💎اللبؤة و الوحش💎( مكتملة )

part8

🌔بارت 8 👑
💧وماهي الا 45 دقيقة حتا وقفات سيارتها حدا واحد لفيلا كبييرة فلابيض ورمادي و كينا حداها بلاكة مكتوب فيها اسم صااحب المنزل بالخط العريض ^سليم المرابط^ لي هو الاب ديال ميرال ولي كيتعتبر من أكبر المحاميين في المغرب نزلات من طوموبيلتها من بعد ما زولات لكاب لي كانت لابسا وتمشات بخطوات بطيئة وموزونا رافعا راسها لفوق ومسرحة ظهرها كتبان فحال شي عارضة ازياء توجهات لباب دلفيلا لي كل ماكتقرب منو كتسمع صوت ديال لموسيقى الشعبية لمجهدة كان واحد لمجمع ديال رجال فلقنت ديال لباب غير شافوها داخلا تلفو وريوgوم سالو بقاو متبعينها بعيونهم حتا دخلات فحين هي وقفات لتواني كتكتاشف لأجواء كايبالها بزااف ديال طابلات كل وحدة و شكون مجموع فيها هالي فيها مجمع ديال نسا لي غير فوح عليا نفوح عليك هالي فيها مجمع ديال نسا غير علا قد لحال هالي فيها مجمع نسا ديال لعائلة مهم كينا ناس بزااف واخا غير مجرد حنة ولكن لمعاريف كتار بتاسمات بخفوت شحااال توحشات لهاد الاجواء ديال الأعراس المغربية لبنات لي كاينين فلحنا كاملين كيشوفو فيها وحقد كبيير باين فعيونهم لما لا وهما عياو ما يقادو و يوجدو فالاخر جات فرمشة عين و سرقاتلهم الاضواء كينا لي كيقول بلي مغنية وكينا لي كيقول بلي عارضة ازياء وكينا لي ماعرفاش gاع فير لقليل ديال سيدات الاعمال لي عرفوها وعينهم حوالو معاها باغين ياخدو غير صورة معاها اما واحد رجال قشعوها من جردة ماكرهوش ينقزو ويجيو معاها
🎡 فطابلة لي مقابلة مباشرة مع رسيل جالسا بنت تكون ف27 من عمرها بيضا وحروفها كحلين وشعرها قصير باينا فيه شابع ترطيبات لابسا تكشيطا فلموف كانت كتهضر حتا تبلوكات لوهلة مني شافتها شوية بتاسمات باستهزاء وقالت🎡
رباب:ههه غير كتشباهلها شوصل ديك لمكلخة لهاد الاميرة هه
🎡بقات كضحك حتا سمعات صوتها طفولي 🎡
ليان:افف مالك عوتاني كتضحكي غير بوحدك
رباب:شوفليك لبرهوشة لاخرا خشي وجهك فديك لمشقوف وسكتينا مزيان تبارك الله
ليان:Folle ^حمقة^
🎡قلبات عينيها فيها ورجعات كتلعب فلايباط ديالها
كانت بنيتا فحال لقمر طبق الأصل عن رسيل نفس لعينين ونفس زعورية ونفس شخصية لابسا كسيوة فلبيض حد ركبة مع سنيدلا فنفس لون وطالقا شعرها لي واصل لنص ظهرها كانت مشغولا بالايباط ديالها كتصوني على رسيل لي من صباح وهي طافية تيلي حتا انها ما رداتش ليعا لبال مني دخلات🎡
💧مع دورا لي عدور رسيل كتبالعا ميرال جالسا فلبرزة عاملا طرحا مشبكة كتبري فدهبي علا وجها وكتشوف فلحنة لي كتنقشها لها نقاشة وباين فعيونها حزن كبير لابسا قفطان موبرا فالاخضر ملكي مزير من لفوق وهو نازل وكيوسع و مرصع من صدر بحجيرات فدهبي وهوادين خفافين مع لفتحة مع سباط طالون ديال لعريسات فدهبي اتر شوفتها فهاد لمظهر ابتسامة وااسعة زينات وجها حتا برزات لغمازة لي فخدها و قالت بصوت خافت ودموع محجرين فعينيها💧
رسيل:هانا جيت احبيبتي ختك معاك
💧بتاسمات بخفوت وتوجهات عند لبنت لي مسؤولة على لموسيقى ولي جات فواحد جليسة مخبعا علا لبرزة💧
رسيل:احم سلام عفاك واش ممكن واحد طلب
