💎اللبؤة و الوحش💎( مكتملة )

part108

🌔بارت 108 👑
💎وميسون لبسات غوب فضية ديال لحفلات كلها مرصعة بالاحجار لكريمة طلقات شعرها لقصير ووضعات مايكاب خفيف كيناسب سنها وكدالك سعاد لي لبسات غوب محجبة ديال لعراسات فذهبي مطروزة بصم وكلها أحجار عكسات لفولار على شعرها بشدة انيقة ووضعات مايكاب خفيف جاو كيحمقو خصوصا بلطافة لي باينة فوجههم والابتسامة لي ماكتفارقش ثغرهم اما لالة لعروسة جمعولها شعرها لفوق بمشيطة انيقة على شكل وردة وبقاو خصلاات شعرها نازلين على وجها وضعات مايكاب صارخ ديال لعريسات برزات بيه تقاسيم وجها بلكونتورين وجبدات عويناتها باالايلاينر والايشادو وكتفات شفارها بلماسكارا جات فحال عيون لغزل وحجبانها لي طراستهم وبانو واضحين أكتر وشفايفها لي فيهم عكر ماط فلموف بارد برز شفايفها منفخين فحال حبات لكرز وخصوصا بشامة لي فوق منهم وضعات فراجو حمرات بيه حنيكاتها اكتر ماهما حمرين عاد فتحات بواطة ديال لاغوب لي كانت من اختيار نيار عطا لموصفات لي خصو لمصممين وصموها خصيصا لرسيل  ولفوال وصباط طالو فضي انيق وبوكي مملوء بازهار لياسمين ولجوري هزات لاغوب فيديها كتشوف فيها بإعجاب وعينيها كيبريو لبساتها بمساعدات لمرافقات لي غير فاتحين فمهم فيها صوبو لألاف ديال لعروسات ولكن فحال رسيل ماعمرهم شافو شي وحدة كضاهي جمالها عدلولها لفوال على شعرها ولصقوه بتاج ولبسات عقد الماسي فوق سنسلتها وهزات لبوكي فيديها عاد دارت لعند لبنات لي غير شافوها تبلوكاو طلعات أميرة فثوبها الأبيض لؤلؤي بتاسمات وبقات كدور ولا غوب كدور معاها 💎
ميسون:ما شاء الله تبارك الله اللهم ما بارك
ميرال :واااااو رسيل جيتي كتهبلي
ليان:اه اختي فحال لاميرات
بيلسان:اه كتحمقي أمامي فحال رابونزل عندها شعرها فحالك وكتشبهلك
هزار:واااو واو واو ليوما خويا يهرب بيك هادي مافيهاش شك كتحمقييي
رباب:ماشاء الله عليك اختي طلعتي فنة
سعاد:الله يحفظك ويحجبك ابنتي من لعين
رسيل:(كضحك على كلامهم ):هههه يخليكم ليلي حتا نتوما جيتو غزالين
💎ناضو لي مايكاب ارتيست جمعو لماطريال ديالهم و ودعوهم ومشاو فحالهم فحين رسيل جلسات فلفوطوي ولبنات دارو بيها كيصور فيها وكيتسيلفاو معاها حتا سمعو دقان فلباب عاد ناضت هزار فتحاتو ودخل سي ابراهيم بكامل اناقتو لابس كوستار رمادي ومرجع شعرو الأسود لي فيه بعض خصلات شيب وغير شاف رسيل وقف مصدوم وشحال كان كيحلم بهاد لحظة حتا قال ماعمري عنعيشها وماعمري عنشوف بنتي عروسة وهاهو ربي عمل عكس ماكان كيفكر فيه توجه لعندها ودموع على طرف جفونو باس راسها ولمس يدها بحنية💎
ابراهيم:تبارك الله عليك أ أميرتي منورة فحال ديما
رسيل:(دموع مغرغين فعينيها وبزز باش حابساهم ):ربي يخليك ابابا
ميسون:واش ناس كلهم جاو ؟
إبراهيم:أه كلشي جا وكيتسانو فيكم وأنا جيت نزل بنتي رسيل
سعاد:صافي يالله انا وميسون عنزلو نستقبلو ضياف ونتا ولبنات لحقو علينا
رباب :صافي واخا غير سيرو
💎نزلات ميسون وسعاد لعند لحضور فحين سي إبراهيم مد دراعو لرسيل لي ضحكات وشدات فيه كتحمد الله وكتشركو فنفسها مني حتا هي كتابلها تعيش هاد لحظة وباباها يقدمها لراجلها زادو خارجين مع لباب فحين بيلسان وليان هازينلها لاغوب من لور وميرال وهزار ورباب مصفين وراهم كيصورو فيهم💎
غوب روسيل 👇