💎اللبؤة و الوحش💎( مكتملة )

part5

🌔بارت 5 👑
ليان:حتييي حبيبتي توحشتك (خ كتقولها ل ح )
رسيل :ههه حتا انا احبيبتي توحشتك كيف نتي لباس
ليان:لاابس احتيي غير توحشتك واش ماعتجيش لعرس خالتو ميرال
رسيل:نوو حبيتي منقدرش نجي
ليان:هئ هئ وعلاش احتي ياك هي صحيبتك
رسيل:ءء علاش اكبيدة كتبكي ياك قوتلك الا عودتي بكيتي عنتقلق منك
ليان:(كتمسح دموعا )صافي احتيي انا معنبقاش نبكي باش متقلقيش مني ولكن انا احتيي توحشتك بزااف وعييت مانتسناك واش باقا عندك لحدمة بزااف
رسيل:اه احبيبتي باقيلي بزااف دلخدمة غير نساليها ونجي عندك صافي 
ليان:صافي احتي انا عنتسناك
رسيل:اوا دابا مزيان واش عجبوك لحوايج لي صردتلك معا خالتو ميرال
ليان:اه احتي عجبونيي بزااف ولكن رباب كتغوت عليا كتقولي متخديهمش من عندها وانا مكنبغيش نقولها بلي نتنا لي كتصيفطهملي حيتاش هدا سر ديالنا ياك احتي
رسيل:براافو عليك الياني اه هدك عيبقا سر اكي مهم احبيبتي انا عنمشي دبا لخدمة حتا نسالي ونهضرو ابيل فيديو كولي مزيان باش لقاك كبرتي وسمعي لهضرة و قراي مزيان الله يرضى عليك
ليان:واخا احتيي كوني هانيا انا عندير لي قولتيلي كاامل بسلامة احتي وحتا نتنا كول مزيان باش تكبري دغيا
💧ضحكات بخفوت على براءة ختاها وقطعات لخط وهزات كاس ديال لكافي نواغ و حطاتو فوق طابلة لي فلكوزينة وهزات طرف ديال لكيك وحطاتو حتا هو وجلسات فلكرسي كتفطر وكتفكر فختاها خلاتها مني كان عندها عامين ودابا عندها 7 سنين ديما كتصردلها مع ميرال لحوايج غير ليمارك وجميع دكشي لي تحتاج من العاب وشوكولا وكتوصيها باش ماتقولها لحتا واحد وديما كتهضر معاها ابيل فيديو باش ماتنساهاش وهي باقا صغيرة ليان عزيزة عليها رسيل بزااف حيتاش كتحن فيها وكتعوضها حنان الام عكس رباب لي مهتمة غير براسها من غير الأب ديالهم لي كيهتم بها
ورسيل موصياها باش متقول حتا واحد بلي كتهضر معاها وديما مني كتعيطلها كتهز ايباط ديالها وكدخل لبيتها عاد كيهضرو فاقت من سهوتها مني خوات كاسها ديال لقهوة شافت فساعة لقاتها 7:55💧
رسيل :افف تعطلت باقا 5 دقايق
💧ناضت بزربة وهزات بوشيط وسوارت طموبيل
خرجات كتجري كانو زوج دلبوديكارد واقفين فباب لفيلا طواالين و مفورميين لابسين لباس موحد تيشورط وسروال فلكحل ونضارات فنفس لون غير شافوها جايا كتجري مشا واحد بزربة خرجلها طوموبيلتها من لكاراج لي كانت من نوع لمبرغيني فالاحمر ركبات بزربة وكسيرات بسرعة مخليا لعجاج وراها كتحاول ماامكن توصل فلوقت حيتاش ماعندهاش كلمة التأخير فقاموسها وماهي الا دقائق حتا كانت فباب شركة انسطالات لوطو فباركينغ ونزلات شافت فساعتها لفضية لقاتها 8:00 بتاسمات بغرور و دارت نضرات شمسية فالابيض و توجهات لباب شركة وقفات لتواني