💎اللبؤة و الوحش💎( مكتملة )

part21

🌔بارت 21👑
🔥ومسافة بعييدة على لقصر شاف فكتفو لي كينزف وزفر بغضب عاد جمع قوتو وبدا كيجري بسرعة كيحاول يوصل قبل مايمشي منو دم واكيد الا وقع دالك عيسخف بقا كيجري يجري ولعرق كيتصبب من جبينو بغزارة حتا بقا كيحس بدوخة وهايداك مقوي راسو باش يوصل بانلو يالله قطع نص طريق وشمس حاارة طنطناتليه راسو عيا مايقاوم وفالاخر نهزمات قواه وطاح فالارض مغمى عليه🔱🔱🔱🔱🔱🔱🔱🔱🔱🔱🔱🔱🔱🔱🔱
💧غمضات عويناتها مستمتعة بهاد لجو حتا كتجي صورتو قدام عيميها بديك لكاريزما وتغوبيشة و الاكتر من دالك عيونو الزمردية الفاتنة جمعات حويجباتها بعصبية ومالها هي كتفكر فيه ؟كانت هادي اخر جملة قالتها بين نفسها قبل مادير لكاسك وتركب فطيماكس ديالها كتسابق مع ريح ضربات دورة كبيرة على لبحر ودخلات على لغابة هادي هي عادتها من ديما كيعجبها تسابق بلمواطر وتسارا بيهم بقات غادا فوسط شجر مستمتعة برياح لقوية وخيوط الشمس الدهبية حتا كتلمح شي رجلين خارجين من تحت شجرة علات حاجبها باستغراب وقربات لموطور حتا وصلات حداه عاد نزلات و تمشات ببطئ وبقات مطلعا عويناتها معاه من سبرديلا لبيضة لسروال رمادي لكتفو لي ولا كامل حمر بدم حتا وصلات لوجهو هنا حسات بضو ضربها عملات يديها على فمها شاهقا حسات بالم رهيب فقلبها وخوف كبير طغا على كيانها بلا ماتحس نزلات لعندو بسرعة كتحرك فيه بخوف 💧
رسيل:هيي واش نتا بخير ؟شنو وقعلك واش كتسمعني ؟
(نزلات ودنيها على صدرو كتسمع واش قلبو كيضرب )
نيار:( كان غايب وفنفس لوقت عارف شنو كيوقع حداه سمع صوت طيماكس قال صافي عيكون شي واحد جا يكمل عليه حتا كيتصدم مني شم ريحتها وسمع صوتها لخايف عمل ابتسامة جانبية ماقدرش يهضر ولا يتململ فحاليلا مشلول حتا حس بيها نزلات على قلبو حس بضو ضربو وقلبو تزادت نبضاتو )
💧رسيل غير سمعات صوت قلبو حمدات الله وحولات توقفو هي كتهزو وهو كيطيح عليها تقيل بزااف وزيد دابا مني مغيب يالله وقفاتو شوية حتا كيطيح عوتاني وكيجي نااعس على وجهو فحضنها تارتها ديك شرارة لي كتبان موشومة فرقبتو بقات كتحاول تفكر فين شافتها حتا فتحات عينيها بصدمة يعني هو نفسو لي نقدها داك نهار فلمقبرة كانت حاسا بهاد شي مافيقها من صدمتها غير صوتو ضعيف لي بزز باش كيخرج لحروف 💧
نيار:ل لم اا(لماء )
♨رسيل بزز بااش فهمات شنو قال حطاتليه راسو بشوية مع واحد شجرة ومشات بسرعة لموطور جبدات قرعة دلما ورجعاتليه راسو لحضنها وبدات كتشربو غير بشوية وهو مسمتع بقربها ويديها لي كيلمسو وجهو علات يديها واداتلو جبهتو لقاتو طايب ولعرق ناازل منو فحال شتا شافت فكتفو بانلها كينزف بزااف فتحات تجاكيط وقطعات لميني لي لابسا وسداتها عااد عقداتليه ديك شرويطة بلاصة لجرح باش يوقف نزيف وعلات راسها لسما بانتلها شمس مجهدة بزااف وهو بلا والو سخون وعرقان حيدات لكاسكيط من علا راسها وعدلاتاليه على راسو بعد مارجعاتليه شعرو لور وزيراتالو مزياان باش ماطيحليهش دورات راسها فلمكان كيبالها غير لخلة ولقايفر ريحت بنادم ماكيناش رجعات شافت فطيماكس وقالت بعصبية ♨
رسيل:تفووو حتا طموبيل ماجبتهاش كي ندير دابا افف ولكن ضروري مانخرجو من هنا ماعنستسلمش
