💎اللبؤة و الوحش💎( مكتملة )

part80

🌔بارت 80👑
نيار :(بعصبية ):جمعييي قشاااوشكك وخرججيي قودييي علياااا قبلللل ماانجيي نقسسسم ديييلمكك فحالل ديكك بلااطو
رنا:(بتلعتم ):ا انا اسيدي حيت ندير غير خدمتي
🔥غزز شفايفو بفقصة وهز لمعلقة من طبسيل ورماها عليها حتا جات لاصقة فشعرها مشبرا ريزو🔥
نيار:خدمتتتكك هيي تروضي رجلييي ماشي ترتروضي عينيككك سيرييي تززوملليي فتييسااع سلععة لمجبببدة تفوو
🔥رنا ما حسات براسا حتا بدات كتجمع فقشاوشا وغير سالات خرجات كتجري ماعوداتش شافت موراها واكيرا وسوغو غير متبعينها بعينيهم مصدومين لبنت دخلات نورمال رجعات خارجة بمعلقة لاصقة فراسا وكتجري حتا سروالا قريب تخليه وراها دخلو نيشان عند نياار لقاوه كيسوط فحال تور بقاو غير كيسرطو فريقهم مامولفينش بهاد نوع من ناس ديما لكالم ولطافة جا نيار قلبلهم لمود🔥
أكيرا :ماعرفتش مال لمروضة خرجات بهاد طريقة
سوغو:اه ولكن ماشي مشكل انا عنعيط لشي مروض اخر
نيار:(مخنزر):ماتعيط لا على مروض ولا خرا انا قاد براسي
أكيرا :ءءء ورجلك خصهم ضروري ترويض
نيار:انا عنتكلف بيهم غير خرجو
🔥أكيرا شافت فسوغو باستغراب وخرجو فحين نيار بقا كيشوف فرجلو عاد بدا كيحرك فيهم ببطء كيجمع صباعو وكيعاود يطلقهم جر رجليه بشوية وحطهم فالارض وبدا كيحاول يوقف معكز فلحيط بقا كيعاود هاد لمحاولة كيطيح وكيعاود يوقف عوتاني مغزف حالف حتا ليوم يرجع يتمشى على رجليه دوز ساعيتن كيعكز فلحيط حتا ولا كيقدر يجر فرجليه بلا ما يشد فشي حاجة دازت ساعة اخرى ولا كيقدر يتمشى بطلاقة اكتر من لأول وكيدور فلبيت ولكن ماكيقدرش يزيد بزربة او يجري حدو يعمل خطوات موزونة🔥
🌞اصبحنا وأصبح لملك لله🌞
💧خسرات ملاميحها من صوت لغيفي لي زعجها وخسر نعاسها مدات يديها ببطء وطفاتو ويالله جات ترجع تنعس وهي تفكر نيار ناضت طافجة ورمات عليها لغطا ودخلات نيشان لحمام برغم من انها ماشابعاش نعاس ولكن غير كتفكر بلي ممكن تلقا نيار ليوم كتولد عندها اينرجي كبييرة من لحماس وبصيص من لامل 💧
💧قضات حاجتا و بروصات سنانها و وجها وخرجات جبدات فاليز صغيرة كتخليها ديما فطيارة باش ماتبقاش كل نهار كتجمع فحوايجها لبسات كسوة كحلة دصوف مزيرة على طايتها حد ركبة على شكل اكس من صدر وزادت تجاكيط فلقهوي مع ليبوط طالون طويل فلقهوي جمعات شعرها كعكة مهملة مخليا بعض لخصلات نازلة على عيونها كتافات بوضع نظرات شمسية فلكوتشي وبوشيط اسود أنيق جمعات لغرفة برغم من انها فاوطيل ولكن ماكتحملش شي واحد يجمع موراها هزات سورات لوطو ونزلات لباتيسري خدات طبلة معزولة على لبشر وطلبات كريب بشوكولا ولفاني وفنجان كابوتشينو وماهي الا تواني حتا تحطات طلبيتها فوق طبلة بدات كتفطر بهدوء وجميع الأنظار مصوبة جيهتها حتا سالات على خاطرها عاد خلصات وخرجات ركبات فلوطو وزادت مكسيرية باش تكمل لبحت ديالها على سارق لي سرق قلبها واختفى💧
