💎اللبؤة و الوحش💎( مكتملة )

part61

🌔بارت 61👑
🎡 وقف انفاص مع لمراياا كيدور فراسو كيحاول يشوف فجرحة ولكن ماكتبانلوش هز مرايا صغيرة وعملا مور ظهرو وكيشوف من لمرايا لي قدامو عاد وضحتلو جرحة كانت كبيرة فيها شي 7 دسنتيم وغريقة خصا ضروري تغرز ضغط على شفايفو بقوة كيبرد فهاد لفقصة قبل ما يمشي يكمل عليها ويوريها ضرب كيف عامل غسل وجهو بلما بارد كيحاول يكالمي راسو هو مني كيتعصب كيولي *وحش* وهي كتولي *لبؤة* ماكدبتش مني قالتلو ديك لمرة الا كنتي نتا وحش فانا لبؤة عندا لحق اما رسيل غير حاضياه بنص عين غير شافت جرحة قداش تصدمات ماكانتش متوقعة تكون كبيرة ولكن هي ماحسات بوالو ديك لحرارة لي كانت فيها كاملة رجعاتا فظهرو غززات شفايفا وشافت فديك شقفة دلمرايا كتبالا جبهتا فيها جرحة صغيرة عكس نيار لي دوبل ديالا خمسة دلمرات ندمات على تسرعا دورات فعينا وهزات لعلبة دالاسعافات ومشات جراتو من يدو غادا جهة دلجاكوزي وهو غير تابعا مانعرف شنو باغا تصنع حتا بانتلو كتشيرلو بعينا يجلس فطرف دلجاكوزي لان لحمام مافيهش لكراسا ولبيت كامل وسخاتو هز فيها حاجبو مخنظر بديك نظرة دمنيتك 🎡
رسيل:(غير شافتو عمل هايداك شافت فيه بهدوء وقالت):جلس خليني نداويلك ظهرك ماعتوصلوش
نيار:(مغزف):ما كنتسناكش تجي داويني
رسيل:(بهدوء ):ماكيعجبنيش نبقا مدينا لشي حد بشي حاجة علا دكشي خليني نردلك معروفك
🔥دوز يدو على لحيتو بفقصة فكر لقا بصح ماعيقدرش يوصل لضهرو ومافيه لي يعيط لشي طبيب غير شوهة دلبارح كافية شاف فيها بنظرة حادة وجلس فطرف لجاكوزي عاطيها بظهر فحين رسيل بتسمات بهدوء وجلسات على ركابيها وبدات كتعقملو فلجرح وكتمسحلو فديك دم لي فظهرو ومرة مرة كطلع عينيها فديك لوشم باقا لحد لان ماعرفتش سر ديالو ولكن متأكدة عندو علاقة بخدمتو تانية رجعت نظرا لجرحة بانتلا غارقة بقا غير كتشوف فيها حتا سمعت نيار 🎡
نيار:خصها تغرز
رسيل:عارفا
نيار:عيطي لشي طبيب يجي ماعتقدريش
🎡ما جوبتوش جبدات ابرة وخيط كانو فعلبة الاسعفات هزات لابرة فيدا من بعد ماخشات فيها لخيط و كحزات لظهرو كتحقق فلجرح عاد بدات كتغرز بشوية رادا معاه لبال اما نيار مني سمعا سكتات سحابلو مشات تعيط لطبيب حتا كيتصدم مني كيحس بملمس يدا فظهرو حقا هنا سالات معاه ما كانش متوقع انها عندا لقدرة لي تخيط لحم شي واحد ولكن نسا بلي هادي *اللبؤة * ولبؤة ماكتعرفش لمستحيل بقا كيتسناها تسالي بدون مايحس بالألم برغم من انه مامبنج ما والو ولكن جسمو دا عليه ماكتر فدابا ماعيتاترش بوخزة إبرة عكس رسيل لي فكل غرزة كتغمض عينا كتالم فصمت كان هاد الابرة كتخترق لحما هي وماشي هو شهاد تنائي؟ واش عمركم شفتو شي زوج كيجرحو بعضهم ويرجعو يداويو جروح بعضهم؟ واش عمركم شفتو شي زوج كيتسبو فالألم ويبقاو يتالمو معاه؟؟ طبعا هدشي ماكينا فحتا تنائي من غير 🔥اللبؤة و الوحش🔥
ماسالات ديك جرحة بلغراز حتا غفرلا ربي دنوب لواتلو فاصمة عاى ظهرو وجمعات ديك لعلبة رجعاتا لبلاصتا و دارت لقاتو واقف موراها 🎡
رسيل:(بنبرة هادئة ):رديتلك دينك ادن لحساب لي بينااتنا سالا
نيار:(كيشوف مباشرة فعيونا بنظرة حادة ):نوو راكي غالطة باقي بزااف دلحسابات ولكن ماشي دابا حتا نرجعو لقصر عاد عنتحاسب معاكم بتلاتة مايسحابلكمش ناعس على ودني وباقي عاد عنشوف شوهة لي درتو بعيني اما هدشي لي خديتو غير ديال لعب ورا ظهري فكل حاجة وتمنها
رسيل:(كتسرط فريقا بصعوبة ):ه هزار فين هي؟وحتا فين كاينين ؟ونتا شك..
