💎اللبؤة و الوحش💎( مكتملة )

part93

🌔بارت 93👑
رسيل:كيفاش؟
نيار:مني شفتك ماجا لعندي اول حاجة تفكرت هما عيونك وشعرك عرفت بلي هما نفسهم لي كانشوفهم وكنحلم بيهم وزيد عليها عطرك كنت ديما كنشمو فينفي وماكنعرفش لمصدر ديالو وليوم شميتو بلادوز كبيرة حيتاش كنتي قريبة مني وفديك لحظة لقطات كاملين وضحو وتفكرت كلشي
رسيل:(بصوت حنين ):واخا هدشي كامل لي دزتي منو ومانسيتينيش
نيار:(باس جبهتها ودوز يدو على شعرها ):انا فقدت داكرة وماشي الاحساس يعني عقلي لي نساك اما قلبي ماعمرو ينساك
رسيل:(بتاسمات من هضرتو وزادت ضماتو لعندو ):لحمد الله ربي جمعنا من جديد قاسيت بزااف فغيابك وحتا خالتي وهزار
نيار :(جامع حواجبو ): شنو وقع فغيابي؟
💧رسيل بسؤالو حسات فحال سطل دلما بارد تخوا عليها منين عتبدالو؟ وشنو عتقولو ؟واش تبدا بقضية موتو؟ ولا بديك زوج لي صفاتهالهم ؟ولا شركات لي كانو عيغرقو؟ ولا حقيقة لمونستر لي كتاشفات؟ ولا ببيلسان لي دخلاتها لدارو؟ مهم مرونة ديال بصح علم الله شعاتكون ردة فعلو💧
نيار :(بحدة ):رسيل وقيلا سولتك فين ساهية ؟
رسيل:(قفزها من بلاصتا ):اه اه هانا ع عنقولك احم باش بغيتي نبدالك
نيار:(حرك راسو )؛اييه ادن قوليلي لخير موجود يالله الآلة بداي من اخر نهار طلاقينا
رسيل:(سرطات ريقها بصعوبة وبدات كتهضر ):داك نهار سمعت كارلوس كيقولهم يحرقوك ويرميوك من لجرف كاانت هادي آخر حاجة عنسمعها ومن بعد غيبت من فيقت لقيت راسي فلقصر لقناص ديالك هو لي جابني دخلت فحالة هستيرية وبدون شعور بديت كنعاود دكشي كامل لي وقعلننا لخالتي ميسون وهزار تصدمو بزااف وبكاو حتا طابو عينيهم مادازش بزااف وخبر
وخبر موتك نتاشر فجميع لمجلات ومواقع تواصل والإعلام هدشي زاد حطمنا وشوية جالمحامي على قبل شهادة لوفاة وأمور لارث ولكن أنا رفضت وجريت عليه وقلتلو بلي ماعندناش لميت باش نديرو لجنازة برغم من أنه عطاني ملف فيه فحوصات تحاليل ديال لجتة ولي كانت مطابقة مية فلمية مع ديالك ولكن انا ماتيقتش ومشيت عند طبيب لي تكلف بتحاليل هددتو وخليتو يعتارف وعطاني تحاليل الأصلية وريتهم لخالتي وهزار لي زرعت فيهم الأمل وتاكدو بلي نتا عايش ولكن ديك لخبر زائف لي تسرب خلا جميع لمنافيسين ديالك والأعداء مهم لي بيزنيز مان بصفة عامة بداو كيلعبو باش يطيحو اسهمك فلبورصة وماتبقاش محتل مراكز صدارة على دكشي ضطريت نعلن انك مزال عايش ووريتهم الأدلة وتكلفت بتسيير شريكات ديالك كلهم ولحمد الله قدرت نخليهم واقفين وصامدين فحال مني كتكون نتا ومن ديك ساعات وأنا كنقلب عليك ماخليت حتا دولة مافليتهاش كل نهار شادا طيارة ولكن ديما كنرجع لدار فااقدة الأمل (عينيها تغرغرو بدموع) وبصدفة واحد نهار طلاقيت بواحد لبنت صغيرة يتيمة من اصل مغربي كانت كتبيع كلينيكس فشارع حالتها حالة وكتعنف من طرف واحد لمرا وعاوداتلي معانتها بقات فيا وقررت نديها تعيش معانا وانا لي نتكلف بتربيتها فرحات بزااف وحتا خالتي وهزار ستاقبلوها وداروها فرد من عائلتهم حتا ولات كتقولي ماما وخالتي ميسون جدة وهزار طاتي وأنا حسبتا كتار من بنتي وبلاصتها كبيرة فقلبي حتا وصل هاد نهار وجيت لحفل بصدفة وطلاقيتك
🔥نيار غير كيشوف فلبحر وكيسمعلها بهدوء عكس نار لي شاعلة فيه معاناة رسيل وماماه وختو ماكتساويش ربع من معاناتو ولكن زاد تأكد بلي خلا وراه لبوؤة شرسة واش كينا شي مرا لي دير على قبلو هادشي كامل وتواجه لمجتمع بحدها وتعتق ازيد من 50 شركة من الإفلاس وكل نهار كتقلب عليه فدولة وزيد كانت متاكدة بلي عايش برغم من انها ماكتملك حتا دليل على هضرتها طبعا حتا وحدة ماتقدر تضحي بهاد طريقة من غير لبوؤتو باس راسها كدليل على شكر والامتنان على جميع تضحياتها ولي كان بدورها تبتاسم وتمخشش فيه فحال لقطيطة🔥
نيار:(ببحة رجولية ):واخا هدشي كلو لي كان كيدل بلي انا من نتي ماكنتيش متيقاهم
رسيل :(بنبرة هادئة )':قلبي كان حاس بلي نتا عايش واش فنظرك كون وقعتلك نتا شي حاجة عاد عنقدر نتنفس وقلبي يبقا كينبض مزال نوو مستحيل وهادشي هو لي كان عاطيني لقوة والأمان حيتاش كنت متأكدة بلي نتا بخير
🔥نيار كيسمع كلاما وابتسامة واسعة مرسومة على ثغرو كل مرة كيزيد يبغيها كتر من لول وكيحمد الله لي قلبو بغا بنت كتستاهلو وكتستاهل حبو لكبير ليها🔥
نيار:كوني متأكدة بلي كلهم عيدفعو تمن غالي وغالي بزااف على كل هدشي لي عيشناه بسبابهم فهاد شهراين
💧رسيل غير سمعات كلامو تبلوكات علاش هي بعدا خلات شي واحد باش يعاقبو نيار سرطات ريقها بصعوبة ونطقات بتلعتم💧
رسيل:م ماكاين لاش