--اه اختي الا قدرت علاش لا
رسيل:احم شكرا بغيت لميكروفون واحد دقيقة الا كان ممكن
--الله ياودي غير هدشي هاك اختي هاك
💧بتاسماتلها وخداتو من عندها ومشات لواحد لكرسي حداها ودارت رجل على رجل واووب هاهي لموسيقى حبسات صقيييل ما كيتسمع غير توشويش ديال نسا تعاوضات فلجلسة و عملات لميكرو فيديها بعدما طلبات من لفرقة لموسيقية لي كانت جنبها يديرولها  إيقاع لاغنية لي بغات استمر الصمت للحظات حتا بدات كتغني بصوتها لحنيين و لهادئ 💧
🎵يا لله يا لبنات قولو لجيرانا 🎵
🎵يجيبو زغراتات ويجيو ليلت لحنة🎵
🎵وياالله يالبنات قولو لجيرانا🎵
🎵يجيبو زغراتات ويجيو ليلت لحنة 🎵
🎵حبيبي غدا يجيبلي هدية 🎵
🎵بعيساوا و ف دقايقيا🎵
🎵وكلشي يفرح معايا وانا فلعماريا🎵
💧كلشي تصدم من رنة صوتها لجميلة و لحنينة ولي كتبورش كتغني بواحد طريقة كانها حقا مغنية 💧
ميرال:(غير سمعات هد لاغنية دموع بداو كيطيحو من عينيها فحال لحجر وقالت بصوت باكي ):هئ فحال صوتك هئ هئ حشومة عليك اختي هئ هئ قولتيلي نتي لي عتغنيلي هد الاغنية علاش ماجيتيش علاش هئ هئ
💧وهي مزال كتشهق حتا كتبالها جايا لعندها فحال شي حورية و لميكروفون فيدها ودموعها شلال طلعاتها من رجليها بلعرض البطيئ حتا وصلات لوجها شهقات مصدومة عاملا يدها علا فمها اكيد غير كتحلم ففهاد الايام الاخيرة ولات كتحلم بيها بزااف مسحات عينيها كتاكد وعودات شافت فيها لقاتهاا باقا قدامها شنو زعما واش بصح هادي رسيل ختاها وصحيبتها لي طول حياتها كتمنا تكون معاها فهاد اللحظة ما متيقاش هدشي لي كيشوفو عينيها وكأنها في حلم جميل ماباغاش تفيق منو 💧s
💧توقف الزمن لوهلة وبعد فراق داما خمس سنوات التقات كريستاليتيها بعيونها العسلية وكل منهما يح دائري ببشرة حنطية وعيون عسلية و فم احمر منتفخ شعر بني مزينة وجها بلمسات خفيفة من المايكاب وقفات للحظة حتا شافتها كتزرب فخطواتها ولي كان بدورها حتا هي توجه لعندها بخطوات سريعة كتعكل فجلايلها واخييرا وصلو عند بعض رغم انها مسافة قصيرة الا انهم حسو فحال. ايلا شي 50 كلم و لتصطدم احضانهم الدافئة بقوة يعبران عن مدى شوقهم و حنينهم لبعض و افتقاد كل واحدة منهما لحضن الاخرى داما العناق لدقائق عديدة يفديان اشتياقهم من بعضهم ويستنشيقان عطرا بعضهم حتا علات ميرال يدها وحاوطات وجه رسيل ودموع هوادين شلال من عيونها العسلية💧
ميرال:هئ هئ مامتيقاش هدشي لي كنشوف هئ هئ واش بصح نتي رسيل هئ هئ رسيل ختي هئ هئ
رسيل:هئ هئ اه احبيبتي هئ انا حداك هئ هئ ومعاك دابا
ميرال:هئ هئ لحمد الله ياربي هئ هئ لحمد الله سحابلي هئ هئ ماعتجيش وعتخليني بوحدي هئ هئ
رسيل:وعلاش انا حماقت هئ هئ شحال عندي من ميرال همم هئ
💧رجعو عنقو بعضهم بقوة وناس كلشي متاتر من هاد لمنضر لي كيشوفو وشي عاملهم لايف وشي عاملهم فيديو ولكاميرة كتصورهم مهم كلشي ترون 💧
🎡كانت جالسة كتلعب ^Fashion^حتا علات وجها وهي تشوفها مع عطياها بجنب عرفاتها لما لا وهي ديما كتهضر معاها ابيل فيديو وكتصيفطلها تصاورها ماحسات براسها حتا رمات ديك طابليط من يدها  وناضت كتجري لجيهتها خلات رباب غير مصدومة ما عرفات مالها فحين ليان بقات كتجري حتا وصلات لعندها و وقفات قدامها وقالت بصوت عاالي و طفولي🎡
