💎اللبؤة و الوحش💎( مكتملة )

part24

🌔بارت 24 👑
💧حتا غطات وجها كامل و بسرعة حنات لارض وديك لعصا فيديها ومعا ليل وظلام ديك لكارد بقا غير كيرمش سحابليه غير كيتخايل حتا كيحس بضربة قوية فركبتو و طاح لارض كيتوجع فحين رسيل وقفات و زادتو ضربة اخرى لقرفادتو حتا طاح حدا صاحبو نزلات بزربة وحيداتلهك سلاح من يديهم وخشات واحد فخصرها ولاخر هزاتو فيديها عاد عطاتها بجرا وفنفس لوقت حاضية لايخرجلها شي واحد من جنب ولكن بانلها كل واحد حاضي بلاصتو وغير هاد زوج لي كانو هنا هاهي سهطاتهم بقات غادا حتا وصلات لباب لقصر بانوليها اربعة ديال لبوديكارد قد سخط عرفات لقضية صعيبة دورات عينيها بانلها واحد سور داير بجردة كاملة توجهات بلا حس لواحد جيهة مافيهاش لكارد وعملات رجليها فواحد لحفرة فلحيط وعاد طلعات طلات بانتلها لارض بعيدة شوية وبرغم من دالك نقزات من سور واخا توعتات شوية من رجلها بقات جالسا فالارض لتواني كتمسد فرجلها وكتحاول طلقعا حتا رجعات كيف كانت عاد طلقات رجليها لريح ودخلات كتجري فلغابة❄
🔥تقلب على جهة تانية وهو يخسر وجهو مني سمع صوت لادان هو نعس فلعصر وشنو هادا لي كيادن دابا مد يدو لساعة وشاف فيها وهو يفتح عينيه بصدمة من طبيعتو نعاسو خفيف بزااف كيفاش حتا بقا ناعس حتا لعشا عرف بلي ديك دوا ديال لجرح هو لي دارا بيه مباشرة فتح بيسي ديالو ودخل لكاميرة دبيتهت لقاها طافية كمش حواجبو باستغراب وبسرعة ناض طافج كيجري لغرفتها دفع لباب لقاها مسدودة زفر باضي شاف فديك لبوديكارد🔥
نيار :واش خرجات من لبيت؟
---:لا اسيدي
🔥بدا كيدق فلباب بجهد وكيعيط بسميتها🔥
نيار:رسييل رسيييل حلي لباااب
🔥مني ماسمع لارد لاوالو ضغط على قبضة يديه حتا بياضت ودفع ديك لباب بكتفو بجهد حتا جابو مزدوح لداخل عاد دور عينيه فلغرفة بانتليه كتصفر بسرعة دخل لحمام لقاه مرون خرج نيشان لبالكون بانليه دتك لحبل دلحوايج مربوطين وطايحين فالارض عرفها عتكون هربات من لبالكون زير على قبضة يدو حتا بياضت و عروق نواضرو بانو وتنفخو عيونو ولاو قطرة حمرة لمح ديك لبوديكارد طايحين وهو يدخل لبيتو هز سلاحو وهود بسرعة فدروج حتا وصل عندهم لقاهم سخفاانين ماجايبين لدنيا خبار وجه سلاحو نيشان لبين عينيهم وتيرا فيهم عاد مشا عند واحد لكارد🔥
نيار:(كيهضر وكشاكشو خارجين ):بغيت 40 كارد دابا يخرجو لغابة يقلبو على لبنت لي كانت هنا فصباح وقبل ماتشرق شمس تكون فلقصر ولا والله حتا نشرب من دمككككم كاااملين
----:(غير شافو فهاد لحالة عرف هادي هي لاخرة ليهم جاوبو وهو كلو كيترعد ):حااااضر سيدي
🔥قلب دورة وخرج نيشان فلغابة كيجري وريح كيطير وهو مالابس والو من لفوق وديك سلاح فيديه ولوخرة هايز بيها بيل كيضوي بيه بقا غادي وكيعيط بسميتها باعلى صوت🔥
نيار:رسسسيييييييل
