💎اللبؤة و الوحش💎( مكتملة )

part109

🌔بارت 109 👑
💎نزلو فطابي غوج لي مطلوقة على طول دروج واصلة حتا لجردة دخلو مع لباب زجاجية باش يخرجو على جنة فوق لأرض حقا شكل تنطيم ولاديكوراسيون كتحمق بقات رسيل غير مشلوطة خصوصا من لكم لهائل ديال لحضور وهدشي غير قالو ماعيكونوش بزااف ياحسرة ولكن هادا هو حال ناس لمشهورين دورات عينيها باعجاب على الأرجاء كانو قرابة 100 طابل مفرقين فجردة عليهم ناب فلفضي ودايرة عليهم سينتة فدوغي وكيتوسطهم فاز انيق مملوء بالازهار وكل طالب واقفين فيها تلاتة او اربعة دناس وغير من لباسهم ولهدوء لي كيتكلمو بيه باينين انهم كينتميو لطبقة لبروجوازية واضواء منيرة بالوان مختلفة دايرين على شجر لي مقصص على شكل قلب وانفاص مع لابيسبن كينا طبلة مستطيلية شكلها زوين كلها فلاحمر ومرشوشة بلورد فيها زوج كراسا كبار فذهبي ديال لعرسان وواحد ديال لعدول وزوج دشهود وعلى جنبها كينا بوفي طويل عامر بما اشهى و الذ المؤكولات من مملحات ودي طارط صغار والحلويات....إلخ وفي لجهة لمقابلة كينا طبلة دائرية زجاجية فلفضي وعليها طارط متكونة من ستة ديال طبقات بكريم فغيش ومزينة بلفواكه وطبقة لاخرة فيها صورة لي خداو لبارح فلخطوبة كان نيار شايد فخصر رسيل وهي حاطا يديها على صدرو وكيشوفو فبعضهم وعلى جنبها كينا منصة كبييرة عليها لموسيقيين كيعزفو موسيقى بلحن هادئ وجميل وسيرفورات كيدورو على لحضور بلمشروبات لابسين لباس موحد سروال اسود وشميز بيضة بقات كدور فعينيها بابتسامة عاد خرجو من لباب ولحضور مجرد ماشافو لعروسة خرجات فتحو عينيهم باعجاب ديما كيشوفوها فمواقع تواصل ولكن ماعمرهم شافوها فلواقع جمالها لا يضاهي خصوصا بلاغوب بلونش جات فحال شي حورية شي حاسد نيار عليها وشي حاسد رسيل عليه فيكسات عينيها لوهلة فتمتال رجولة لي واقف انفااص معاها لابس كوستار اسود بشوميز بيضة مطرطقة على عضلاتو وكرافاطة فلااسود وصباط كيلمع منقص من لحيتو لكتيفة ومرجع شعرو على جنب الامر لي بينو مختالف وعطاه مظهر أنيق اكتر واضع ساعة سوداء فيدو ليسرية لي مزينة بخاتم لماغياج جامع حجبانو شوية واخا كيبغي يسرحهم ماكيقدرش ضروري مايبقاو مجموعين شوية شي لي كيزيدو كاريزما خاصة خصوصا بفكو سفلي لي بارز وعينيه زمرديتين لي مصوبين لجيهتا بنظرات كلها اعجاب وصدمة وغيرة وتملك وحب بزااف دالاحاسيس لي ماقادرش يقولهم ولكن عينيه قادرين يوصلوهم لها لسانو عاجز عن لوصف لما لا وهو كيشوف ملاك بهيئة بشر زاد كيتمشا عندها بخطوات موزونة خاشي يديه ليمنية فجيبو حتا وصل لعندها وسلم على سي ابراهيم عاد عطاه رسيل لي جرها من خصرها ولصق جبهتو مع جبهتا ولبنات واقفين قدامهم وبيلسان وليان كيصفقو وسي ابراهيم غير كيدور فراسو مامولفش بهاد شي عكس نيار لي مقزدر ماكيحشم من حتا واحد ماعندوش مشكل دابا يبوسها فوسط لجماهير لي شادين تيليفوناتهم وكيصورو فيهم وعدسات لكاميرة دايرة بيهم ورسيل غير كتشوف فيه بابتسامة وضعات يديها على قلبو فحين نيار غير مسكر فعيونها لكريستاليتين هضر يصوت خافت وببحتو لمعتادة وانفاسو سخونة كضرب فوجها حتا تبورشات لحمها💎
نيار :واش باغة تهبليني انا من نهار شفتك وانا تالف فبلا ماتزيدي تكملي عليا دابا ماعمري فحياتي شفت ولا عنشوف شي وحدة كضاهي جمالك ولو يتجمعو بنات لكون كلهم مايوصلوش حتا لصبعك صغير شنو درتي فيا وشناهو سحر لي مارستي عليا حتا خلاني غير كنهترف بسميتك والا ماشفتكش مايدوزليش نهاري والا ماوسدتيش صدري مايطيبش نعاسي كنبغيك ابنت ناس وكنحماق عليك
💎باس جبهتا مطول ورسيل غير مصدومة وقلبها كيعزف سمفونية من كلامو من ايمتا كان نيار كيفهم يعبر عن احساسو وشعورو مامتيقاش بلي عاد دابا كان كيعبر لها عن مدى حبو واعجابو ليها ابتسامة واسعة ضهرات على ثغرها حتا برزات غمازتها طلعات عينيها فيها وبدات كتهضر بكل حب وهو دايب فيها