💎اللبؤة و الوحش💎( مكتملة )

part15

🌔بارت 15👑
منال:اهياا مالك كتغوت هااحنا جايين افف
(قطعات عليه لخط وشافت فيهم مغددة ):شفتو اولاد لحرام بسبابكم طلق عليا حلوقو
ميرال:ااهيا لالة منال مانسحمليكش تهضري على بابا بهاد طريقة حسني الفاظك من فضلك
رسيل-ادهم:ههههه
منال:شوفليك لبعرة لاخرا تحلكي لفم زيدي قدامي قبل مانجي نحسن لمك بلا ماء
💧ميرال مرgات قدام ادهم ندمات حتا علاش هضرات كتعرف يماها مني كتبدا تهضر كيتقطعولا لفرانات اما رسيل بقات غير كدور فعينيها اما واحد سي لعريس بزز باش حابس ضحكة ولا حمااار عيطرطق دخلو تلاتة دنكافات فتلاتينات غلااض و من دوي البشرة السوداء لابسين لباس موحد قفاطن فلخضر ودهبي دارو بميرال وادهم لي كانو شادين فيد بعضهم بابتسامة على محياهم عملوهم فلوسط وبداو كيعشقو على نبي ورسيل وراهم و منال حتا هي جالسا كتعشق معاهم حتا دخلو لقاعة ولحضور كيشوفو فرسيل و فلعرسان لي جاو مواتيين لبعضهم حتا وصلو لبرزة وجلسو كيشوفو فلحضور بابتسامة بينما رسيل شدات فيد ليان ومشات وقفات فواحد طبيلة مقابلة مع لبرزة 💧
*كان واقف كيسمع فكلام رجال لاعمال لي جابوليه لملل بقوات ماكيعودو نفس لهضرة *تبرك الله عليك * سمع زغارت وراه عرف عيكونو لعرسان داخلين قلب عينيه بملل و نزل على كاس كوكا لي كان فيديخ حتا سالا عاد وجه نظرو لبرزة وشاف فادهم هاد الاخير لي كان كيبتاسملو و باينة فرحان بحضورو رد عليه بابتسامة جانبية و دور وجهو مع عيدور كيتصادف معاها عاطياه بجنب ورادا شعرها الاشقر على كتافها مغطيلها وجها كامل عمل ابتسامة جانبية ولكن فورا تمسحات مني شافها كتهضر مع ليان فكل مرة كيزيد يتأكد من شكو على انها تكون بنتها و بالتالي عتكون مزوجة كمش حجبانو منزعج من نفسو ومن افكارو وانا مالي؟ كانت هادي اخر كلمة قالها بين نفسو قبل ما يشوف فتيليفونو *
&وفحال جميع الاعراس المغربية لابد من الموسيقى الشعبية ونظرا لانهم شماليين وبالتالي عندهم انجداب كبير لجبالة وعلا دكشي عملو اغنية ^ولعصار صافي ^ غير بدات الاغنية كلشي ناض كيشطح باستثناء ناس لبريستيج ورسيل حيتاش ماكيعجبهاش تشطح الا مع ميرال ولكن دابا بارزة ماعندها كي دير هاد الاخيرة لي ماكرهتش تنوض تشطح وتردح اما واحد مولاي سلطان قاليها ماكتعرفي والو جالس كيشطح فبلاصتو شافت فلبنات لي كيشطحو قدام رجال وكيلوزو باش زعما يشوفو فيهم ضحكات باستهزاء وقالت فنفسها وااا شكككون داها فيكم ازميتة نهار لعيد فطبعا الاضواء كاملة مسلطة على رسيل لي ساااهية كتفكر غايبا عن لوجود مافيقها من ساعتها  غير ليان لي كتحرك فيها 💧
ليان:حتيي عااافاك يالله نسطحو فحال لبارح عففاك
رسيل:مافيا مانشطح احبيبتي سيري شطحي مع خالتو منال راه حتا هي كتشطح
ليان :(هضرات بنبرة طفولية قريبا للبكا ):عفاااك احتي انا خصني نسطح انا وياك حيتاس نتنا كتعرف عفااك احتي غير شطيطو (كتوريها بيديداتها يعني غير شوية )
رسيل:(بقات فيها تنهدات):ولكن غير شوية
ليان:ياااس اه احتي صافي يالله