❄بقات غادا كتجري حتا وقفات لتواني كدور فعينيها كيبانليها غير شجر وصوت دياب جبدات داك لبيل من جيبها وبدات كضوي بيه كتحاول تلقا طريق باش تخرج من هاد لغابة كملات قلبات دورة وكملات جري بطريقة دائرية لانها عارفة الا بقيتي غادا بطريقة مستقيمية فلغابة ماعمرك تخرج منها حتا سمعت صوتو لي كيزعزع كيعيط بسميتها شهقات ❄
رسيل:هيي صوتو قريب مني
❄كملات طريقها كتجري باقصى سرعة حتا بدات شتا كطيح خيط من سما ورعد كيضرب❄
رسيل:افف صافي كملات على زهر تفو
🔥بقا كيجري و كيعيط بسميتها حتا بدات شتا كطيح زفر بغضب مالابس والو وديك جرحة فزكات ولا كامل كيقطر بلما دور راسو فلغابة بانوليهك
م. لي كارد كاملين مزلعين كيقلبو عليها وجه نظرو فلارض وهما يبانوليه خطاوي صغار محفورين فالارض ومع هي فازكة ديك تراب كامل ولا غيس عمل ابتسامة جانبية وبقا مركز مع دوك لخطاوي وتابعهم حتا طلع يدو و ضوا بديك بيل وهو يلمح شي حاجة كحلة كتجري بعييدة عليه عمل ابتسامة جانبية وطلق رجليه لريح متوجه لعندها🔥
❄بقات كتجري حتا طفالها ديك بيل فيديهل❄
رسيل:تفوو نتا لي ناقص
💧رماتو فلارض ويالله جات تكمل طريقها وهي💧
💧وهي تحس بشعا كيضربلها فوجها دارت بشوية كيبانلها ضو بعييد مصوب لجيهتها وشي حد جاي لعندها كيجري وغير شافتو بدا قلبها كيضرب بجهد زادت كتجري بسرعة اكبر من الاول وكدخل بين شجر كتحاول تلفليه❄
🔥غير شافها زادت فسرعة وبدات كتلوا بين شجر زفر بغضب وزاد حتا هو فسرعتو حتا ولا كيتسابق مع ريح ومركز لاتلفليه🔥
❄بقات كتتجري مع شجر وشتا غير ماكتزيد حتا حسات بيه قرب لعندها وهي تخبا مور واحد شجرة قلبها عيسكت باقا من لبارح ماطاحت نعم  فكرشها غير بانلها واقف فشجرة لي حداها وكيغوت قطعات نفس فخطرة وحدة وكدعي الله فسرها ❄
🔥غير بانتلو غابت على نظرو وقف حدا واحد شجرة كيستارح وكيعيط بسميتها بجهههد 🔥
نيار:رسييييل خرجججي لعندي شحال قدك ماتهربي
❄غير سمعات كلامو زاد كملها لباقي كلشي تجمع عليها جوع لخلغة لبرد وزيد شتا لي فزكاتها ماحسات غير بعطسة خرجات من فمها ❄
رسيل:اتشيييو(عملات يديها على فمها بصدمة صافي دابا مشششات فيها ديال بصح اكيد عتعطس وهو ريح غربلها مزييان وزيد شتا)
🔥غير سمعها عطسات عمل ابتسامة جانبية ودار لشجرة لي حداه قرب لعندها بخطوات بطيئة واووب فرمشة عين حاصرها بين دراعو وهي كيف لكميشة مخشيا فوسط شجرة🔥
❄غير حسات بيه جاي لعندها بغات تهرب حتا لقات راسها ملصقا فشجرة ومحاوطها بدراعو بقات كتشوف فجسمو رياضي لمنحوت ببعض شعيرات مزينين صدرو شعرو الاسود لفازك نازل على عيونو الرمادية لي دايرة بلحمورية بقوات لعصب طبعا قدرات تشوف هدشي بفضل ضو لقمرة لخفيف لي مضوي عليهم مافاقت من سهوتها غير بصوتو رجولي لي باين فيه شحال معصب 🔥
نيار:شحال قدك ماتهربي اللبؤة همم
رسيل:(دافعة جبهة ):كلشيي بسبابك دخلتي لحياتي نهار واحد قلبتيها انا مستيحل نبقا محبوسة عندك سمعتي
نيار:(بابتسامة جانبية ):مانعرف شكون لي خصو يقول هاد لهضرة
🔥بزربة دورها لعندو حتا ولا هو لي متكي على
