💎اللبؤة و الوحش💎( مكتملة )

part101

🌔بارت 101👑
وحتا هي سهلات عليه لمأمورية مني طلبات غير داكشي خفيف ودابا مني سمع كلام سي إبراهيم مابغاش يخسرلو خاطرو ويحرمو من ديك شعور لأنه قبل مايحكم عليه وضع راسو فبلاصتو كون بغات بيلسان تزوج واش عيقبل انها تعمل لعرس بدون خطوبة وبلا مايقدمها لعريسها بيديه طبعا لا علا دكشي وسع خاطرو معاه اما رسيل غير كدور فعينيها عارفة نيار مزييان كيف داير وعارفاه غير مسايس معاها ودايرلها خاطرها ودابا زادت كملات عليها هضرات باها كتقول دابا عينوض يقولو ماكينا لاش هدشي كامل وغدا لعرس والله يجعل شي براكة ضغطات على شفايفها جاتها 🔥
نيار:(طلع عينو فابراهيم وهضر بجدية ):ماعنديش مشكل اسي ابراهيم كلامك هو لكبير ليوم فلعشية نعملو لخطوبة مايكون غير خاطرك
إبراهيم:(بابتسامة ):الله يرضي عليك اولدي
ميسون:هه صافي ان شاء الله ليوما تم لخطوبة ديال وليداتي بزوج هادي فكرة زوينة
رباب:اه بصح
💧رسيل غير فاتحة فمها مصدومة فنيار وطريقة لي هضر بيها مع باباها عملو خاطرو فوق لقياس مولف ناس لي ماكيعرفهمش كيخسر عليهم زوح كلمات الااا طول ودابا هضر معاه براحة وطمأنو زاد كبر فعينيها بهاد لجيست لأنه ماحرمها لا هي ولا باباها من عيش ديك الاحساس طلع عينو فيها وغير شافا كي كتشوف فيه بتاسم وغمزها فحين رسيل ردات عليه بابتسامة حتا بانو سنانا وجمعات فمها على شكل قبلة وصيفطتهالو حتا كتحس بقرصة من عند ميرال لي حاضياهم وكضحك فحين رسيل عملات ضحكة صفرا وجراتها من دراعها زعما معنقاها💧
رسيل:مال مك الحمقة جاك صعر
ميرال:ههه غير شفتكم كتحابو قلت نخسر لحظة لاتنوضو تباوسو هنا حدا عمي براهيم وديك سااعات مسكين يتصدم فبنتو سلكوطة
رسيل:علاش نتي نسيتي يامك مع ادهم كنت ديما كنلقاكم مقنتين فباب طواليط كتباوسو انا بعدا غدا عيولي راجلي
ميرال:سكتي يعطيك لقوة شوهتيني
رسيل:ههه يالله احبيبتي تبتي حسن مانجبد لختي ضواسا هاهي خالتي سعاد غير قدامنا احح توحشت نشوفك كتاكلي شي قتلة بديك تيو دلبوطة
ميرال:هههههه فاش فكرتيني كنت ديما مزوقة بيه واحتا يانا توحشتو مسكين رايكون تهنا مني هه باقا عاقلة ارسيل شحال من مرة كليتي لعصا من عند ماما هه ديك نهار فاش ريشنا بنت لمدير ماتنساليش هههه
رسيل:هههه ويلي على شكون يقدر ينسا ديك الأيام
💧نيار كيشوف فيها وما كرهش يطير عليها يشبع فيها غير بوسان خصوصا مني كضحك كيتسدولها عينيها فحال لقطيطة وكتبان لغمازة فخدها بوضوح ماكرهش يمشي يسكتها ماكيعجبوش يشوفها كضحك مع شي حد من غيرو ولا فحال داك لحمق حبو لرسيل حب تملكي وماكيبغي حتا واحد يشركو فيها اما سي ابراهيم غير كيشوف فيهم بابتسامة كان عندو لحق بنتو بغات وعرفات اش بغات عائلة الله يعمرها سلعة وراجل تقيل وهضرتو موزونة ولفلوس عندو غير مشتة ماعمرو فحياتو توقع انه ممكن يتناسب مع ميلياردير كانت احلامو غير على قد لحل وهاهو تحول من دار صغيرة فحي شعبي لقصر ملكي فوسط لجزيرة وكلشي بفضل رسيل بتاسم كيحمد الله وكيشكرو على نعمتو اما رباب حبها لرسيل غير ماكيكبر بفضلها ستاطعات تحقق احلامها وتخرجات من احسن لمعاهد وولات مصممة ازياء مشهورة بقات مجمعة مع هزار كيضحكو رتاحو لبعضهم اصلا ماكيناش شي وااحد ماكيرتاحش لهزار لان بطبعها خفيفة ونشيطة دغيا كدخل لقلب
🎡جات لخدامة كتعلمهم بلي لغدا واجد ناضو كلهم وجلسو فمائدة الطعام لي مملوؤة بما اشهى و ألذ المأكولات المغربية و فحال ديما نيار مترأس طبلة لي هاد لمرة جميع كراسيها عامرين وماهي بعد ماكان كيجلس فيها غير نيار وميسون وهزار تزادت معاهم حتا رسيل شوية جات بيلسان ودابا كينا سي ابراهيم وسي سليم لالة سعاد وميرال وادهم ورباب وليان شوية بشوية عائلتهم بدات كتكبر وفرحتهم حتا هي كتكبر معاها بداو كياكلو ولفرحة كتشع من عيونهم حتا سالاو عاد ناضت ميسون كتهضر فلفون وكدموندي على داكشي لي عتحتاج لعشية حتا سالات عاد رجعات جلسات حدا سعاد فصالون مكملين حديتهم فحين رسيل ورباب وميرال وهزار خرجو لجردة جالسين فلي فوطوي كيضحكو اما نيار وادهم وسي ابراهيم وسي سليم جالسين فجردة لخلفية كيشربو فقوتهم وكيتحدتو على أمور لعمل ونيار كيشاركهم لحديت بهدوء خصو غير فوقاش يمشي لعند رسيل اما بيلسان وليان طلعو لبيت كيلعبو بالالعاب وكيتصورو دازت ساعة عاى جلستهم عاد مشات عندهم ميسون🎡
ميسون:لبنات طلعو وجدو راسكم مابقاش لوقت بزاف دابا وهي أدنت لعصر
رسيل:واخا اخالتي واش كلشي واجد؟
ميسون:اه ابنتي ناس لي مكلفين بتزيين جاو وبداو كيوجدو فطبقة تانية ولاطارط دابا عتوصل وديك لي غوب لي طلبتوهم راطلعتهملكم مرجانة لجناح
هزار:صافي اماما احنا دابا عنمشيو ولمايكب ارتيست ماعتجيش
رسيل:نوو انا قلت لخالتي بلا ماتجي هاهي ميرال عاتمكيلنا را خبيرة فتجميل
رباب:بصصح هادي اول مرة نسمعها
ميرال :اوا هانتوما كتشوفو سي أدهم ماخلانيش
ميسون:يالله البنات فازي وماتعطلوش
الكل :اكي
هزار:اجي شكون عتعدل لولة