💧جراتخا من يديها وتوجهو لساحة الرقص لي جات فلوسط ميرال غير شافتها ناضت بقات كتغدد فبلاصتا ولكن حلفاات حتا تنوض قالتها لادهم لي كان غير على سبة شدلها فيديها ونزلو كيضحكو مخليين منال كتاكل فجنابها شوهوها قالت راجل هو لي عيتبت بنتها لهبيلة زداق هو هبييل كتاار منها اما رسيل غير شافتهم نازلين بتاسمات عرفاتها ماقدرتش تصبر اما لحضور غير شافو لعرسان نزلو مشاو جلسو يتفرجو فيهم خوات ساحة رقص وبقا فيها غير ميرال وادهم ورسيل وليان 💧
🔥كان ساهي كيشوف فتيليفونو مع طلعا لي عيطلع عينيه كتبالو واقفا فساحة رقص بديك لفورمة لقتالة و فحال ديما عاطياه بظهر ماعرف مالو مع هاد ظهر دور راسو بالو كلشي جالس غير هما بربعة لي واقفين تما علا حاجبو باستغراب وبقا حاضيها كيتسنا يشوفها شعتصنع 🔥
💧 واخييرا بداو كيرقصو على انغام الموسيقى شعبية تقابلو مع بعضهم و بداو كيتاميلو بخصرهم بطريقة احترافية خصوصا رسيل كتبان فحال شي رقاصة وديك طرف كيتهز معاها اما ادهم محشي فلوسط شاد لليان فيدها وكيشطح معاها بطريقة رجولية وهي جالسا كتلوز فحال ختاها ومن دابا باينالها فصالتها لي عتكون مطابقة لديال رسيل .نساو راسهم وبقاو كيشطحو حتا سخفو عاد رجع ادهم و ميرال جلسو فلبرزة و رسيل وليان رجعو لبلاصتهم 💧
*بقا حاضيها بعيونو زمردية حتا بانتلو بدات كتشطح بقا مصدوم بديك الاحترافية لي كتشطح بيها شك لوهلة انها تكون راقصة ولكن بسرعة نفض هاد الافكار من راسو منين تفكر كيفاش كانت كتقاتل فلمقبرة ماقدرش يزول عينو عليها ومع كانت عاطياه بظهرها كيبانو ليه معالما الانتوية كاملة كتهز حس براسو تزير ولعرق بدا كيتصبب من جبينو ستغرب من حالتو معمر شي بنت لمرة حركات فيه حتا ربع وهادي غير من فورمتا دوخاتو واخا انه رافض الاعتراف لنفسو بدالك لان كبرياءو فوق كل شيء وهو مستحيل يخضع لشي انتى كيف ما كانت وقف  لتواني كيفكر شحال من راجل عيكون كيشوف فيها دابا ومشاهيها مجرد التفكير في دالك عروق يدو برزو بوحشية🔥
🔥عروق يديه برزو بوحشية وعضلاتو تشنجو بطريقة مرعبة دور راسو بلعرض لبطيئ لقا رجال كاملين ومن بينهم جاسم من غير سي ابراهيم لي غادر قبيلا كانو كاملين فاتحين عينيهم وفوامهم فبها وريوgوم سيايلين ماحس براسو حتا ضرب يديه مع ديك طبلة بجهد حتا كاملين تزعزعو من بلاصتهم وشافو فيه رد عليهم بشوفات كون كانو قرطاس كون شعتراتهم ومارتح حتا بانتليه رسيل جلسات وككل مرة زاد تصدم من نفسو اكتر من الاول شنو هدشي كيوقعليه كيحس براسو تالف بزااف فلاخر هز تيليفونو وخرج لبرا يضربو لهوا ويرتب افكارو🔥
💧بقاو داخلين خارجين من لبسا للبسا حتا تعشاو ناس ووصلو لاغوب بلونش دخلات رسيل عندهم للبيت لقات ادهم خرج لبرا كينا غير ميرال ولي مايكاب ارتيست وديك نكافات مشات توجهات لعند ميرال لقاتها يالله عتلبس لاغوب لي كانت انيقة ومعرية من لفوق ومن تحت طوييلة حتا وقفاتها 💧
رسيل:وقاااف
ميرال:(كانت يالله عتلبسها حتاا سمعاتها وهي توقف مبلوكيا ماعرفات راسها باش تبلات ):ءء مالك
رسيل:افف ماتلبسيهاش تسناني واحد دقيقة حتا نجي
ميرال:ءء علاش مالك
رسيل:واسمعي لهضرة وتسناني دقيقة نكون عندك 💧باستها فحنكها و توجهات لخارج كتجري مخليا ميرال مستغربة فلاخر شدتها بجموع مع ديك نكافات حيتاش بانتلها ديك لمايكاب ارتيست مبعككة فحين رسيل خرجات من لقاعة و فتحات طموبيلتها وهزات ديك لعلبة لبيضة لكبيييرة ودخلات كتجري حتا تعكلات فجلايلها وتلاوالها طالون واوووب 💧