♨اولا لا احلل النشر دون اخد ادني والاحتفاظ بنفس الصورة والمقدمة والاسم♨
🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰
لقصة تحت عنوان:🔥اللبؤة و الوحش 🔥
بقلمي:💎الأل...
🌔بارت 12👑 🔥وقف فبلاصتو مصدوم كيباليه ديك شمكار لي كانت ضرباتو رسيل ليدو هايز لموس وغادي جيهتها بشوووية وهي مكملا طريقها ما حساش بيه كاع زفر بغضب وضرب دورة وطلع من فوق صور لي داير بلمقبرة ونقز لارض بشوية حتا رجع هو مور ديك شمكار تمشا بخطوات سريعة و ضربو بركلة ليدو حتا طيح لموس عاد هز يديه بزوج ولواهمليه على عنقو كيخنق فيه ديك شمكار ماعرف راسو باش تبلا حتا كيلقا لموس طاى من يدو وعنقو مقجوج بدراع قويين جلس على ركابيه فالارض كيحاول يتفك من قبضتو لقوية حتا بدا كيحس بانفاسو كتقطع اما هو غير شافو بدا كيترخا عطاه كروتشي حتا جا مزدوح على ظهرو نزل لعندو وبدا كيعطيه فلبونيات بكل قوات حتا سحقليه عضامو ورجعليه وجهو خريطة وملامحو كاملين تمسحو بدمايات عاد ناض عليه و وقف لتواني كيلتاقط انفاسو 🔥 💧غادا كتزرب فخطويها خصها غير فوقاش توصل حيتاش تعطلات على ميرال حتا كيلفت انتباها صوت خطاوي خافتين موراها عرفات عيكون واحد من دوك شماكريا فاق مابغاتش تبين و زادت زربات فخطاويها باش تحط ليان فطلوطو عاد ترجع تفاهم معاه حتا كتوقف فبلاصتها مني سمعات صوت ضرب قوي و صوت ديال ديك شمكار كيتوجع بالم علات حاجبها باستغراب و دورات وجها بلعرض لبطيء كيبالها شي راجل عاطيها بظهر وجالس كيقتل فديك شمكار بقات واقفة على نفس وضعيتها كتفرج فيهم حتا كايبالها داك راجل وقف و صدرو كيطلع وينزل بقات كتشووف فظهرو لعريض لي يدير منها 5 اما واحد طول لا حدت ولا حرج عليه قدو قد بوطو و عضلاتو السداسية المفتولة البارزة من تيشرط لكحل لي لابس و عروق يديه لمنتفخة ولبارزة بطريقة مرعبة حقا جسم يفلح برجولة ولكن مرعب طلعات عينيها لشعرو الاسود كسواد الليل مباشرة هزات فيكسات نظرها فلوشمة لغريبة لي فرقبتو وماكايبان منها غير واحد شرارة حمرة نظرا ان تيشورط مغطي نص تاني علات حاجبها باستغراب وقالت بصوت هادئ 💧 🔥بقا واقف كيلتاقط انفاسو حتا سمع صوت خطوات بطالون جايين لجيهتو و عطر برائحة نادرة ميز فيها غير رائحة لياسمين لي تغلغلات فاعماقو غمض عينيه لتواني كيستنشق عطرها لي جدبو حتا فتحخم بسرعة مصدوم من تصرفو من ايمتا كان كيجدبو عطر شي بنت؟ حقا امر غريب بقا لتواني على نفس وضعيتو حتا حس بيها وقفات موراه وبقات ساكتة مدة عاد سمع نبرة صوتها لهادئة مني قالت🔥 رسيل:Merci ^شكرا^ 💧تسناتو لتواني يدور باش تشوف وجهو ولكن مني بالها مادارش قلبات دورة بقا لتواني كيستمتع بنبرة صوتا حتا سمع صوت طالونا مجددا عاد دار ليظهرا وجهه الجميل سبحان من خلقه لحية سوداء مطراسية على فكو سفلي البارز لي كيزيدو جادبية خاصة اما عيونو بدات سحر خاص عيون زمردية رمادية بنضرات حادة متل السيف و حجبان قويين فالاسود ديما معقودين ف11 انف صغير و فم كرزي الظاهر انو من محبين النبيذ الاحمر بشرة حنطية نوعا ما مع دار بانتلو كتلة تفلح بالانوتة طاي حوتا كتمشا بكل أناقة بديك طالون لعاالي برغم من انها متقلة فيدا .مباشرة شاف فشعرا الاشقر وعنقا الابيض النحيف مافاق من سهوتو حتا بانتلو ركبات فططوموبيل وكسيرات زاد تصدم ف من نفسو كتار من الاول من ايمتا كان كيطول شوفة فشي بنت باش يديرا دابا ولكن غير تفكر طريقة لكانت كتقاتل بيها عمل ابتسامة جانبية و دوز صباعو على لحيتو وهدي حركة ماكرة كيديرا فمواقف معينة وقال بصوت خافت والابتسامة لا تزال على محياه* --^ Lioness^ اللبؤة (يالله كان عيمشي فحالو حتا كيلمح شي حاجة كتلمع فالارض مع شمس كمش حجبانو باستغراب ونزل الارض لقاها قنينة عطر شكلا جدااب بزااف وأنيق ومكتوب فيه اسم لعطر بخط عريض ^Tresor lancom^ عمل ابتسامة جانبية ونفس لحركة دقبايلا وقال* --همم ^الكنز ^ *هز داك لقنينة فيدو وقربا من انفو و استنشق عطرا بحركة بطيييئة حقا رائحة نادرة ولها سحر خاص تاكد ان صاحبته انتى مميزة تفكر فاش ضربات داك شمكار بيها لراسو ونساتا طايحا .هزا عملا فجيبو و توجاه لسيارتو و ركب مكسيري بسرعة فاائقة مخلي لعجاج وراه * (غير طلعات لطموبيلتا عوضات ليان لور باش تنعاس مرتاحة ومشات مكسيريا حتا سمعات تيلي كيصوني عرفاتا ميرال عملات لكيت فودنا وجوبات وفنفس لوقت سايgا ) رسيل: وي ميرال ميرال:واااع الله ينعلك الحمارة من صباح وانا كنصوني علييك شحفتيني هادي هي اجي بكريي همم رسيل:(خسرت وجها من صوتا لي صمكا ):وا بشوياا ازمر صمكتيني ساعة نكون عندك كون شفتي شني وقعلي متغوتشي ميرال :ءء شنو وقاعلك واش نتنا بخير رسيل:بخير بخير مهم باي حتا نجي ونعاودلك ميرال:اكي باي وعندك تخليني فحال لحمقة متفوتشي ساعة ورا بزااف رسيل:هه نوو الحب كون هانيا (قطعات عليها لخط ووقفات سيارتا قدام واحد ريسطو فتحات لباب ومشات عند ليان باش تفيقا ) 💧فتحات عليها لباب لقاتها ناعسا فحال شي ملك بتاسمات ودوزات يديها على شعرها بحنية وفنفس لوقت كتهضر معاها💧 رسيل:لياني حبيبة ديالي فيقي ليان:(فتحات عويناتها كتكسل ):همم حتي رسيل رسيل:هه صباح لخير انعاسة فيقي ونتي خمرتي ليان :(كتحك عويناتها بطريقة طفولية وكتهضر ):حتي فين حنا دابا ياك كنا فلمقبرة رسيل :هه اه ولكن نعستي وهزيتك وجينا لهاد ريسطو باش ناكلو رآه باقين من لفطور ودابا لعشا قربات ليان :هه اه احتي