♨اولا لا احلل النشر دون اخد ادني والاحتفاظ بنفس الصورة والمقدمة والاسم♨
🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰
لقصة تحت عنوان:🔥اللبؤة و الوحش 🔥
بقلمي:💎الأل...
🌔بارت 105👑 نيار:كون هاني اسي ابراهيم فرسيل الا كانت جوهرتك فهي نور دحياتي وبلا بيها كنت عنكون مزال عايش فظلام ولكن هي جات ونورات حياتي وبفضلها عشت لحياة لي ماعشتهاش فطفولتي علا دكشي نعس على جنب راحة ماحدي انا عايش رسيل ماعمر شي حاجة عتأديها ومن أول نهار شفتها كتبتها ليلي ودرتها تاج فوق راسي وعرش فقلبي فتهنى من جيهتها 💧رسيل غير كتسمع فنيار بابتسامة وعينيها مغرغرين بدموع وشحاال كيحمقها كلامو ورزانتو وبمجرد ماكتشوف فيه كيبانلك بلي كلامو نابع من قلب وكل كلمة كيعطيها حقها عاد كيكمل هضرتو غمضات عينيها كتحمد الله وكتشركو مني رزقها بزوج صالح وكيبغيها من لفوق اما سي إبراهيم طمأن بكلامو لأنه اصلا باينة لجدية ولوفاء فوجهو فحتا هو دا فزمان وجاب حتا ولا غير من شوفة كيوزن بنادم وكيعرفو من شمن طينة💧 سعاد:اوا اسيادنا مني كلشي متافق نوضو ركبو لخواتم ميسون:هه يالله نوضو 🎡وقفو كاملين بيهم ودارو بطبلة مخليين رسيل ونيار مترأسينها مشابكين يدين بعضهم وشحال وحب كبيير باين فعيونهم عاد هزات ميرال صينية ديال لخواتم ووقفات جنب رسيل وهزار ورباب جابدين تليفونات كيصورو فيهم وكلشي كيشوف فيها بابتسامة وبيلسان وميسون واقفين حدا ميسون فحين رسيل طلعات عينيها فنيار كتشوف مباشرة فبؤبؤهم رمادي ونيار حاضيها بشبه ابتسامة وشحاال وتاو بعضهم كيبانو فحال الأمراء نزل عينو لبلاطو وهز لبواطة دلخاتم فيدو لي علا شكل كوكايجة ورسيل كدور فراسا كتحاول تفكر فين شافتها قبل عاد تفكرات نهار لي لمحاتها فلخزنة وبتلفة نسات ماقلبتهاش فتحات عينيها بصدمة واش من شحال هادي وهو مخبي لخاتم فحين نيار بتاسم وهضر بصوت خافت وهما واقفين مقابلين مع بعضهم وكتفصل بيناتهم مسافة قصيرة🎡 نيار:نهار لي كنا فاعماق لبحار لقيت هاد لكوكايجة وعرفت بلي عيجي واحد نهر ونحتاجها علا دكشي خبيتها ودابا جا لوقت باش تلبسي لخاتم لي لقيت فيها 💧رسيل غير كتسمع بفكلامو مصدومة وزادت تصدمت مني فتح نيار لكوكايجة وشافت لخاتم لي فوسطها وضعات يديها على فمها شاهقة وجميع لحضور فتحو عينيهم فلخاتم لي كان راقي وكلو مرصع بحجر الألماس وفوسطو جوهرة كبيرة مشوكة ومنقوش فيها اسمهم بزوج من تحت بخط رقيق وجميل حقا شكلو كيحمق فحين نيار طلع فيها عينو ولمس يدها كيشوف فلخاتم ديالو لي كان عطاهلها نهار لحفل بتاسم ولبسلها لخاتم فوق منو مابغاش يزولو واصلا جاها زوين لان الأول سامبل ورقيق فلفضي فحين رسيل طلعات يديها كتشوف فلخاتم باعجاب كبير واضح فكريستاليتيها💧 رسيل:وااو زوين بزااف كيحمق نيار:وفيديك أجمل 💧رسيل بتاسمات بخفوت من كلامو وهزات لبواط تانية سوداء فتحاتها لقات فيها خاتم رجولي من دهب الابيض سامبل ومنقوش عليه اسمهم فحال شكل خاتمها حتا هو زوين وراقي طلعات فيه عينيها وهزات يدو ليسرية وخشاتلو لخاتم فصبعو حتا لبساتولو عاد شابكو يدين بعضهم ونيار كيشوف فلخاتم لي فصبعو