💎اللبؤة و الوحش💎( مكتملة )

part82

🌔بارت 82👑
🌞أصبحنا واصبح لملك لله🌞
💧فتحات عينيها مباشرة مع جملة *الصلاة خير من نوم * شهقات وجلسات فوق نموسية كترجف وكتحس بوخزات خاايبين فقلبها كأن هاد لجملة فحال شي صفعة رداتا لواقع وفكراتا فصلاتا لي هملاتا وربها لي شحال ماطلاقات معاه وتحدتات معاه وشكات عليه همها وطلباتو ينور طريقها ماحسات بدموعها غير مسرسبين على خدها كيفاش نسات صلاتها وهي عمرها فحياتها قطعاتها؟ بصح ماكتلقاش لوقت حتا باش تحك راسها ولكن هادا ماشي عدر لي يخليها تقرب من ربها كيفاش نسات بلي ماعمرها طفرو فحياتها الا مارضاتش الله سبحانه وتعالى ؟ كيفاش بغاات الله يلاقيها بحب قلبها وهي ماتلافاتش مع لي خلقها؟ واش لهاد درجة حبها لنيار عماها حتا ماخلاهاش تفكر فاعمالها وتراجع نفسها؟ وشحاال من معصية دارت فهاد لمدة كيفاش قدرات تستاهن بلي خلقها حتا لهاد درجة كيفاش هي لي ماكانش يدوز عليها نهار الا ماصلاتش صلاتها ودابا ولات غير تجي من سفر تنعس وتفيق عوتاني نيشان تمشي لطيارة رمات عليها لغطا وناضت للبالكون وضمات يديها لعندها وعلات راسها كتشوف فسما وعينيها كيبريو بدموع 💧
رسيل:سماحلي ياربي هئ هئ عفاك سماحلي بزااف هئ هئ عارفة راسي قصرت من جيهتك فهاد لمدة هئ هئ وتشغلت بهمي هئ ونسيت بلي نتا لي معاوني هئ هئ عفاك ياربي غفرلي دنوبي هئ ياك نتا غفور رحيم هئ غفر لعبدك ضعيف لي هو دابا فأمس لحاجة إليك هئ هي ياربي لحبيب رجعلي نيار هئ وحميه فين ماكان ياربي هئ هئ وجعلو من نصيبي فأنت على كل شيء قدير هئ
💧حسات براسا رتاحت من خوات قلبها على الله سبحانه وتعالى ولكن عترتاح اكتر مني تمشي تهضر معاه مباشرة دخلات لحمام خدات دوش رخات بيه عظامها وخرجات لدريسينغ لبسات دوبيااس بويض وعباية ديال صلاة بلحجاب ديالا وشحاال جات كتحمق بيه كأنها ملك طاهر وكم هم أغبياء الذين يقولون الحجاب ينقص من جمال المرأة بلى فهو يزيدها جمال وبراءة ولاكتر من دالك أخلاق ونورا خاص يشع من وجهها طلقات سجدتا جيهت لقبلة وبدات كتصلي بكل خشوع وتمعن كانت ديما كتفيق فهاد لوقت وتصلي لفجر ولكن للأسف ألهتها دنيا عن أهم شيء في حياتها سالات صلاتها وقرات اية لكرسي وبعض لادعية وهزات كفوفها لسما كدعي ربها بلمغفرة وتوبة وأنه يحققلها مافقلبها ويفرجا عليها ويحمي حبابها ويرجع لها نيار فاقرب وقت وباحسن حال جمعات سجدتا وزولات لعباية ولبسات سروال توب فلقهوي وميني بوط فلباج مع فيست قهوي وصباط طالون باج طلقات شعرها بلبلاك وجمعاتو كوك شوفال رشات من عطرا وكتافات بكلوز خفيف بنكهة لفواكه جمعات بيتها وعملات لفون ديالها فبوشيط أسود انيق وضعات نظراتها شمسية و نزلات تحت دخلات مباشرة لكوزينة وجدات قهوتا فحال لعادة