💎اللبؤة و الوحش💎( مكتملة )

part2

🌔بارت 2👑
💧رسيل بنت ف24 من عمرها عاشت طفولة زوينة ضحكات ولعبات ودارت صحاب ولكن لبنت لوحيدة لي كانت حاسباها كتر من ختاها هي ميرال برغم انهم من طبقات مختلقة فميرال من عائلة غنية عكس رسيل لي كانت عائلتها على قد لحال وكانو راضيين باش ماعطاهم الله كيف ما كيقولو ماعندناش وماخصناش وبرغم هن هاد لفرق فميرال ورسيل معمرهم تفارقو ولا ميرال تكبرات عليها بلعكس قمة تواضع وكانت كتشري زوج من لحاجة وحدة ليلها و وحدة لرسيل وميرال هي لبنت لوحيدة لي عند ماماها عندها خاها كبر منها ب6 سنين عايش فأوروبا وبقات علاقة رسيل بميرال كتطور وحب لبعضهم كيكبر حتا كملو 14 سنة على صداقتهم حقا نعم الاصدقاء علاقتهم متالية.اما رسيل فكانت هي لمفششة ديال ماماها وكانو كيبغيو بعضهم بزااف وكانت نسخة مصغرة عليها وحنينا بزااف كانت كتشوف رسيل فحال داك لماء صافي لماع علا دكشي سماتها رسيل يعني الماء العذب وكانت كتفضلها علا ختاها رباب لي كبر منا ب3 سنين واخا ماكانتش كتبين معمرها خلاتها مخصوصا من شي حاجة ولكن رباب كانت ملاحظة هدشي مزياان دكشي باش كرهات رسيل وحقدات عليها من صغر حيتاش ديما هي حسن منها لا فلجمال ولا الأخلاق ولا الطيبوبة ولا فلقرايا وكان كلشي كيبغيها وشحال من واحد جا يخطب صغيرة وخلا لكبيرة هدشي لي زاد شعل نار لغيرة ولحقد فقلب رباب برغم ان رسيل معمرها عاملاتها خايب بلعكس كانت عزيزة عليها بزااف اما الاب ديالهم فكان اب قاصح وصارم  خصوصا انه كان عسكري قبل مايشد تقاعد ديالو وبالتالي ولا كيتعامل معا بناتو بحزم كبير برغم من دالك فكان كيبغيهم بزااف وكيوفرلهم جميع متطلباتهم ومني وصلات رسيل ل16 سنة ماماها حملات لمرة 3 كانو كلهم  فرحانين بهاد لخبر من غير رباب لي كتزيد تكره لوضع حيتاش عتزيد بلاصتها تصغار فقلب واليديها طبعا على حسب تفكيرها هي حتا لنهار لي عتولد فيه الام ديالهم قدر الله وماتت مباشرة بعد الولادة الأمر لي سبب صدمة لجميع خصوصا رسيل لدرجة انها دخلت فحالة اكتئاب حادة وبقات غير سادة عليها فبيتها ماكتخرجش ابدا وشحاال من مرة حاولت معاها ميرال باش يخرجو ويبدلو لجو ولكن كانت ديما كتلقا رفض من عندها وبرغم من دالك ماعمرها خلاتها وحدها  ديما كتلقاها فجنبها وشحال من مرة باتت معاها كتحاول ما امكن تخفف عليها وتخرجهت من صدمتها حتا لنهار لي عتخرج ختاها صغيرة من لوبيطال حيتاش كانت حالتها غير مستقرة وبقات فلعناية المركزة كانت كتشوف فيها ماماها فهي كتشبهلها بزااااف نفس لعينين ونفس ضحيكة وبالتالي قررت تربيها علا يدها ودكشي لي كان فهي رباتها احسن تربية برغم من صغر سنها وسماتادها ليان هدشي لي سبب عقدة لرباب وكرهات حتا ليان حيتاش كتشبه لرسيل عكسها هي لي كتشبه الاب ديالها مني دازت عامين علا موت سلمى الام ديالهم سي إبراهيم تزوج بمراة تانية باش تعاونو فتربيتهم ولكن وقع لعكس وهدشي هو لي قلب حياة رسيل راسا على عقب💧