💎اللبؤة و الوحش💎( مكتملة )

part31

🌔بارت 31👑
رسيل:(خنزرات فيهم ):يخ عبيد فرعون
(دخلات فيهم بكتفا وكملات طريقة كتمختر فمشيتا فحين هما بقاو غير كيرمشو وريوكوم سالو معا فورمتا دورات عاينا فالارجاء جاتا دوخة ماعرفت منين دوز فلخر نزلات فدروج وبقات هوادا حتا وصلات لطبقة تانية تساراتا مزيان حقا روعة زادت كتسارا فلقصر حتا عرفات بلايص لكاميرات طبعا فتريات وحفضاتو هما ولقصر قنت بقنت اصلا هاد هو هدفا من الأول ماسالات حتا غفرلا ربي دنوب جلسات لتواني كتستارح عاد ناضت ودخلات لكوزينة لي كانت كبيرة ومجهزة بطريقة راقية ومنظمة وكلشي مرتب فبلاصتو عاملا فحال لي كويزين ديال لي زوطيل سانك اطوال وعندا باب فلجهة لخلفية مفتوح على جردة لوسطية كانت فيها تقريبا خمسة ديال لخدامات كاملين لبسين زي موحد جيب وبابيون فالاسود وشوميز بيضة وشعروم مجموع كعكة حانية غير شافوها دخلات حناو راس وهضرات نوال لخدامة لي نيار مكلفة تقابل رسيل )
نوال:لالة واش محتاجة شي حاجة
رسيل:لا شكرا غير كملو خدمتكوم
(رجعو لشغلوم فحين رسيل مشات لتلاجة هزات عصير دورونج وكبات كاس وجلسات فواحد طبيلة عاملا رجل على رجل وكتشرب فلعصير وحاضياهم بعينيها حتا سمعات واحد زوج دلخدامات كيوشوشو احم بغيت نقول كيبرحو طبعا كيسحابلوم ما كيسمعوم حد وطلقات ودنا معاهم )
---':الله ياختي وشوفي شحال زوينة تقول غير شي عارضة ازياء
---:وماشي بعيد تبارك الله لفورمة قتالة اما زين بلا هضرة
---:وييه ولكن نوال قالتلي صعيبة
---':مانعرف شكاتجي لسي نيار اول مرة يدخل شي مرا لقصر من غير ماماه وختو
---':وييه علم الله شنو قصتا
--:احح ياختي عيينا مانتعوجو وتقول واش يخسر علينا غير شوفة ديما عقدوم ولكن احح على شخصية عندو وهاهو دابا جاب لالاات لبنات اوا شي عطاتو وشي زواتو
---:أودي خدمي خدمي على قلبك قبل مايجي يتيري فينا وتشوفي ديك ساعات زوية دبصح
(رجعو مكملين شغلوم فحين رسيل قالت بصوت خافت )
رسيل:امم قولي عندك ام واخت اسي نيار
(رجعات نظرا لديك لخدامة طلعاتا وهبطاتا مزيان طويلة ورقيقة وحروفة كحلين ركزات شوفة فعيونا عرفاتا فريفرة وترتارة عملات ابتسامة جانبية )
رسيل :امم هادي لي تنفعني
(شربات آخر زكفة فكاسا وناضت لعندا )
رسيل:دابا شوية اجي عندي لبيتي
لخدامة:ءء انا الالة
رسيل:(طلعات فيها حاجبة ):لا انا
(خلاتا كترعد سحابلا سمعاتا وعتحاسب معاها فحين رسيل طلعات لبيتا وشافت فديك لكاميرة خنزرات فيها )
رسيل:وآلله لاخليتك حاضيني
(هزات واحد لكرسي تحت تريا وطلعات فوقو وبقات كتجبد حتا قلعات ديك لكاميرة و حطاتا فلارض وبدات كتعفس عليها حتا شخشخاتا مزيان ورماتا فبوبيل عاد جلسات على لفوطوي حتا سمعات دقان فلباب
🔥مشا مكسيري حتا وصل لوحد ديبو مهجور قريب من لقصر عفط على لفران ونزل منير دخل نيشان لديبو لقا 4 ديال لكارد كور مستفين وواحد رجل معلقينو من يدو فواحد ركيزة وكاملو دمايات وعريان من لفوق وواحد لكارد واقف موراه و هايز مسيوطة غليضة دلحديد فيدو وكينزل عليه حتا لظهرو حتا ولا كامل خطوطة حمرين توجه لعندوم وشاف فديك لكارد مطلع حاجبو 🔥