وعلات راسها لفوق فين مكتوبة *New Brand* بخط عريض وجميل فلون الذهبي عملات ابتسامة جانبية وتوجهات لداخل بخطوات تابتة و موزونة ونضرات حادة باينة فيها الصرامة لي يشوفها بهاد شكل مايقولش هاد لبنت عندها مشاكل فحياتها وكتعاني ولكن لمظاهر خداعة دورات وجها يمين وشمال كتكتاشف الاجواء كايبالها كلشي كيترعد ولي كان جالس ولا واقف كانت شركة شاسعة المساحة ولي كتعتبر من ناطحات السحاب في فرنسا مصممة بطريقة راقية وكلاسيكية ومفرشة باتات كلو فلون الذهبي توجهات نيشان عند لبنت لي كينا فلاستقبال ولي بدورها غير شافتها جايا لعندها بقات كترعد فبلاصتها خافت لا تكون شافتهاا مني كانت كتهضر فتيلي وهي عارفة بلي ممنوع استعمالو اتناء ساعات العمل وقفات عليها و هزات نضارات ديالها بصبعها سبابة وشافت فيها بنضرات تاقبة 💧
🔰الحوار بالفرنسية🔰
رسيل:مانعاودش نشوفك مرة اخرى هنا حسابك عيوصلك مفهووووم
💧غوتات عليها حتا قفزات من بلاصتها و جاوباتها وهي كلها كترعد ودموع محجرين فعينيها💧
-س س سمحيلي الالة ه هادي ااخر م مرة
رسيل:ماكنعادوش هضرتي زوج مرات
توجهات الاسانسور لخاص و لي كان مقابل معاها وطلعات فيه وما هي إلا تواني حتا تحل على طبقة لي كينا فيها لمكتب ديالها زادت كتمشا بكل انوتة ولي كدوز من حداه كيعطيها التحية وهي كتكتفي الرد بابتسامة خفيفة وسكريتيرة وراها كتخبرها بلمواعد و الاجتماعات لي عندها حتا وصلات لمكتب ديالها لي كان كبير فالابيض ومصمم بطريقة راقية توجهات نيشان لكرسي لكبير ديال جلد المصنوع من اغلى الانواع فحال لبيرو فلون الازرق جلسات ودارت رجل على رجل وشافت فسكريتيرة 💧
🔰الحوار بالفرنسية 🔰
رسيل:صافي يمكن تمشي دابا و من بعد ساعة رجعي عندي
سكرتيرة:اكي مدموزيل باي
💧ردات عليها بابتسامة وشافت فنافدة لكانت كبييرة وكطل على لجهة لخلفية ديال شركة .شوية هزات بعض لملفات فيدها باش تبدا لخدمة .هدا هو سيستم ديالها فلعمل و فتعامل معا لموظفين دياولها الصرامة والجد والعمل عندها لقوانين هما لقوانين ولي خالفهم كيتعاقب لانها مني كتوقف فباب شركة كتزطم على العاطفة ديالها عاد كدخل وبهاد طريقة كلشي ولا كيحترمها وكينفد اوامرها وكيقومو باعمالهم على اكمل وجه حتا زادت طورات هد شركة وولات احسن من الأول 💧
🎯^شركة نيو براند^هي شركة عطور فرنسية أصلية تأسست سنة 1995 وكتعتبر من أضخم الشركات الفرنسية في مجال صناعة العطور وتتمركز فروعها في أغلب دول العالم من اوربا وامريكا وشمال افريقا وكتميز بعطورها الجذابة والمنافسة في السوق مرت 25 سنة من النجاح والتالق في عالم العطور لتصبح تحت تسيير "رسيل الناصري"🎯
🚫كلشي عيوضاح فالاحدات لماجا كيفاش حتا تحولات رسيل من بنت طبقة متوسطة إلى رسيل بنت طبقة غنية 🚫