نيار:(قاطعا ببرودة ):هزار فلقصر وحنا فلاوطيل
رسيل:علاش مابقيت عاقلة على والو ؟وكيفاش سكرنا حنا ماشربنا والو من غير لعصير متأكدة
نيار: هاحنا عنشوفو هاد لقضية وجدو راسكم
رسيل:(لقرودة كيشطحولا فوق راسا ماحسات براسا حتا تسيفات عليه وخرجات فعينا ):ونتا مالك اسي شدخلك فيا ؟ وبشمن حق كتحكم فيا؟ مانتا با مانتا راجلي عطيني تيساع حياتي هادي وانا حرة فيها ندير لي بغيت ماشي سوقك فيا نلبس لي بغيت الله يجعلني نخرج حتا عريانة شغلي هاداك نمشي فين مابغيت مادخلمش فيا اسيدي ونتا مالك شحرق شطاتك واش عاقد عليا اخويا ومافخباريش وااعطيني تيساع اعباد الله باا وماحكمشي فيا قدك دابا نتا ماجي تخطب عليا زابورك باراكا لحبس لي داير لختك ودابا بانتلك تزيدني معاها حتا يانا ولا ؟ والله لا كانتلك راك باقي ماكتعرفنيش مني كطلعلي لقردة لسطح والله حتا نخليك غادي وكتلوح فلحجر هاودني منك
🔥نيار غير فاتح فمو فيها واش هادي رسيل لي قدامو ولا غير كيحلم مامتيقش بقا غير مشلوط فيها كيفاش تسيفات وبدات كتشالي بيدا وتخرج فعينا فحال دوك طيابات دلحمام ماعمرو توقع تكون حتا رسيل كتهضر بهاد شعبية ولكن نسا بلي هي غير بنت درب وفين ماكانت شي مدابزة محشية فيها جابتلو ضحكة وهاهو جانب آخر كتاشفو فيها وهو انها عيشورية من طراز رفيع ياربي شهاد الانتى كل ساعة كيزيد يغرق فيها فين ماحطيتيها مرا حرة جيتي لنظرات وكلام لمجتمع كتلقاها لبؤة مخرجة مخالبها جيتي لتربية ولحنان كتلقاها معلمة وام بصدر حنين جيتي لمدابزة كتلقاها غير سواقية كتبيع ربيع ماتوصلاشي فلكلام
جيتي لجمال والاناقة كتلقاها ملكة جالسة فعرشها واش كينا شي انتى بهاد لمواصفات ؟طبعا كينا ولكن فغير انتى وحدة وهي ^رسيل^ ماكيناش نسخة تانية🔥
رسيل:بزااااف عللى هااد لحكاام لخااوي مالك والدتيني ونسيتيني ولا؟ غير لي ماعندو شغل يجي يدير فيها لحكام را وال..
🎡ما كتسكتا غير قبلة دافيا فشفايفا فتحات عينا بصدمة وبدات كضرب فصدر نيار وهو مزير عليها من خصرا ملسقة معاه ويد واضعو اسفل راسا وكيتلذذ فطعم شفايفا وهي غير كتفركل كتحس فشفايفا تسرطو ونفس قريبة تقطع فيها حتا حس بيها تخنقات عاد بعد عليها كيشوف فعيونا لي مفتوحين بصدمة وفما لي مجروح ودايز بدم عمل ابتسامة جانبية وهضر بنبرة مستفزة 🎡
نيار:كن سحابلي عتسكتي هايدا كنت عملتا شحاال هادي
(رسيل لفوار كيخرجلا من ودنا شافت فيه بنظرة نارية وبدات كتجمع فشعرا باش مايعدباش اصلا عراقت وهو طويل زاد صهدا اما نيار غير مربع يدو وكيشوف فيها كديماري علم الله علاش ناوية حتا كيحس بضربات قويين لصدرو هز عينو فيها بانتلو كضربو لصدرو بيدا بكل قوتا 🎡
رسيل:وااع اخر مرة تعاود تعملا لمنحرف
🎡كضرب فيه بكل قوتا وكتخبش فيه بضفارا وكتركل فيه برجلا وكتعض ونيار كيحاول يطاكي فراسو ولا مزوق بلعضان ولقميش وهي غير مازايدا فيه عامل يدو مطاكي بيها وراجع بلور🎡
نيار:ءء رسيل ءء رصاي الله ينعل ديلمك اااو
🎡طارت عليه بعضة لكرشو خلات ساعة مصورة 🎡
رسيل:ياالله باش تعاود تقربلي