نيار:باقي مابغاش يهضر
لكارد:لا اسي لمونستر ماخلينا مادرنالو وتقول واش بغا يخرج كلمة على فمو
نيار:(دوز صبعانو على لحيتو بفقصة ):امم الكلب الوفي صافي غير بعد منو انا لي عنقابلو
🔥مشا لكارد وقف حدا لوخرين فحين نيار شاف فهادك لي معلق بالو مغيب بقوة ضرب هز سطل دلما فيه لملحة وخواهلو على ضهرو حتا بدا كيغوت بحر جهدو ديك ضرابي كاملين دخل فيهم لملحة فحين نيار زيرلو على فكو بقوة حتا كان قريب يطرطقولو وشاف فيه بشوفة خطيرة طيحات فيه نص🔥
نيار(كيهضر ضاغط على لحروف ):لااخر مرة عنسولك شكون صيفطك
---:(ماقدرش حتا يهضر ماحيرتو لظهرو لي كيتسلق ولا لفمو لي كيتهرس بزز باش كيخرج لحروف ):ع عي قتلو م مراتي
نيار:والا بقيتي ساكت عنقتلك نتا وياها دويييي شكون صيفطك
---:(حس بلموت قريبة خصوصا بديك لغوتة):م ماعرفش
نيار:(غزز شفايفو بفقصة كان يمكنلو فلول يصفيهالو بقرطاسة وحدة ولكن هو عندو هدف تاني ):اكي نتا لي بغيتي
🔥مشا لواحد طابلة وهز من فوق منا لقاط كبيير وكرسي وداهوم حداه وجلس على لكرسي وهزلو يدو وشد ديك لقاط وبدا كيلويلو فصبعو وهو عيسخف بقوة لغوات كيحس بروحو كتزهق بقا كيلويلو فصبعو حتا طار 🔥
نيار :(بشوفة شرسة ):وباااح مشا صبعك لبنصر ماشي مشكل بزز منك عتهضر ولكن على حسب لوقت كل دقيقة ضيعتيلي عضياع فيها صبعك تؤ تؤ شوفتي يانا شحال عادل
---:ع عفاك أسس سيدي ك كنترجاك
نيار:(شاف فساعتو ):امم هادقيقة تانية دازت
🔥هزلو صبعو تاني وبدا كيلوي فيه بنفس طريقة حتا طار 🔥
نيار:وباااح ها صبعك لخنصر حتا هو مشا
---:(دموعو هوادين من عينو فحال لحجر وكيغوت ربي لي خلقو):هئ هئ صافي اسيدي عنقولك هئ كلشي
نيار:(بابتسامة جانبية ):امم واخا معطل ماشي مشكل يالله نطق
---:سي كرلوس هو لي صيفطني قالي واحد لبنت ساكنة معاك مني تلقا لفرصة خطفا وعتجيبا لعنوان لي عنصيفطلك وكان كيهددني بمراتي كنقسملك اسيدي حتا هادي هي لحقيقة
نيار:🔥عيونو ولاو فحال جمرة وعروق نواضرو برزو وتيشرط قريب يطرطق عليه بقوة الاعصاب شاف فيه بحدة ووقف جبد سلاحو من خصرو وتيرا فيه لكتفو 🔥
نيار:هادي حيتاش تجرأتي دخل لداري
🔫زادو وحدة فلكتف لاخر 🔫
نيار:وهادي حيتاش كنتي قاصد حاجتي
🔫زادو رصاصة اخرى فرجلو🔫
نيار:هادي حيتاش تجرأتي على لمونستر
🔫زادو اخرى فرجل تانية🔫
نيار:واخييرا هادي حيتاش ضيعتيلي وقتي
🔥نفخ على سلاح وردو لخصرو وشاف فيه كامل دمايات وتقابي وراسو طايح فلارض شاف فلي كارد🔥
نيار:عيطو لطبيب يجي يعالجو باقي محتاجو وفتحو عينكوم الا وقعتلو شي حاجة نقتلكوم
لي كارد:(عيطلقوها):حااض­ر شاف
🔥خلاهم وزاد فحالو هو نهار لول لي كانو مستفين وهو كيقلب على لخاين شاف حتا هادا ومابغاش يقتلو لي انو عارف بلي عندوم اهداف مختلفة يعني الا كان واحد عيوصل لخبار فللاخر معايديرش نفس شي لدا دار راسو ماعيقش باش يشوفو علاش ناوي وفعلا دابا توضحتلو لاومور واخا كان من لأول عارف هدشي ركب فسيارتو وكسيرا متوجه لقصر