نيار:(كان فاتح عينيه غير نص حلة بزز باش مستوعب هدشي لي كيوقع ليه حتا عمل اابتسامة جانبية مني سمع كلامها وقال بصوت خافت بزز باش كينطق )
نيار:ا الل ب ؤ ة(اللبؤة )
رسيل:(شافت فيه )خصك تمشي لسبيطار ضروري
نيار:ل لاا
رسيل:كيفاش لا واش بغيتي تموت
نيار:(فكر الا مشا لسبيطار يقدرو يقتلوه تماك حرك راسو بنفي وقال ):ديني لدداري
رسيل:وفين جات دارك باش عنعرفها انا
نيار:(بزز باش كيخرج لحروف من فمو ):ممشي ننيشان ب 90 كلم ودوري علا ليمن كينا دار وحدة هي هاديك
رسيل :اكي يالله حاول تعاوني
♨بقات كتعافر معاه حتا وقفات طلقاتليه يديه بزوج على كتافها وحوطاتو بيديها فظهرو كتحاول ماتعقروش حتا وصلات لطيماكس بقات كتفكر كي دير تركبو وهو مرة سخفان فلاخر جلساتو لقدام وبقات شادا فيه لايطيح وعاد جلسات وراه وتلصقات معاه وحوطات رجليها بزوج على خصرو مزيرة عليه بقوة باش مايطيحش هزاتليه رجليه من الارض وعدلاتهملو فلموطور طلات عليه بانلها مرة مرخي حطاتليه راسو على صدرها وكسيرات بسرعة غادا فطريق لي قالها♨
🔥بقا متكي عليها حاشي نيفو فشعرها مستمتع بريحتا حتا شافا وقفات عرفها كتفكر كيفاش دير تركبو هو براسو بقا كيفكر حتا تصدم مني دارتليه ديك لجلسة وحوطاتو برجليها ونعساتو على صدرها حس بقلبو كيضرب ف90 احساس غريب راودو بقربها ماحس براسو حتا بقا كيستنشق فعطرها و غفى بقوات تعب وسخانة بقات غادا ومركزة مع طريق لاتفوت شي دار حتا كتوقف مقابلة مع لقصر بقات مصدومة شكات لوهلة انها تكون غالطة ولكن هو قالها كينا غير دار وحدة فلمنطقة حاشة واش يكون هدا دار لقصر وقليلة فحقو واو كيحمق كان عبارة على تلاتة دلقصورة ملصقين وكامل دهبي وبواحد ديكور كيهبل ماتوقعتش يكون غني لهاد درجة فهادا فات لمليالدير يالله وقفات فلبوابة لكبيررة وهما يوقفو عليها زوج بوديكارد بسلاح فوق راسا غير شافتوم شهقات اول مرة تشوف هازين سلاح فيديهم ومصوبينهم مباشرة لرسيل بقات غير مصدومة فيهم اول مرة تشوف سلاح مباشرة ومصوب لجيهتها من لفوق حاولاتت تقوي راسها وشافت فيهم بتخنزيرة💧 رسيل:هييي نزلو سلاحكم انا جيت مع هاد سيد 💧شيراتلهم بصبعها لنيار لي مغيب على صدرها طلعاتليه وجهو بشوية ولي كارد غير شافوه فحاليلا كبو عليهم سطل دلما بارد مشاو كيجريو لجيهتو وجاو 5 دلي كارد اخرين هزوه ودخلوه لداخل خلاو رسيل غير مصدومة كيفاش تجمعو عليه لي كارد كاملين فحال دبان حتا شافتهم دخلوه عاد قلبات دورة ويالله جات تكسيري وهو يوقفلها واحد لكارد فطريق شافت فيه مطلعة حاجبها💧 رسيل:ياك لباس كاين مانقضيو  ----:مايمكلكش تخرجي الالة  رسيل:شنو شنو عاود شقولتي شكون نتا بسلامة  -----:كيف ما سمعتي الالة مانقدرو نديرو والو قبل مايفيق سي لمونستر ويعطينا لاوامر  رسيل:(بقات مستغربة من هاد لمونستر عوتاني ):وأنا ماشي سوقي سمعتي ماعنتسناش حتا يفيق سيدك حيتاش عندي شغالي ----:عفاك الالة بلا ماتجبدي لينا صداع هادو هما لقوانين  لي دخل لهاد لقصر ماكيعاودش يخرج منو الا بادن موسيو لمونستر عفاك دخلي لداخل بلا مانضطرو نستعملو معاك لقوة (شدلها فكتافها باش يداخلها ماحس غير ببونية لعينو خلاتو مصدوم ) رسيل:حيد يديك