💎اللبؤة و الوحش💎( مكتملة )

part51

🌔بارت 51👑
ميسون:(كتشوف فيها بابتسامة ):ما شاء الله الله يحفظك ابنتي من لعين فصراحة انا خايفة عليك من عين بنادم راها خايبة ونتنا غزالة ماشاء الله ابنتي ولعين علينا حق رد بالك
رسيل:ههه ربي يخليك اخالتي ماعندي مناش نخاف لان الله حميني
ميسون:عندك لحق ابنتي
هزار:احم احم وانا اماما ماخايفاش عليا من لعين
ميسون:وعلاش عنخاف عليك ونتنا دايرة كي سفود ماتشوف فيك لاحاملة لا شادة فحبل
هزار:هئ هئ ياااك اماما هادي هي ديالك وعقلي فيها هئ هئ ظلم هدا
ميسون:(عنقاتا عندا بجنب كضحك ):هههه وشكون عندي من غير الحمقة ديالي هاد لجمال ورزانة كاملة ومانخافشي عليك هههههه
هزار:(معنقاها ):ههه واخا عليك اماما غير طنزي مع راسك
💧رسيل غير كتشوف فيهم بابتسامة وعينو دمعو ماكرهتش حتا هي تكون معاها ماماها فجنبا وتخاف عليها بهاد طريقة وتضحك معاها وتقولا حضي راسك حتا دارت ميسون شافت فيها لقاتا ساهية فيهم عرفاتا فاش كتفكر وحسات بيها جراتا لعندا معنقاها وكدوزلا يدا على شعرا ورسيل غير مغمضة عينا ومستمتعة كتحس براسا فحاليلا حقا ناعسة فحضن ماماها حتا سمعاتا بدات كتهضر بصوت خافت وحنين💧
ميسون:انا ابنتي ربي رزقني بوليد وبنيتة ودابا زادني بنت اخرى وهي نتنا ابنتي رسيل كنحسبك كتار من بنتي ربي لي عالم بمعزتك عندي برغم من انك يالله جيتي لعدنا مدة قصيرة هادي ولكن داغيا عملتي بلاصتك بيناتنا بطيبوبتك وبرائتك ديما كنتمنا تكون عندي بنت ضحوكية ومفروحة باش دخل لبهجة وسرور على دارنا ووحدة خرا مرزنة ومتبتة باش مني تغلط ختاها تصلحلا خطأها ومني تحتاج اخت فجنبا تلقاها برغم من اني كنلعب دور لام ولاخت وصديقة ولكن ديما لاخت كتكون بلاصتا خااصة وحتا حد مايقدر يعوضا ونهار لي شوفتك فيه عرفت بلي ربي حققلي امنيتي واخا نتنا ماشي من لحمي ودمي ولكن هدشي ماكيشكلش فرق ابدا لان عمر الاخوة والامومة كانت عبارة عن فاصلة دم فقط لااا لامومة هي تحس براسك عندك صدر حنين كيتسناك فوقاش دخلي من زنقة حيتاش تعطلتي الامومة هي تحسي ان عندك سند حامي فجنبك ماعيخلي حتا حد ياديك الامومة هي تعرفي بلي عندك ام كتبغيك وكتخاف عليك وتفديك بروحا على قبل سعادتك والامومة هي تكون عارفة انك فوقاش ماعتغلطي عتبقا ماماك فجنبك عتوريك صح وترشدك لطريق صحيحة اما الاخوة هي.....(قاطعاتا هزار لي تاترت بكلام ماماها ودموعا هوادين شلال من عيونا )
هزار:اما الاخوة هي تحس بلي عندك شخص عيغطي عليك مني ديري شي زبلة الاخوة هي تلقا معامن تخرج وضحك والأخوة هي تلقا شخص يفرح لفرحك ويبكي لقرحك ويشارك معاك فلحلوة ولمرة والأخوة هي يكون عندك صندوق أسرارك فين ما تبغي تخوي قلبك تحط راسك على كتفو وتبدا تعودلو هادي هي الاخوة دبصح انا عندي خويا ومعمرو خلاني مخصوصة من شي حاجة ديما فجنبي فكل خطوة ولكن انا خويا نيار ما كنشوفش فيه اخ نووو كنشوف فيه بابا لي معمري شفت وجهو ولا نعست فحضنو(صوتا تغنغن بلبكا بزز باش كتهضر )ديما كنسمع صحاباتي كيهضرو على باباهم ويوصفوه ولكن انا ماعمري شوفتو ولا عشت معاه شي لحظة هئ ولكن لحمد الله ديما كنقولوم بابا هو خويا كينا لي كيفهمني وكينا لي كيقول هادي غير حمقة كيفاش باباك هو خوك ولكن لحمد الله لي ربي صيفطك لينا ملأتي واحد لفراغ كبيير كان فقلوبنا
