💎اللبؤة و الوحش💎( مكتملة )

part34

🌔بارت 34👑
🔥هز حاجبو باستغراب علا ديك الابتسامة وبقا حاضيها شنو باغا تصنع حتا فتح عينو بصدمة مني بانتلو تلاحت من لبالكون بسرعة مشا طلل بانتليه طالقة يديها بزوج وشعرها سابقها وهوادا مع ريح حتا جات مباشرة فلابيسين ديك ساعات عاد طلع نفس غفلاتو كاع حتا نسا بلي لابيسين كينا مباشرة تحت لبالكون يعني الا نقزتي عتجي مخشي فيه ولكن صدماتو بهاد تصرف لانهم بعادين بزااف على تحت راطبقة تالتة فلقصر فهادا كان تصرف دكي منها باش تبينلو انها حرة وحتا حد ماعيحضيها ولا يتحكم فيها وكدالك كان جواب على حركتو حقا فكل مرة كتصدمو بشي تصرف جديد عمل ابتسامة جانبية ودوز اصابيعو على لحيتو وقال وهو حاضيها 🔥
نيار:^Lionesse^ اللبؤة
💧جات نيشان فلابيسين ماكانش هامها لبعد ديال لمسافة قد ما كان هامها تبينلو انها عصفورة حرة وماعيقدرش يحبسها فقفصو بقات كتسبح بطريقة احترافية وكتغطس وتبقا مدة تحت لما عاد تطلع راسها مرة تنعس على ظهراا مرة على كرشا مهم عامت مزياان اصلا كانت محتاجة لهاد لعومة حسات براسا زادت رتاحت وتخلصات من طاقة سلبية عاد طلعات وهزات فوطة كانت فوق لولاكس لي حدا لابيسين مسحات شعرا ودخلات لقصرر طالعة لبيتا💧
🔥ماقدرش يزول عينو عليها كيحس فحال شي مغناطيس كيجرو ليلا شبك يديه وعملهم تحت دقنو وصغر عينو حاضيها كيفاش كتعوم باينة محترفة وعندا سوفل لانها كتبقا كتر من 15 تانية تحت لما كل ساعة كيزيد يكتشف حاجة جديدة فيها لي كتجدبو نحيتا حتا بانتلو طلعات من لابيسين كتقطر وديك شورط زاد لصق عليها بلما و شعرا فازك وكامل تبوكل كتبان فحال شي حورية خارجة من لبحر فليل دغيا جمع غوباشتو ودخل فحالو🔥
💧دخلات لبيتا مباشرة للحمام خدات دوش دافي وخرجات لدريسنغ لبسات بيجامة قطنية فلابيض حد ركبة ونشفات شعرا وتحشات ففراشا عاملا فبالا حتا لصباح وتشوف شعدير وبلا ماتحس كتلقا راسا كتفكر فيه وصورتو محطوطة قدام عيونا خصوصا نظراتو لحادة ماعرفت راسا كيفاش نعسات💧
🔥دخل فحالو مباشرة لدريسنغ بدل ديك سروال تجينز بشورط اسود نايك ووقف حدا لمرايا كيزول ساعتو حتا كيلمح شي حاجة زرقة فعنقو خسر ملامحو وقرب لمراياا كيحادي فيها ويتاكد لقاها هي لعضة لي دارتلو رسيل لبارح زرقة ومحفورة فعنقو كانها عاد عضاتو دابا عرف عضتا مسمومة و لاطراس ماعتزولو على مدة. دوز يدو عليها وقال بابتسامة جانبية 🔥
نيار:مسمومة
🔥دهنلا واحد بوماضة ومشا نعس على كرشو فوق نموسية داي عرضا كامل بديك لكتف و غمض عينو كيحاول ينعس ولكن بدون شعور كيلقا راسو كيفكر فيها ماعرفش سبب حتا بدا كيغفا شوية عاد مشااا فسبات عميق🔥
🔶🔶🔶🔶🔶🔶🔶🔶🔶🔶🔶🔶🔶🔶
