💎اللبؤة و الوحش💎( مكتملة )

part89

🌔بارت 89 👑
💧دوزات نهار كامل فطيارة ماوصلات حتا غفرلا ربي دنوب دخلات لاوطيل مهلوكة طلعات نيشان لشومبر لي فلححز ديالها حيدات حوايجها بقات غير بدوبياس وحققات لغيفاي على سبعة دلعشية وضرباتها بنعسة باش فلحفل تكون اون فورم 💧
🔥بقا متكي فوق نموسية وكيتسنا فوقاش يجي لوقت على احر من لجمر خصو غير فوقاش يمشي على امل انه يطلاقا مع شي واحد كيعرفو وعندو واحد الاحساس فلداخل ديالو ماقادرش يوصفو 🔥
💧خسرات ملاميحها بانزعاج من صوت لغيفي لي صدعها مدات يديها ببطء طفاتو ورمات عليها لغطا وناضت لحمام غسلات وجها وخرجات مباشرة لبسات حوايج صلاة وصلات صلاتها حتا سالاات عاد جلسات فوق نموسية وجبدات ديك لغوب شافت فيها عاد لبساتها وتوجهات لمراية طويلة كتشوف فراسها بإعجاب واو قنبلة موقوتة غوب فسومو ديال لمبرة مزيرة من تحت وفيها فتحة طوييلة حتا لركبة ومن لفوق عبارة عن فراشة طايحة على لكمام جاتها طوب مسنترة على طايتها لمنحوتة فحال لحورية وجا مع لون بشرتها الأبيض جبدات لاطروس دلماكياج ديالها وبدات كتماكي عملات فوندوشين مغلوق شوية على لون بشرتها جبدات عويناتها بالايلاينر وزادتهم هايلايتر بانو فحال عينين لقطة خصوصا بلونهم سماوي برزات تقاسيم وجها بلكونتورين وطراسات شفايفها بعكر ماط فسومو جاو منفخين ومتيرين اكتر بديك شامة لي فوق شفتها وضعات بعض لمسات من فاراجو لي برزو حنيكاتها اكتر طلقات شعرها وبوكلاتو من تحت ببابليز وجمعات بعض لخصلات منو فجنب وخلات لباقي نازل على طولو فوق جسمها حتا قرب يوصل لفتحة لاغوب
عملات حالاقات فضيين على شكل كوكايجة وبراسلي ولخاتم ديالهم رشات من عطرها وشافت فانعكاسها في لمرأة سبحان من صورها اية في لجمال كتفتن كل من شافها زوينة لدرجة كبيرة نزلات عينيها كتشوف فنص قلب لي فعنقها بقات لتواني ساهية فيه حتا بتاسمات فلاخر وباستو عاد وقفات لبسات سندالا طالون باج وبوشيط فنفس لون هزات سوارت لوطو ولفون ديالها وزادت عليها فيرور فالابيض وخرجات من لغرفة وطلعات الاسانسور وماهي الا تواني حتا تفتح على طبقة الأخيرة زادت متوجهة لبوابة وجميع لعيون مصوبة جيهتها ماعرفوها واش ملك ولا انسان ماعمرهم شافو شي بنت كضاهي جمالها ركبات فسيارة من نوع اودي بيضة وعفطات على لكسيراتور متجهة لمكان لحفل💧
🔥غير ضربات سبعة ونص ناض نيشان لبلاكار وجبد كوستار بلو وشوميز بيضة لبسهم ومشا حدا لمرايا كيشوف فانعكاسو فلمرايا جا طووب واتاه لبلو وخصوصا شوميز لي مطرطقة على عضلاتو لي زادو تخدمو فهاد شهراين ولفيست حاكمالو دراعو طايتو كتهبل طول فلعرض عدل ساعة فيدو ومشط شعرو مرجعو لور وبعض لخصلات نازلة على عيونو رمادية لي مصوبين بنظرات حادة حجبانو لغلاض لمعقودين شفايفو لحميمرين لحيتو لمطراسية على فكو سفلي لي بارز وعاطياه جادبية خاصة خصوصا بلونو الأسمر لي زاد تبرونزا فهاد لمدة بقوات ماكيجلس فشمس وكيعوم فلبحر حقا وسامتو لا تقاوم وشخصيتو طاغية وهيبتو حاضرة ومسيطرة نزل بخطوات موزونة وخرج نيشاان لبحر ضرب دورة من لفوق وخرج لشارع ركب فطاكسي وعطا لشيفور لعنوان ومشاو 🔥