💎اللبؤة و الوحش💎( مكتملة )

part88

🌔بارت 88 👑
🔥مشا جلس فرولاكس ديال ديما وبقا كيشوف فلبحر لي ولا ونيسو فهاد شهراين لي دازت حتا طاحلو فبالو ديك لحفل بما ان سوغو واكيرا عندهم شركة ديال تصنيع لمجوهرات وعاد بشراكة مع شركة مشهووورة يعني عيكون لحفل عامر بلبشر ويقدر يشوفو شي واحد ويتعرف عليه وبهاد طريقة عيلقا راس لخيط وعيعرف شكون هي عائلتو حك على لحيتو كيفكر ولكن علاش ماعرضوهش حتا هو للحفل لي أصلا عيكون غير فلجزيرة ادن شي حاجة تما ومابغاوهش يعرفها خصو ضروري يمشي لهاد لحفل متأكد بلي عيفهم كلشي ولامور كلها عتوضحلو تنهد وكمل فتأملو حتا لغدا ويعمل شغلو بيدو 🔥
💧خشات تيلي فجيبها وطلعات لبيرو ديال نيار باش تصيفطلهم ايميل كتعتادر منهم دخلات مباشرة وجبدات لابتوب وجلسات فوق لكرسي كتكتب حتا سالات رسالة ديالها يالله جات تعمل إرسال وهي توقف لتواني كتفكر علاش لي ماتمشيش تحضر لحفل ومنها تقلب على نيار هي هاديك حجة وزيارة رجعات سيبريمات ديك لميساج وسدات لابتوب وخرجات طلعات لبيتا لقات بيبرس ناعس فوق نموسية بتاسمات وتكات حداه معنقاه لعندا حتا كتحس بزدحة فوق نموسية دارت طافجة كتلقا بيلسان معنقاها من لور ضحكات ودرات لعندها وعنقاتها فحضنها💧
بيلسان': مامي باغا تنعس بلا بيا همم؟
رسيل:هه لا احبيبتي غير قلت نتكا شوية عاد نعيط لبنتي هه
بيلسان:هه اوا صافي هانا جيت
رسيل:هه غدا ماعنكونش فدار احبيبتي عنسافر عنمشي فصباح وعنرجع فليل
بيلسان:عفاك امامي ماتعطليش علياا كنتوحشك بزااف
رسيل:حتا انا احبيبتي كنتوحشك
💧عنقو بعضهم ومشاو فسبات عميق💧
🔥عيا بلجلاس ولبرد تحرك وشمس بدات كتغرب دوز يديه على شعرو وطلع لبيتو وتكا ففراشو حتا شهية دلماكلة ماعندوش غمض عينو وكيحس بشي ريحة فيفو زويينة وديما كيشمها هي نفسها ريحة درسيل ولكن هو ماعرفش هدشي واخا ديما فنيفو برغم من انه ماعارفش لمصدر ديال هاد لعطر ماحس براسو حتا مشا فسبات عميق
🌞اصبحنا وأصبح لملك لله🌞
💧فتحات عينيها على لهضرة لي حداها بتاسمات بخفوت كتكسل طبعا عرفات شكون وهي ولفات تفيق ديما على هضرتها لحلوة تعاوضات فلجلسة ومسحات وجها بيديها وضماتها عندها من لور كتحس بوااحد طاقة ونشاط غريب شحاال هادي ماحسات بهاد لفرحة مني مشا نيار💧
رسيل:(بصوت ناعس ):صبااح لخيير لغزالة ديال ماماها
بيلسان :هه صباح نور مامي
رسيل:(شافت فساعة ):امم هدا هو لوقت خصني نوض نوجد راسي باش نشد طيارة
بيلسان :(بصوت طفولي حزين ):عفاك مامي ماتعطليش عليا بليييز
رسيل:لاا اجبيبتي ماعنتعطلش غير نسالي وعنجي بزربة صافي
بيلسان:هههه صافي واخا
رسيل:امم يالله ناخدو شي دوش مزيييون نرخيو بيه عظيماتنا ياك هه
بيلسان:هه اه يالله امامي
💧هزاتها فحضنها ودخلو لدوش فرحانين وجدات رسيل لجاكوزي حيدات حوايجها وديال بيلسان وتحشاو فلجاكوزي كيضحكو وكيلعبو برغوة بطبعا فرسيل مع الأطفال كتولي حتا هي طفلة وخصوصا انها هي لي ربات ليان يعني ماكتلقاش مشكل كيفاش تعامل معاهم وتربيهم حتا سالاو دوش على خاطرهم عاد شلو عليهم من رغوة ولبسو بينوارات فلابيض وفوطة ملوية على شعرهم خلات رسيل بيلسان كتلعب مع بيبرس ودخلات لدريسينغ لبسات سروال تجينز قصير شوية وفيه تقاطع خفاف وميني بوط فلقهوي مع تجاكيط كوير كحلة وكونفيرسا كحلة هزات فاليز صغيرة عملات فيها لاعوب دسواري ولمستلزمات لي عتحتاج وجلسات حدا لمراية نشفات شعرها وجمعاتو كعكة مهملة مخلية بعض لخصلات نازلة على عيونها رشات من عطرها ومشات باست بيلسان فجبهتا وتوجهات لبيتها جابتلها حوايجها ورجعات نشفاتلها لحمها ولبساتها سروال ابيض وتيشرط فلاخضر فيها لفراشات وكونفيرسا بيضة نشفاتلا شعرها وعملاتلا كرينات رشاتلهاا عطرها عاد جمعات بيتها وهزات صاك كوتشي ونظرات من نفس نوع عاد شدات فبيلسان ونزلو لتحت مخليين بيبرس فلبيت لقاو هزار وميسون جالسين كيتسناوهم فسفرة لفطور باسوهم وجلسو كيفطرو حتا سالاو فطورهم عاد ناضت رسيل عنقاتهم كاملين بيهم وباستهم عاد خرجات خدات سوارت لوطو من عند لكارد وعلماتو يحجزلها فلاوطيل عاد ركبات مكسيرية ما وقفات حتا لمطر انسطالات لوطو فباركينغ وتوجهات لممر لي فيه طائرات لخاصة وستقلات أول طيارة متجهاا لجزيرة ساروشيما💧
🔥مني فاق وهو فلبحر عام شوية ورجع كيبلاني كي يدير يمشي لهاد لحفل خصو ضروري يحضرلو يالله طلع راسو وهو يلمح سوغو واكيرا خارجين غير ركبو فلوطو دخل بزربة لدار وتوجه نيشان لبيرو لي كيكون فيه ديما سوغو كيخدم فيه دخل وبدا كيقلب فلمجورة وفبلاكارات ساعة مالقاش دكشي لي كيقلب عليه غزز شفايفو بعصبية وطلع راسو لفوق ونزلو مع عينزلو كيلمح واحد شبيكة صغيورة تحت لبيرو معمرا بلبطاقات عمل ابتسامة جانبية ونزل لمستواها وجبد شبكة وهز منها بطاقة ورجعها لبلاصتا عاد جلس فوق لبيرو وبدا كيعمر فديك لفراغات لان هاد لبطاقات شاطو وبقاو خاويين كتب سميتو ومكان لحفل وساعة وخشاها فجيبو وطلع لبيتو كان شيئا لم يكن🔥