ماعمرو فحياتو توقع ان ممكن يجي نهار لي يربط حياتو بخاتم مع شي بنت مدى لحياة بتاسم بخفوت وطلع عينو فرسيل وهزار خداتلهم كتار من خمسين صورة وباقا كتصور فيهم عاد هزات رسيل تمرة وكلات منها نيار لي حتا هو وكلها منها وشربو لحليب لبعضهم 💧هزات رسيل سيف لي كان طويل منقوش بلفضي ونيار حاوط يديها بيدو وبداو كيقطعو فطارط تحت عدسات لكاميرة عاد هزات رسيل قطعة ووكلاتها لنيار وحتا هو وكلها عاد جات لخدامة وبدات كتقطع وكتحط فطباسل فحين رسيل ونيار وقفو كياخدو فصور تدكارية لي عتأرخ هاد لحدت كل مرة رسيل كتعمل بوز فشكل وحتا نيار مسايسها وموسع معاها خاطرو عاد تجمعو لبنات كاملين كياخدو فسيلفيات وفي الاخر تجمعات لعائلة كاملة مخليين رسيل ونيار فلوسط وخداو صورة عائلية مجموعين ولباقي الابتسامة مرسومة على وجوههم لملائكي عاد مشاو كلهم وجلسو فصالون مكملين سهرتهم ونيار مابغاش يطلق من يدين رسيل عرفها عتمشي عند لبنات لي مجموعين كيشوفو فصور لي خداو حتا ضربات لعشرة دليل عاد ناضو كاملين تجمعو على شفرة لعشاء وتعشاو فجو كل مرح حتا سالاو عاد تمناو ليلة سعيدة بعضهم وكل واحد ناض شد طريقو سي ابراهيم طلع لغرفتو ينعس وأخيرا تهنا من جيهت بنتو مني رزقها الله بهاد لعائلة وكدالك ميسون طلعات لبيتها ونعسات بسعادة مني ولدها عيكون عائلة وماعيبقاش منعازل وحتا لالة سعاد وسي سليم طلعو لبيتهم فحين بيلسان وليان عنقو رسيل وطلعو لبيتهم ونعسو معانقين اما لبنات غير شافو جقلة تفرتكات ضربوها بجرية وطلعو لجناح لي بدلو فيه هاربين من نيار وادهم لي كانو كيهضرو وغير دارو لقاو قدامهم غير ريح فحين لبنات زولو لي غوب ولبسو كسيوات خفاف حد ركبة وكل وحدة عندها فلون مسحو لمايكاب وطلقو شعرهم صلاو صلاتهم وتجبدو فوق نموسية بأربعة بيهم على شكل بوصلة رسيل من لفوق وميراا من تحت ورباب على شمال وهزار على ليمين وملاقيين ريوسهم فلوسط 💧 رسيل:نااري يالبنات ليوما نيار يوريني سليت كيف عامل ميرال :وخصك تشوفي انا ليوما ادهم يصبني تصبين هزار:اححح لحححمد الله حنا سيليباطير رباب:ههه لا صداع لا مشاكيل لبسو لي بغينا وندخلو معاياش مابغينا ميرال :لحمد الله بعدا حنا عايشين لحب ولغرام كيتكم نتوما البايرات رسيل:ههه واللهيلا اجي اديك شنيولة شكون هو داك راجل لي فرق عليك داك نهار فلكومسرية را تفكرت كلشي ميرال :(ضربات ففخاضا ):اويلي على لكوميسرية 💧رسيل وهزار شافو فبعضهم وهما يتفركعو بضحك💧 رسيل :هههه ياربي فاش فكرتينا هههه هزار :هههههه ماعمري نسا ديك نهار كليت ماكلا طبل نهار لعيد رسيل:هههه وخصك تشوفي انا رباب:فهمونا شنو كاين ميرال :باااينة شي موصيبة جديدة هادي رسيل:هه غير موصيية وسكتي مهم يالالة كنا جالسين مابينا ماعلينا حتا ناضت عاد شنيولة وبدات كترغب فيا نمشي معاها لبواط غير تفرج فرابور لي كيعجبها ونرجعو صافي قنعاتني وقنعات خالتي وخلاتنا نمشيو بشرط مانفوتوش ساعة ميرال :اويلي على بنات لحرام ولاو كيمشيو لي بواط هزار:ههه واباقي لخير ولبراكة رباب:تبارك الله اوا كملي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
