغزل بلخوف كان روكان (قرش )كبيير كيدور عليها بقات غير كدور فعينيها وكتقول أشداني وعلاش مشيت الله ماتشلقيم نيار ولا تشلقيم روكان واخا تبغي تهرب ماعندا كيدير حيتاش روكان كيدور عليها صافي على آخر يامي نموت فمعدة لحوت كانت هادي آخر جملة قالتا فنفسا قبل ماتغمض عينيها وتبدا تشهد باقي ما ماكملاتا حتا سمعات صوت قوي ديال رصاص حداها فتحات عينيها طافجة كتلقا روكان مضروب وديك لبلاصة ولات كاملة دم بقات غير كترمش حتا حسات بجرا قوية من دراعها شهقات ودارت شافت لقات نيار بديك لبسة مزيرة على عضلاتو واو وشعرو فازك نازل على عينو وهايز سلاح فيدو زعامل فيها واحد شوفة طيحات فيها نص خنزر فيها ووماالا براسو تزيد قدامو دكشي لي دارت هي زادت كتعوم وهو تابعة من لور حتا طلعو لسطح لبحر عاد بدات رسيل كتنفس بجهد حيتاش شحال وهي بلا اكسيجين حتا تكالمات عاد طلعات عينا فنيار فحال لقطيطة وهو حيد لقناع دلاوكسيجين وشاف فيها مخنزر 🌊
نيار:مال ديلمك واش هادك عقل عندك ولا غير متقلة بيه
رسيل:(بلعات ريقا ):ش شنو ديرت
نيرا:(زفر بغضب ):لا مادرتي والو واش ماعرفاش بلي راحنا فوسط لبحر الأبيض المتوسط وهاد لبلاصة عامرة قروشة
🌊رسيل بقات غير كدور فعينا اما نيار طلع راسو لسما كيتنفس جاب الله جا فلوقت لمناسب اما كون راهي فمعدة روكان رجع غوباشتو وحشا سلاح فخصرو وجبد ديك لبسة دلغططاسة تانية وعطاها لرسيل وهي غير كتشوف باستغراب شداتا من عندو وقالت🌊
رسيل:ءء شعاندير بهادي
نيار:بففف عتشطحي بيها ولبسيها باش نغطسو شوية فزكنا فزكنا
🌊غير سمعات لغطس وهي تفتخ عاينا بفرحة كتحماق على اي حاجة عندا علاقة بلبحر خصوصا دابا عتنزل تكتاشف الاعماق بزربة بدات كتلبسا من لفوق وهي معنكشاها مع ديك لكسوة ونيار غير حاضيها كيفاش بؤبؤ عينا وسع بلفرحة حتا وقفات كتشوف فرجلا عرفا فين كتفكر وجرا لعندو معنقا من خصرا غفلا حتا شهقت طلعات فيه عينا ببطئ وبقاو لتواني ساهين فبعض و شمس ذهبية ضاربة فيهم وعيونوم كيبانو كيبريو وكيحملو بريق زوين حتا هز نيار حجبانو يعني لبسي عاد بدات كتلبس فيها على خاطرا حيتاش نيار حاكمة بيدو حتا سالات عاد طلق منا وقلبا لعندو وعدلا قرعة دلاوكسيجين فظهرا حتا هضرات 🌊
رسيل: (ببراءة):والا جا شي روكان عوتاني
نيار:(غير كيرمش ):نوو ماتخفيش هاد لبسة فيها ريحة كينفرو منا لحوت ومايقدرش يقربلك
رسيل:(ببلاهة ):اااه صافي
🌊رجع نيار عمل لقناع الاكسيجين ديالو وحتا رسيل دارتو عاد عملا اشارة بيدو يعني واش مستعدة👍 ردات عليه بياس👍حسبو حد تلاتة وان تو تري واووووب غطسو بزوج فلبحر رسيل لقدام ونيار موراها حاضي شعرا طويل لي تبوكل بلما كتبان فحال شي حورية وهي فرحانة نسات كلشي فهاد لحظة هما لوحيد دابا هي تنعزل على لوسط لخارجي وتستمتع بهاد لحظة بقا غير كيشوف فيها بابتسامة جانببة هز كاميرة دلما فيدو وبقا كيصور فيها بدون شعور او بالأحرى نقولو حتا هو فحال رسيل مديزيكتافي الواقع وباغي يستمتع بقربا بقا كيلتاقطلا صور وفيديوات وهي فين ماتشوف شي حوتة صغيرة تمشي تابعاها باش تشدا وتهرابلا وترجع تعبس عوتاني وتبقا تضحك غير بوحدا حتا كيتسدولا عينا وكتبرز لغمازة لي فخدا اول مرة كيشوفا كضحك من قلبا منظر غزال حقا فاعماق لبحار توجد امة اخرى .جمال اخر وسحر اخر لأسماك صغيرورين بالوان واشكال مختلفة دايرين بيهم وليزويتخ(المحار ) كبير مزين لمكان وحجر لمرجان من كل لجوانب حقا منظر كيهدأ روح ماتسخاش تحيد عينك عليه🌊