رباب:حتييي رسيييل جيتيييي
💧كانت مستمتعا بعناقها مع صديقة عمرها وشحال توحشت لحضنها و ريحتها حتا كتحس بشي واحد كيجرلها قفطانها من تحت عبسات وجها ولكن فور ما سمعات صوتها طفولي بتاسمات بحنية وبعدات على ميرال من بعد مابستها فخدها و حولات نظرها لاسفل بانتلها ليان كتشووف فيها ودموع محجرين فعويناتاهازريرقين ماحسات براسها حتا جلسات قرفصاء قدامها وضماتها لعندها بقوة كتبوس فراسها و تعاود وتشم ريحتها طفولية لي توحشاتها و ليان لي بدورها غير معنقاها وكتبكي واخا ماعشتش معاها مدة طويلة الا وانها عزيزة عليها بزااف وكتبغيها كتر من راسها و بعد مدة فارقو لعناق وبقاو كيشوفو فبعضيتهم وبالضبط في عيونهم الزرقاء المطابقة علات يديها ببطء ولمسات خدها بحنية كتمسحلها دميعاتها و قالتلها بصوت حنين💧
رسيل:حبيبة ديال ختاها علاش كتبكي ياك تافقنا همم
ليان :(كتمسح دموعها بيديداتها صغيورين بطريقة طفولية ):هئ اه احتي عالفا ما بغيتكشي تقلقي مني انا مزيونة ياك
رسيل :هه برااافو الاميرة ديالي نتي الياني ماشي غير مزيونة نتي كتهبلي
ليان:ههه اه احتي حيتاس انا كنسبهلك على دكسي مزيونة وكنهبل فحالك نتي
رسيل:(ضحكات بخفوت على هضرت ختاها ):هه واش عجبتك لا سيربريز
ليان:اه احتي عجبتني بزاااااف
💧عودات عنقاتها وشافت فيها وقالت 💧
رسيل:حبيبتي سيري رجعي فين كنتي جالسا انا نهضر مع خالتو ميرال شوية ونجي عندك صافي الياني
ليان:واخا احتي انا انتسناك مواااح
(💧باستها فخدها ورجعات جلسات حدا رباب لي كانت بدورها مصدومة وكدور راسا يمين وشمال 💧
رباب:لا لا مايمكنش تكون هي لا ميمكنش ترجع دابا
💧بقات كتهضر فحال شي حمقة وفلاخر هزات راسهاا وخرجات كتجري فحين ليان شافت فيها وقلبات عينيهاةبملل وقالت 💧
ليان :راه قلتها غير  folle
💧ودورات وجها بقات حاضيا رسيل بابتسامة على وجها هاد الاخيرة لي كانت جالسة جنب ميرال شدالها فيدها وكيهضرو معا بعضهم💧
ميرال:هادي هي احسن سيربريز فحياتي متخيلشي شحال توحشتك
رسيل:حتا انا احبيبتي مبروك عليك اختي جيتي غزالة
ميرال :الله يبارك فيك الكبيدة مشاء الله عليك كل مرة كتزيدي تزياني ربي يحفضك
رسيل:ربي يخليك احبيبتي حتا نتي
💧علاتلها يديها لي كان فيها نقش ديال لعريسات زيون 💧
رسيل:واو جاك زييون بصحتك الحب
ميرال :هه الله يعطيك صحة 
💧شافت فديك نقاشة لي كانت جالسا قدامها كتحني للبنات وقالتلها💧
ميرال:عفاك اختي ديرها شي نقيشة فيديها
نقاشة :واخا الآلة
رسيل:ءء مكاين لاش اميرال راك عرفاني ماعنديش معاها
ميرال:اه عارفا علا دكشي عديرلك غير شي سليتا خفيفة عفاك على قبلي
رسيل:افف اكي
ميرال:احح موااح عليك ألحب هه
رسيل:ههه
💧مدات يديها لنقاشا وبدات كتنقشلها عملاتلها سليتا خفيفة جايا من صباع سبابة و معا يديداتها بويوضين جاتها كيوت علات راسها بانتلها ليان كتشووف فيها وكتضحك بتاسماتلها وشيراتلها بيدها تجي لعندها كانت كتسناها نيت ناضت كتجري ومشات لعندها💧
رسيل:حبيبتي واش تبغي ديري فحالي شوفي