💎اللبؤة و الوحش💎( مكتملة )

part71

🌔بارت 71👑
💧دخلات لخدامة وشافت فميسون💧
مرجانة :لالة ميسون لمحامي جا وكيسول عليك
ميسون :هانا جايا
💧باست رسيل من راسا ونزلات وزادت معاها حتا هزار عاد ناضت رسيل تابعاهم بزز باش كتمشى كتحس بدوخة نزلو لتحت لقاو لمحامي جالس فصالون كيتسناهم سلمو عليه وجلسو حداه من غير رسيل لي مادخلتش اصلا بقات واقفة غير فباب صالون كتسمع شكايقولو💧
لمحامي:أولا لباركة فراسكم من جيهت سي نيار الله يرحمو
✴هزار وميسون غير وماولو بريوسهم ودموع فعينيهم✴
لمحامي:جيت ليوم باش تسنيو على شهادة لوفاة ومراسيم الجنازة
✴يالله جات ميسون تجاوبو حتا كيسمعو صوت وراهم✴
رسيل:(بنبرة حادة ):ماكاين لاش اسي لمحامي
💧زادت داخلة لصالون مفيكسيا عينيها فلمحامي لي طلع حاجبو باستغراب وشاف فيها💧
لمحامي:مافهمتش الالة شكتقصدي؟
رسيل:(بنبرة هادئة ):كلامي واضح ماكينا حتا جنازة لان لميت اصلا ماكينش
✴هزار وميسون شهقو فاتحين عينيهم ولمحامي جمع حجبانو ✴
لمحامي:كيفاش الالة هاد لكلام را لجتة دسيد كينا فلفريكو وحيت مايمكنلكمش تعرفو على لجتة لانها كاملة محروقة عملولها تحاليل وخرجات نتيجة كطابق عينات سي نيار هاك يمكنلك تأكدي بنفسك
(مدلا واحد لملف )
رسيل:(قلبا كيضرب ف90 مدات يدا بصعوبة وشدات من عندو ديك لملف فتحاتو وبدات كتقرا فيه ولون كيتغير فوجها تحاليل مطابقة ماكينا حتا شي خطأ رمات ديك لملف فلارض وشافت فيه مخنزرة ):انا ماشي سوقي نيار مامتش وماكينا لا جنازة ولا وفاة من لاحسن تسدو هاد لقضية ولا عتشوفو شي حاجة ماعتعجبكومش
لمحامي:(كيمسح لعرق من جبهتو كيحس بعقلو قريب يتصوطا ):ولكن الآلة هدشي مايكمنش راكلشي واضح ض..(قطعاتو رسيل هازا يدا على شكل صطوب )
رسيل:كنظن كلامي واضح اسي لمحامي نيار عايش وقريب عيرجع يمكنلك تمشي لخدمتك
✴شارتلو بيدا لباب ديك لمحامي عيا مايشوف فلاخر جمع قشاوشو وخرج فحالو هو اكتر واحد عارف لمكانة دهاد ناس لدا هو مامستعدش يخسر خدمتو فحين رسيل شافت فهزار وميسون لي غير كيشوفو فيها مصدومين جلسات انفاص معاهم وقالت بنبرة واتقة✴
رسيل:متأكدة نيار ما ماتش قلبي حايس بيه وقريب عنرجعو لعدنا هادا وعد
💧ماتسناتهومش يجاوبوها وناضت طلعات لبيتها سدات لباب وجلسات فوق نموسية كتفكر احساسها ماعمرو خيبها متأكدة بلي نيار باقي عايش ماحدها هي كتنفس فحتا نيار كيتنفس غير هو لي مخوفها هي كي عتكون حالتو باينة عتكون صعيبة غير بديك رصاصة لي فقلبو هزات يدها وحطاتها على قلبها وداكرتها كديها للحظة لي قالها فيها كنبغيك ماكانتش باغا يعترفو لبعضهم بديك طريقة ولكن تجري لمياه بما لآ تشتهي سفن غمضات عينيها كتألم فصمت ودموعها كيجريو فوق خدها بقات شي ساعة هايداك عاد تنهدات ومسحات دموعها وخرجات من غرفتها طلعات فلاسانسور وماهي الا تواني حتا كانت خرجات عند لي كارد جمعاتهم كاملين وبدات كتأمر فيهم بنفس تخنزيرة دنيار ونفس رعب زارعة فيهم💧
رسيل:كارلوس وليون نبغي نعرف بلاصتهم قبل ماتشرق شمس عيكونو باقين ماخرجو من هنا سدو جميع لمطارات وراقبو جميع لحدود علموني غير ببلاصتهم ماتاديوهمش
لي كارد :حاااضر
💧قلبات دورة ودخلاات لقصر وتوجهات مباشرة لكوزينة خصها ضروري تاكل باش تقدر توقف على رجليها واخا ماعندها خاطر تفتفات واحد شوية ورجعات طلعات لبيتها غادا جايا كتسنى يوصلها شي خبار حتا ضربات تلاتة دليل وهي باقا واقفة حتا تفكرات شي حاجة عاد مشات لكوافوز هزات ورقة وستيلو وكتبات داكشي لي خصها وهزاتا فيدها عاد سمعات دقان فبيتها مشات كتجري فتحات لباب لقات واحد من لي بوديكارد 💧
رسيل:واش لقيتوهم؟
لبوديكارد:وي لالة رسيل كارلوس كينا فدارو هاهو لعنوان ديالو(مدلا واحد لوريقة ) وليون كينا فهاد لاوطيل (مدلا وحدا خرا ) وهما بزوج حاجزين تدكيرات لأول طيارة فصباح مع ل5 لجزيرة كورسيكا
رسيل :(شدات من عندو ديك لوريقات ):اكي يمكنلك تمشي هاك وجد هادو دابا شوية عنجي نديهم(مداتلو واحد لورقة )
لبوديكارد:(شدها من عندها ):حاضر الالة
💧نزل ديك لبوديكارد فحين رسيل شافت فلعنوان وكمشات ديك لورقات فيديها وهضرات مغزفة ضاغطة على سنانها 💧
رسيل:انا عنوريكم كورسيكا ديال بصح عتشوفو لجحيم بعينكم
💧شافت فساعة لقاتا 03:15💧
رسييل :امم يالله نسالي
💧دخلات لدريسينغ جبدات سروال دجلد كحل وقبية كحلة لبساتهم وعملات بروطكان كحل لوات شعرها كعكة وعملاتلو بانضة كحلة لبسات قفازات فلكحل عوالا تكحلا على باباهم طلعات لقب على راسها ونزلات فلاسانسور وتوجهات عند ديك لكارد خدات من عندو بلاستيكة كحلة خشاتا فلكفر وعملات سلاح فخصرا وركبات فسيارة من نوع اودي كحلة وكسيرات مخلية لعجاج وراها💧