💎اللبؤة و الوحش💎( مكتملة )

part47

🌔بارت 47 👑
💧بقات لتواني كتسنا حتا جاوباتا بلهفة💧
ميرال :الو رسيل واش هادي نتي؟
رسيل:ههه اه
ميرال:بفف لحمد الله واش رجعلك لفون ديالك
رسيل:اه رجعولي
ميرال:وشني درتي دابا ؟وفاينك نتنا كيبانلي رقم ماشي دلمغرب؟وعلاش ماعودتيش صونيتيلي؟ هضر ارسيل راك شطنتيني عليك؟
رسيل:بفف كالم طوا بب وحدة وحدة مهم .......(بدات كتعاودلا داكشي كامل لي وقعلا بتدقيق ابتداء من نهار لي هضرات معاها حتا لدابا ) هدشي لي وقع
ميرال :كيفاااااش!! اويلي وحدي دابا نتنا فجزيرة سردينيا ومع عائلتو من لفوق
رسيل:ااه اكزاكطومون
ميرال:ياربي وشني دابا واش عتبقا حياتك كاملة محبوسة بهاد شكل
رسيل:نوو امبوسيبل ضروري ماعنلقا شي حل ولكن قولي بعدا شني درتي فداكشي لي كنت قولتلك
ميرال:بفف غير ماتفكرينيش عييت مانتعوج عليه وعييت مانجرلو فلسانو وتقول واش بغا ينطق حدو خرج جملة وحدة
رسيل:(بلهفة ):أه اه شنوهيا
ميرال:قالي نيار خاي وعمر خيرو مانساه ولا نقدر نردلو خيرو
رسيل:(ضربات راسا بيدا ):الله يعطيك دل مانعرف شني سحابلي عتقول لي عول عليك عول على لخلا
ميرال:(كتغبن ):هئ وامالي درتا بلعاني راعييت مانتبحلس عليه والله مابغا ينطق كيقولي خدمتي مادخليش فيها
رسيل:بفف صافي انا عنشوف كيندير نعرف راسي مهم تهلا فراسك من بعد ونهضرو
ميرال:اكي بب تشاو والا كانت شي حاجة دابا نقولالك ونتنا نفس شي
رسيل:وي ضروري باي
🌟قطعات عليها لخط ودوزات نيم دليان وهضرات معاها ابيل فيديو هي وباباها ورباب بقاو شي ساعة وهما مجمعين كاملين بيهم حتا نسات مشاكيلا وضحكات معاهم من قلبا ودعاتوم وقطعات لخط وحطات لفون فوق طبل دونوي ودخلات لدريسينغ لبسات شورط ايلاستيك فزيتي حد ركبة فيه زوج خطوطة فجناب بالاسود واكس ديالو مزيرة دلعسكر كاملة مشبكة كيبانو سوستيامات لي فالاسود وسبرديلة سبور فنفس لون جمعات شعرا كود شوفال جا مهزوز شوية على ركبة ودارت بانضة فزيتي رشات بارفانا وحيدات جميع الإكسسوارات باستثناء سنسلة كتافات بكلوص شفاف ووقفات مقابلة مع لمرايا طويلة كتبان طوب جسم انتوي منحوت بامتياز ارداف مشدودة جناب داخلين ولي هونش خارجين مؤخرة بارزة وكرش مطراسية رسلات بعض لقبلات فلهواء لصورتا لمعاكسة فلمرايا مع ابتسامة ونزلات كتجري فدروج مافيها لي يهود فالاسانسور طلات على صالون بانلا ماكينا حتا واحد هزات حاجبا باستغراب فلاخر هزات كتافا بلا مبالاة وزادت لصال دسبور مع دخلا كتلقا نيار كيتريني فوق لبابي غولو وميسون جالسة فوق واحد لفوطوي وقداما كاس دلعصير وهزار جالسة فجنبا كيتفرجو فنيار وهو ماحيسش بيهم كاع غير كيتريني بسرعة ولعرق نازل معاه ولفوطة فوق كتافو بتاسمات بخفوت ومشات جلسات جنب هزار لي غير كضحك وكتنقز حتا دارت ميسون شافت فيها🌟
ميسون:بنتي رسيل واش عتريني
رسيل:اه ولكن ماشي دابا حتا يخوا لاصال
ميسون:ءء وعلاش ابنتي شوفي لاصال قداش
رسيل:ماشي مشكل اخالتي غير خليني معاكم
هزار:(كتسيلفا وكضحك ودور تصور فنيار ):هههه تيتيزة اجي تصوري معايا بلييز
رسيل:هه اكي
