💎اللبؤة و الوحش💎( مكتملة )

part117

🌔بارت 117👑
💎خرجات من لحمام كتمسح فيديها بكلينيكس من لما لقات نيار باقي واقف كيتسناها طلعات راسها فيه وبتاسمات كتحاول تبت فراسها فحين نيار صغر عينو فيها وسكت لوهلة عاد هضر💎
نيار:مالكي تعطلتي
رسيل:(بتوتر ):لا والو غير لقيت لحمام عامر وصافي يالله نمشيو
نيار:(بشك ):امم واخا يالله
💎شابكو يدين بعضهم وتوجهو لطابل ديالهم لقاو طلبيتهم وصلات نيار جلس ويدا كيشرب فلقهوة ديالو وعينيه على رسيل لي غير ساهية وكتلعب بلمعلقة فلكلاص كتزيد تأكدلو شكوكو وان شي حاجة وقعات فهو اكتر واحد يطلعها غير من شوفة طريقة لي ساهية بيها وتوتر لي جاوباتو بيه ولكدبة ديال لحمام عامر وهو شافو ماكان فيه حتا حد من غيرها ضغط على شفتو سفلية ونفا هاد الأفكار من راسو ياك هو كان معاها ادن مايمكنش توقعلها شي حاجة كمل لقهوة ديالو ورسيل يالله كلات زوج معالق من لاكلاص 💎
نيار:رسيل مالكي ماكليتيش لاكلاص ديالك
رسيل:ء لا والو ااحياتي غير معدتي عامرة على دكشي
نيار:امم اكي مشينا
رسيل:اه يالله
💎جمعو لوقفة نيار خلص سيرفور ورسيل هزات صاكها علقاتو فيها وشدو فيدين بعضهم وتوجهو لباركينغ ركبو فلوطو وزادو مكسيرين ورسيل غير كتفكر ونيار حاضيها بنص عين
💎بنص عين ومرة مرة يجبدها بشي هضرة وهي كتجاوبو ماوقفو حتا لباب لقصر وقف نيار لوطو وشاف فرسيل💎
نيار:سيري دخلي لقصر انا عنزيد لشركة حتا ليل ونرجع
رسيل:اكي بب
💎باسها ففمها عاد نزلات فحين نيار كسيرا وكمل طريقة اما رسيل غير مشا ضرباتها بجرية لبيتها دخلات بزربة وسدات لباب وبقات نازلة معاه حتا جلسات فلارض رمات صاكها وطلقات لعنان لدموع لي كانت حابساهم قدام نيار بقات جالسة كتشهق حتا دوزات ساعة وهي كتبكي بلحرقة لي فقلبهاا وعلى زهرها لعوج لي ماكتقول كلشي تحسن ولمياه رجعات لمجاريها حتا كتجي شي عاصفة قوية وكتقلبلها كلشي عينيها تورمو و ولاو حمرين وراسها فيه شقيقة ناضت بزز كتحس بدوخة شدات فلحيط معكزة بيه حتا دخلات لحمام وتخشات تحت رشاشة بحوايجها ولما نازل على وجها كيتسابق مع دموعها حتا فشات قلبها مزيان عاد زولات حوايجها ولبسات بنوار بيض وطلقات شعرها وخرجات تخشاات فنموسيتها ودموع عاملين خط على خدها