شجرة وهي مزدوحة على صدرو بقات لتواني كتستنشق عطرو ومستمتعة بنبضات قلبو ونفس شي بنسبة لنيار كيحس بشعور غريب ❄غير ستوعبات الموقف ناضت عليه بشوية ويالله جات ترجع لور وهما يزلقوليها رجليها معا لغيس ❄
🔥غير حس بيها ناضت رجع غوباشتو وشاف فيها حتا بانتلو رجعات لور عطيح وغير لحافة موراهم بسرعة مد يديه وشدلها فيديها ويالله جا يجرها لعندو وهي تغلب عليه بديك شجرة لي شدت فيها وزدقات هي لي جاراه🔥
❄كانت علا شوية عطيح كون ماكانوش يديه لي شدات يديها وخوفا من انها طيح مدات يدها لوخر وشدات بيها فشجرة حتا حسات بيها جرها لعندو ومع لقاها لاسقة ومتقلة بديك شجرة ولات هي لي جاراه فتحات عينيها بصدمة واوووب❄
🔱مع جرا عيجي عليها حيتاش اصلا مكانش شاد فراسو ولغيس كيزلق طاحو نيشان فديك لحافة وبقاو هوادين كيتكركبو هي من لتحت وهو فوق منها غير حس بيها كتحرد مع الارض دور يديه بزوج على ظهرها باش ماتأداش وخبالها وجها فعنقو ومع ديك لحافة طويييلة تمرمدو مزييان نيار كلا دق فيديه وخصوصا مالابس والو ورسيل كلات دق فرجليها مع ديك سروال مقطع ماوقفو حتا لوحد صخرة كبيييرة هي لي كالاتهم 🔱
🔥بقا حاميها بيديه وصدرو حتا حس بلي وقفو طلع راسو بشوية بانتليه مغمضة عويناتها ومحشية فيه فحال لقطيطة عمل ابتسامة حانبية ولكن فور ما تمسحات مني شاف راسهم فين هما🔥
❄غير حسات بيه عنقها بيديه وهزلها راسها من للارض زادت تحشات فيه خايفة لاتجي على شي حجرة وتفقد داكرة وبرغم من انهم وقفو من تكركيب الا وأنها ماحست بوالو حتا سمعت صوتو عاد فتحات عينيها❄
🔥فتح عينيه بصدمة لقا راسهم على طرف لحافة والا غير تحركو شوية عيجيو لتحت فشلال خصوصا رسيل لي كان نص دجسمها فلخوا والا غير اداها تجي لتحت زفر بغضب وشاف فيها وقال بعصبية🔥
نيار:شوفتي ألبرهوشة لعبك فين وصلنا
رسيل:(غير سمعات كلامو فتحات عينيها وغير شافت فين هي والا غير عطسات تجي لتحت وزيد هو لي متقل عليها من لفوق شهقات بصدمة وجوباتو مغددة ):كلشي بسبابك شكون لي قالك حميني انا قادة براسي اسيدي
نيار:(غزز شفايفو بغضب ):وباقا زايداها بدفيع جبهة ألبرهوشة
رسيل:(زادت خرجات فيه عينيها ):انا ماشي برهوشة سمعتي و الا كان غير على دفيع جبهة عنزيد ندفعها هاك
❄طلعات جبهتها وضرباتها مع جبهتو حتا تلاصقو انفهم مع بعض وشفايفهم جاو لاصقين بقاو لتواني على نفس لوضعية وعيونها لكريستالية كتشوف فعيونو الزمردية حتا ستاوعبات شدارت عاد رجعات لور فاتحة عينيها بصدمة وعملات يديها على فمها شاهقة❄
🔥غير حس بملمس شفايفها ناعمة على شفايفو فتح عيونو بصدمة وبقا سااهي فيها حتا شافها رجعات لور وشهقات عاد عمل ابتسامة جانبية ونزل راسو لمستواها حتا مابقا كيفصلهم والو وقال بصوت خافت كيبورش🔥
نيار :بانتيلي ماكدفعيش غير جبهة حتا.....(غمزا )😉
🍁رسيل غير سمعاتو شقال ندمات على هاد جبهة وما يخرج منها بسرعة خنزرات فيه وكحزات راسها لور و على شوية كانت عتجي مقلوبة فشلال كون ماشي يدو لي شداتها وخنزر فيها 🍁
نيار: رصااي ألبرهوشة هانتي عتقتلي ديلمنا