رسيل:(غير كتسمعلوم وكتبكي دموع هوادين فحال لحجر من عينا كتحمد الله صباح وعشية لي عطاها ام تانية واخت تالتة هادي بحد داتا نعمة كبييرة من عندو ماحسات براسا حتا وقفات وعنقاتوم عندا بزوج بقوة و كتشهق مابقاتش قادرة تصطنع اقوى اكتر صافي وصلات بيها لعظم حقا كانت محتاجة تسمع هاد لكلام عطاها لادوز كبيرة من لقوة ولامل وحتا ميسون وهزار بادلوها لعناق كيبيكو حتا هما معاها وعينين من بعيد مراقبينهم بابتسامة فرح بزااف من هاد لحب لي كيكنو لبعضوم كيبانو عائلة متالية لان واحد كيكمل لآخر اما هما بقاو معانقين كيبكيو حتا رتاحو مزياان وخواو قلبوم عاد فصلو لعناق كيمسحو عينوم جاب الله رسيل وهزار دايرين مايكاب مضاد للما اما كون ولاو فحال لوحات لفنية 💧
💧طلعات راسا كتشمر بنيفا لي ولا حمار وعيونا ولاو فالازرق غامق لأنها من الأشخاص لي كيتبدلولوم ألوان عيونوم على حسب حالتوم نفسية ورسيل مني كتبكي كيوليو عيونا فلازرق غااامق غير ضربات فيها ريحتو دارت لعندو بانلا واقف فلباب مربع يدو لعندو وعاقد حجبانو لابس سروال تجينز وتيشرط نواغ مطرطقة على عضلاتو خصوصا بديك جمعا لي داير لدرعانو مع تجاكيط كوير وسبرديلة فلقهوي مزين يدو بساعة فضية ضخمة وشعرو لاسود مرجعو لور ولحيتو لكتيفة مرتبة على دقنو حقا وسامتو طاغية غير شافتو كيشوف فيهم دارت بزربة كتمسح دموعا مارضاتش يشوفا فاضعف حالاتا وكتبكي فحين نيار عمل إبتسامة جانبية وبدا كيطلع وينزل فيها قنبلة متفجرة جسم يفلح بلانوتة جاتا ديك لبسة طووب خصوصا مع ديك لاطاي لي عندا كل نهار كيزيد يغرق فيها اكتر من الاول لما لا وهي اجمل فتاة شافت عينو لاطاي لحوتة وجمال لقمر وبراءة الاطفال وشراسة اللبؤات واش كينا شي بنت فلكون بهاد لموصفات ؟طبعا لا فكينا غير فلبؤتو فقط ماكرهش يحشيها فشي بواطة مايشوفة حتا حد من غيرو ضغط على يدو بعصبية على هاد الافكار ومشا لجيهتوم باس ختو من خدا وماماه من جبهتا ومشا جلس فسفرة الاكل كيتساناهم ينوضو ودكشي و كان غير شافوه جلس ناضو تبعوه وجلسو بنفس ترتيب ديال ديما كاملين بيهم عينوم منفخين بلبكا ونيار مرة مرة يخطف شوفة فرسيل كتبان سو كيوت بديك لحنيكات لمزنكين ونيف لحمر خصوصا عيونا لي ولاو خطيرين اكتر من الاول فجميع حالاتا كتفتن حتا سالاو فطوروم على خاطروم عاد وقف نيار ودعوم وخرج ركب فسيارتو متجه لشركة فحين رسيل وهزار وميسون خرجو لجردة كيدورو فيها وكيضحكو داغيا قلباتلوم هزار لمود بهضرتا ضحوكية حتا قاطعوم صوت تيلي لي كيصوني💧
هزار:(كتشوف فتيليفونا ):ءءء تسناو واحد دقيقة نجاوب فلفون ونرجع لعندكوم