🔥فتح عينو طافج يديه كيرجفو ولعرق كيتصبب بغزارة من جبينو وصدرو كيطلع وكينزلو وقلبو كيضرب بعنف مد يدو لكاس لما لي فوق لكوافوز ونزل عليه نزلة وحدة عاد رجعو لبلاصتو وفيكسا نظرو فنقطة وحدة كينهج وداكرتو داتو للحلم لي راودو فنومو لي كان عبارة عن صور متقطعة لبنت شقراء ماكيبان منها غير شعرها طوييل الذهبي وعيونها لكريستالية ولقطات اخرى فيهم هو كيضحك معاها ومرة كيفلورطي معاها ولكن صور ماواضحينش فحال شي تشاش برمادي حط يديه على راسو مزير عليه كيحس بيه عيطرطق بقوة تفكير شكون ديك لبنت لي حلم بيها واش هي كينا فلحقيقة او مجرد خيال عينيه ولاو حومر وعروق جبهتو برزو وصدرو تزير عليه وضع يديه على صدرو جيهت قلبو كأنه كيهدا من نبضاتو لي ماعارفس سبب بب خلاها تبداا تسارع بهاد طريقة كانها فشي سباق كيحس بواحد لحنين وشوق كبييير فقلبو ولغريب انه ماعارفش لمن كيكن هاد شعور شهاد لمتاهة لي ولا فيها مابقا عارف راسو من رجليه غير عايش وصافي ولكن هاد لوضع ماعيستمرش بزااف كانت هادي آخر جملة قالا فنفسو قبل مايرجع يتكا ويغمض عينو ولكن مابغاش يجيه معاس غير كيتقلب من جهة لجهة وكل تفكيرو فلقطات لي شاف ماعرفو واش حلم ولا كوشمار حيد عليه لغطا بنترة ومشا لحمام غسل وجهو وبقا لتواني كيحقق فملاميحو عاد نزل عينو لفاصمة لكبييرة لي فصدرو وبضبط من فوق قلبو هز يدو وحطها عليه كيدوز اناميلو ببطء من فوق قلبو سد عينو لتواني كيحاول يتفكر شي حاجة لس قلبو باغيه يعرفها وكيشيرلو ليلا ولكن عقلو رافضها ومامستعدش يتفكرها فتح عينو معصب وفتح روبيني وبدا كيرش لما بارد على وجهو بزااف دلمرات حتا صحصح مزياان عاد دور عينو بشوية كيشوف فديك لوشم لي فظهرو هز حاجبو باستعراب متأكد بلي هاد لوشم عندو شي لغز وهو بنفسو لي عملولو ولكن للاسف نسا داكشي لي عمل بيدو غزز شفايفو بعصبية ورجع عينو للجرح لي فقلبو حقق فيه مزيان وصغر عينو كيدوز اابهامو على لحيتو ببطء وعقلو خدام عمل ابتسامة ديال خزيت وخرج🔥
💧نهار كامل دوزاتو بين سكان لجزيرة كتسول فيهم ماخلات حتا واحد لي ماسولاتوش على نيار ووراتو تصويرتو حتا من دراري صغار دازت عليهم ولكن للأسف ككل مرة كيخيب ظنها من جديد وكترجع لقصر حاملة خايبة امل اخرى مسحات دموعها لي نزلو كيجريو فوق خدها وطلعات تنهيدة من اعماق قلبها ودخلات لقصر مسخسخة 12 دليل وهي عاد ماجا ولكن ماشي فيدها نهار كامل وهي كتقلب على حب قلبها لي باغي يلعب معاها لغميضة طلعات مباشرة لبيتها وطاحت كاو فوق نموسية زولات ليبوط غير برجلا ورمات تجاكيط حداها ومشات فسبات عميق 💧