الحيوان كنعرف طريق يخ  💧دفعاتو بيديها و توجهات لداخل وشحال ماكتقرب شحال ماكتزيد تصدم من هاد لقصر لملكي جردة قد سخط يجريو فيها لخيولة كاملة مقادة بلورد وشجر كأنها غابة وفيها تلاتة دلابيسينات بقات داخلا وكتمنظر غير دخلات لداخل كملات صدمتها لقصر من لداخل كامل باتات دهبي وفخم وتريات من لكريسطال مهم كتهبل شي حاجة خيالية حتا بانتلها واحد لخدامة جايا لجيهتها بزي لخدم 💧 لخدامة:لالة واش تشربي شي حاجة رسيل:لا شكرا  💧بتاسماتلها ومشات لكوزينة فحين رسيل جلسات فواحد لفوطوي وجبدات لفون ديالها لقات بزاااف ديال الاتصالات من عند باباها ومن عند لبوديكارد دوزات اول اتصال 💧 ابراهيم :بنتي رسيل شوشتيني عليك علاش ماجوبتينيش من صباح وانا كنصوني عليك رسيل:ماتخافش عليا ابابا انا بخير واش مشيتو لفيلا ابراهيم :اه اابنتي جا مورانا واحد رااجل وصلنا حتا لدار وختك لياان فرحات بززااف رسيل:هه مزيان ابابا مهم را لخدامة دابا شوية وتجي لعندكوم راه كلشي تما واي حاجة حتاجتوها قولوها غير لي كارد لي كينين فلباب لوراني صافي ابابا ابراهيم:وااخا ابنتي الله يرضى عليك وشنو درتي فديك لقضية رسيل:غير كون هاني ابابا كلشي هو هاداك وحتا وراق طلاق راهم خرجو مهم تهلاو فراسكم ماتشوش عليا الا تعطلت ولا ماجوبتكش غير مشغولة شوية ابراهيم :واخا ابنتي سير الله يعونك  رسيل:آميين ابابا بسلاامة بوسليا ليان (قطعات عليه لخط ودوزات اتصال لكارد ) رسيل:واش باقين تما  ---:اه الالة مني ماجوبتينيش خليتهم كنتسناك رسيل:اكي وتهليتي فيهم بعدا ----:كوني هانيا الالة تهليت فيهم بزايد رسيل:مزيان انا عنصوني ابيل فيديو عطيني نرحب بضيوفي ----:هه اكي الالة 💧صونات عليه ابيل فيديو وغير تفتح لخط بانوليها مربوطين فلكراسا و ملامحهم مابقاوش كيبانو بفعل ضرابي ودمايات غير شافوها حسو بضو ضربهم💧 رسيل:هههه سلاام مرات بابا صافا  مليكة:لفعة نتي هي مور هدشي  رسيل:هه كتبانيلي باقي ماتعلمتيش من هاد ضيافا ولكن ماشي مشكيل نزيدوك شوية ديال ساعات الإضافية مليكة :لااا رتعلمت كنترجاك ابنتي لما طلقتيني ماعمر ساحتك نعاود نطوف بيها رسيل:تؤ تؤ تؤ ماشي غير ساحتي انما ساحتنا كاملين يعني ساحت عائلتي وطلاقك عندك اكي امليكة مليكة:كوني هانيا ابنتي والله ماندور بيكم غير طلقوني رسيل:تؤ تؤ حشومة امليكة دغيا سخيتي بضياافتي الا كنتي نتي سخيتي فأنا باقي ماسخيت حيتاش كيعجبني نكرم ضيافي خصوصا الا كانو فحالكم ههه مليكة:هئ هئ ابنتي الله يرحم يماك لي تحت تراب لا ماطلقونا هئ هى رسيل:هييي ماتجبدش ماما علا فمك لخانز االحمارة ودابا نوبة سي مراد كشش مراد صافا كي جااتك ضيافتي تهليت فيك ياك مراد:ختي رسيل كنترجاك الا ماخليني نمشي فحالي كلشي منهم هما انا مادنبي والو رسيل:هههههه من نيتك اراس لحربة نعلتو الله وعليك ولكن كون هاني عندمكم على نهار لي فكرتو فيه تبعدوني على عائلتي  مراد:هئ ختي رسيل الله يحفظك راه تعدبنا بما فيه لكفاية براكة  (قطعات عليهم لخط وبتاسمات واخيرا هادا مسمار وطرقاتو دابا عاد تهنات عودات صونات ولكن ابيل عادي ) رسيل :واش سنات لوراق  ----:اه الالة ورا صردتهم لي كارد لي فلفيلا