وبدات كتفطر حتا سالات وجمعات لكوزينة وخلات ورقة فوق طبلة كتعلم هزار وميسون بلي عندها اجتماع عتجي حتا ل12 عاد خرجات من لقصر وهاد لمرة ماشي فلوطو نوو على رجلا لان باقي صباح بكري وزيد لجو مزيون بقات كتمشى جنب لبحر حتا واحد ماكيدور من غير ناس قلال متوجهين لعمل ديالهم وبعض منهم كيعمل سبور توجهات مباشرة لواحد سور عالي وجلسات فيه كتشوف فلبحر وداكرتها كديها لاحسن دكراياتها مع نيار مني كانو فاعماق لبحار هزات تيليفون ودخلات لالبوم صور وبدات كتفرج فتصاور لي كانت صوراتهم من عند نيار حتا وصلات لديك تصويرة لي كانو بزوج ضاحكين ولاسماك دايرين بيهم بتاسمات بحب وكبرات صورة كتحقق فنيار بعينين كيلمعو وشحاال توحشات عيونو زمردية ولتغوبيشنو ولبحة صوتو ولفورمتو وشغبو وضحتكو كلشي فيه توحشاتو ما حسات غير بدمعة سخوونة نازلة على خدها كتعبر عن مدى شوقها وحنينها ومباشرة بداو دموعها كيتسرسبو كأنهم عطيتيهم الانطلاقة 💧
💧هزات يديها ببطء وحطاتها على قلبها وغمضات عينيها وبدات كتخرج لحروف من اعماق قلبها بصوت مجروح كيبكي💧
🎄لا يمكنني ايقاف قلبي عن الاشتياق إليك 🎄
🎄ولا يمكنني منع قلبي من حبه إليك 🎄
🎄ولا يمكنني ردع قلمي عن كتابة حروف اسمك🎄
🎄فاعلم انه لو فرقنا لقدر 🎄
🎄ولو لم يكن بوسعي ان ابقيك بجانبي 🎄
🎄فستبقى بقلبي❤ إلى الأبد 🎄
💧مجرد ماسالات كلماتها بدات كتشهق بالم كبيير فقلبها حتا كتحس بشي يدين كيمسحو فدموعها دارت ببطء كتلقا بنت صغيرة يكون عندها ديك 5 سنين وجها كلو مسخ وحوايجها كدالك و مقطعين وجسمها هزيل هازا فيديداتها صغار باكية دكلينيكس وجابدة وحدة ومداها لرسيل 💧
🎡الحوار بالانجليزية🎡
--- :ماتبكيش اخالتو هاك مسحي دموعك
رسيل:(بتاسمات بحنية وشدات من عندها ديك كلينيكس ):شكرا احبيبة
💧جبدات لفلوس من ساكها ومداتملها فحين لبنت حركات راسها ببنفي ودفعاتلها يديها ببطء💧
رسيل:(مطلعة حاجبها باستغراب ):ءء خودي هاد لفلوس ديال كلينيكس شري بيهم شي حاجة
---:لاء اخالتو نتي عطيتوليك كادو بلا ماتخلصيني
💧رسيل غير كتشوف فيها لبنت باقا صغيرة بزااف وهي كتبيع كلينيكس فشارع وبهاد لحالة وفهاد لوقت لمبكر بتاسماتلا وطبطبات فسور حداها 💧
رسيل:واش ممكن تجلسي معايا شوية ؟؟ انا غير بوحدي واخا تونسيني الغزالة؟
💧ديك لبنت فتحات عينيها بفرحة ماعمر شي واحد قالها جلسي قدامي بلعكس غير كيشوفوها فهاد لحالة كيهربو منها وشحال من واحد ضربها حركات راسها بزربة وجلسات حداها فحين رسيل قرات كلشي فعيونها بتاسمات بحزن لحالتها ودورات دراعها عليها💧
رسيل:قوليلي شكادير فنيونة فحالك فزنقة وفهاد لوقت وكتبيع كلينيكس نتنا خصكي تكوني دابا كتستعدي باش تفيقي وتمشي لمدرسة
---:(نزلات راسها بحزن ):لا اخالتو انا ماكنقراش