🌟جراتا هزار كيتصورو مع بعضم وكيضحكو وحتا ميسون مشاركة معاهم دايا بنتا قد عقلا اما نيار غير طلعات معاه ريحتا عرفا دخلات وبرغم من دالك كمل لونطريما ديالو بدون مايدور لعندوم لانو عاطيهم بظهر ولكن مستمتع بصوت ضحكاتا لي فحال شي رنة موسيقية كتخترق مسامعو🌟
🌟مافيقو من سهوتو غير صوت هزار كتغوت دار طافج كتبالو لاسقة فدراع ميسون كتقفقف بلخوف وكتغوت وبيبرس جالس فحجور رسيل 🌟
هزار:وااع هئ هئ رسيل طلقو يخرج عفاك هئ
رسيل:هه وماتخافيش منو والله حتا ضريف معيعضكشي غير اجي قيسو
هزار:(كتكحز لجهة لاخرا حيت جالسة ملسقة مع رسيل وكتخاف ينقز عليها ):لااا هئ عفاك ارسيل خلينا جالسين فرحتنا طلقو يمشي يتسارا مسكين راه قنط ياك اخاي بيبرس
ميسون:(كتموت بضحك ):ههه وا ديك لحمقة جلسي لارض شكون داها فيك
هزار:(دورات عينا بشوية لعند بيبرس بانلا مادايهاش حتا فيها متكي على صدر رسيل ومخشش فيها رخفات شفايفة وبدات كتغبن🌟
هزار:هئ هئ واخا هايداك انا خصني نجمع على خاطري اما مني كيكون هاد صعصع ماكنقدرشي حتا نتحرك
رسيل:ههه ومزيانة منها نيت تبتي شوية
هزار:هئ هئ يااااك ارسيل قولي نتنا باغاها فيا وانا زعما لي جالسة نشكر فيك
رسيل:هه صاففي الآلة غير كنضحك معاك هاهو عيمشي
🐾هبطاتو لارض وبقات كدفعو بيدا وكتشيرو بيدا لواحد شبيكة خاصة بيه فلقنت ديال لاصال كبيرة وفيها رمز دلمونستر وهو داغيا فهما ومشا بشوية عليه وتخشا فيها وهزار عاد طلعت نفس🐾
هزار:افف لحمد الله ياربي باينة شي نهار عتجيني شي سكتة قلبية بسبابو
ميسون:هه اودي على دكتورة مانعرف كي كيقدرو ناس يوضعو قلوبهم بين يديك ونتنا كترعد غير بوحدك
هزار:(هزات راسا لفوق بعجرفة وحنحنات ):احم احم لالة ميسون حتارمي راسك عفاك ماكنبغيش لي يحبطلي خدمتي سيل فو بلي
ميسون:(طلعاتا معاها بواحد لقرصة حتا نقزات ):الله يقلل حياك الماسخة دابا رجعتيني غير لالة ميسون
هزار:(كتحك فلقرصة ):هئ هئ وماااا حشومة عليك واش وليت كتار منك بطولة ونتنا باقا كتقرصني فحال لبريهشات هئ هئ ظلم هدا والله ولكن ماتخفيش ساخبر الله بكل شيء
💣رسيل غير معوجة عنقا كتشوف فيهم وراسمة ابتسامة بااهتة على فما وعيونا ولاو كيلمعو فحال حبات لبلور بدموع لي تجمعو فيهم شحاال توحشت دلع ماماها و حنانا شحال توحشات تحضنا لصدرا وتقولا انا معاك ابنتي شحال توحشت لنgيرا وعقابا مني كدير شي زبلة وديمااا كتغطي عليها حتا هي فواحد ليوم كانت فحال ميسون وهزار يدابزو يتناgرو ويرجعو يتعانقو اااه وشحااال فتاقدات لديك لايام نزلات دمعة سخوونة من عينا معبرة عن مدى شوقى وحنينا لامها مسحات بلخف وشمرات نيفا وقوات نظرا كتصطنع لقوة لان ضعف ماكيناش فقاموسا فحين نيار من لاول وهو حاضيها وطبعا فهم من نظراتا لحنينة انها توحشات ماماها وبرغم من هاد القوة لي كتبين الا وان عمدا جانب آخر ماكيضهر غير مني كتفكر امها برغم من انها ديما فبالا حتا شاف ديك دمعة لي نزلات على خدها بشوية كتسلل حتا وصلات لشفايفا حس بيها فحال شي شعلة نار تحطات على قلبو لدرجة أنه كره داكرتا لي خلات دمعتا تنزل زير علا يدو بقوة حتا تنفخولو عروقو ولا كيبانو فحالو سلوكة دضو خووضر عينو ولاو حوومر فحال جغمة د دم ولي عصبو اكتر هو علاش كيتاتر بدموعا شنو علاقتو بيها 💣