☀في جهة أخرى وبضبط في مكتب رجولي بجدران فلابيض واتات دجلد فلبني جالس فكرسي ديال لبيرو رجل بنية ضخمة بكوستار ازرق وبشرة شديدة لبيوضة الظاهر انه من اصل امريكي حروف شهبين وعيون فلاخضر مجرد النظر فيهم كيبانلك الخبث والشر كيقطر منهم كيهضر فتيلي بلغوات حتا عروق نواضرو خرجو☀
كارلوس:كيييفففااااش ماااااوووصلللتوو لوواااالو علااااش مخدددددمكككم انااااا اضبوووعة وبرررربييي ممماااتتتجييبوو ششيي خببباار جددديدة حتااا نقتتتل ديييلمكم كااامملين
لكارد:سيدي رالجواسيس لي صيفطتيهملو قتلوم وحتا ديك لبنت حابسة فلقصر ماكيقدر حتا حد يقربلا
كارلوس:وااانااا مااااشيييي سووووقي سمممعتووو بزززز مننننكم جبدوووها وجييييبوهاالي وللااا ندفننن ديلمكككم حييين
لكارد:راميمكنش اسيدي هادا رالمونستر بشوفة وحدة يقلعنا فكيفاش ندخلو حتا لقصرو ونخطفو لبنت
كارلوس:عائلتا اه اه شوفو سيرو جيبولي اي واحد عندو علاقة بيها صحابا خوتا والديها اي واحد سمعتووووو
لكارد:مانقدروش اسي كارلوس لان لمونستر مشدد لحراسة على عائلتا كتار من لقصر مانقدروش نقربو لجيهتوم هو ضرب حسابو مزياان
كارلوس :اااااااااع (ضرب واحد لفاز بيدو حتا تشعتر ):باغييي ولد ل.. يسد عليها جميع لبيباان ولكن انا عنوريه الا ماندمتوش مانتسماش كارلوس
☀قطع عليه لخط وبدا كيشعتر فلي جا قدامو حتا قلب لبيرو سفاه على علاه عاد جلس على لكرسي كيرد نفس ديما كيطلع هو لخاسر كيبغي غير يوصل لشي حاجة ليلوي بيها يد نيار ولكن فلاخر كيطلعلو غير صبع ماماه وختو ماعمرو قدر يوصلوم حتا فقد لامل ودابا مني بانت رسيل حلف بحلوفو حتا يفدي فيها جميع فعايل نيار من اول نهار دخل لعالم لمافيا☀
🔶🔶🔶🔶🔶🔶🔶🔶🔶🔶🔶🔶🔶🔶🔶
🌅أصبحنا وأصبح الملك لله🌅
💧تسللت بعض أشعة الشمس الدهبية لغرفة رسيل معلنة عن قدوم يوم جديد وضعت يديداتا على عينا حاجبة شمس لي فيقاتا جلسات فوق سرير لتواني كتحك فعويناتا عاد ناضت لحمام قضات حاجتا وغسلات وجها وسنيناتا وخرجات لدريسينغ جبدات سلوبيط تجينز بارد بشورط قصير طاي هوت وفيه تقاطع خفاف لبسااتو ولبسات معاه ميني بوط فلابيض وسبادري فنفس لون توجهات لمرايا جلسات على لكرسي وبدات كتعدل فلمايكاب عملات ايكخون دشمس و زادت طلعات شفارا بماسكارا وعكر فلبوردو جات طوب واخا غير شي حاجة بسيطة بغات تعمل عطرا وهي تفكر بلي بقا فلفيلا كتحس بشي حاجة ناقصاها ولكن اصلا فيها ريحة زوينة طبيعية كانها دايرة عطر فخم طلقات شعرا وبدات كتمشطو وفرقاتو على زوج ودارتلو من لفوق سنبلة على شكل كرينات وبقا مطلوق فايت شورط بطولتو كيبان طوب خصوصا انه رطب ومسبسب فحال لحرير وقوي وزعر ماشاء الله لي يشوفو يقول غير ملصقاه وقفات حدا لمرايا كتشوف فراسا بإعجاب كتبان سو كيوت فحاال شي طفلة د7 سنين جمعات فراشا ونزلات لتحت💧