فيا جوع بزااف (كتوريها بيديداتها صغيورين ) رسيل:(ضحكات على حركتها طفولية وهراتها فكريشتا حتا ناضت كتفركل بضحك ):ههه ليان :ههه صافي احتي براكا هه 💧حتا سخفاتها مزيان عاد طلقات منها كضحك شدو فيدين بعضهم وخرجو متوجهين لمطعم من بعد ماسدات رسيل لوطو ودخلو لريسطو لي كان كبير بتصميم راقي وكلاسيكي دورات وجها على الارجاء كايبالها جالسين غير ناس لكلاس ولي كاملين دارو كيشوفو فيها خصوصا رجال توجهات نيشان لواحد طابل معزولة جلسات وجلسات ليان فلكرسي لي مقابل معاها وعيطات لسيرفور لي مشا يجيبلهم طلبيتهم من بعد ماهضرات معاه هزات تيلي ديالها ودوزات لخط فحين ليان هزات لموني وجلسات كتفرج فلوجبات 💧 🔰الحوار بالانجليزية🔰 رسيل:واش كلشي واجد؟ -- وي مدموزيل رسيل كلشي واجد رسيل:مزيان (شافت فساعتها )من دابا لربع ساعة نلقاهم فلفيلا اكي -اكي مدموزيل رسيل كوني هانية امسية جميلة رسيل:وانت كدالك 💧قطعات عليها لخط و دخلات لواحد الابليكاسيون فتيليفونها هي لي كتراقب منها لخدمة ديالها فجميع شركات لقات كلشي هو هداك ماكينا حتا خطأ وكيف يمكن وجود دالك و رسيل الناصيري هي لمديرة بتاسمات بافتخار وحطات تيلي وشافت فسيرفور لي كيحطلهم الأطباق لي عبارة عن بانيني بلكفتة وصلاد فغوي مع كوكا بداو كياكلو حتا سالاو وهضرات 💧 رسيل:حبيبتي واش شبعتي ولا نزيدك شي حاجة؟ ليان:لا احتي شبعت الله يحلف رسيل:بصحتك احبيبتي شبالك نشريو la glace ديال شوكولا ليان :(غير سمعات شوكولا فتحات عويناتها وقالت بحماس ):يااي شوكولا اه اه بغيتو رسيل:ههه اكي ولكن ماعنكلوهش هنا حيتاش تعطلنا على خالتو ميرال وحنا باقي خصنا نوجدو اكي ليان:ههه اكي 💧خلات ليان جالسا ومشات عند سيرفور طلبات زوج glaces بشوكولا ولفاني عدلهملا فطاس ديالهم خلصاتو ومشات عند ليان ركبو فلوطو وعطات لليان لglace ديالها اما هي خلاتو حتا لدار بقات سايgا بسرعة ورادا لبال مع لوقت باش ماتعطلش على ميرال وفنفس لوقت كتهضر مع ليان لي كتكل وكتوكلها معاها واخييرا وصلو نزلو بزربة كيجريو باقا 45 دقيقة ماخصهاش تعطل فتحات باب لفيلا يالله جاو يدخلو وهما يشوفو واحد لgارد جاي لجيهتهم وهاز علبة كبييرة فالابيض ووحدة أخرى فلاسود تسناتو حتا وصل لعندها وعطاهملا بعد ما قالها💧 لgارد:مدموزيل رسيل هد لعلب جاوك من انجلترا رسيل:اكي كنت كنتسناهم 💧خداتهم من عندو ودخلو نيشان لبيت بعدما حطات la glace فتلاجة جرات ليان معاها ودخلو لحمام كيدوشو بزوج وكيضحكو حتا خرجو رسيل ببنوار ابيض وفوطا صغيرة على شعرها فنفس لون وليان ببنوار فلغوز وفوطا صغيرة على شعرها فنفس لون وحنيكاتهم حيمرين جاو سو كيوت جبدات ملابس داخلية من لفاليز دليان وعطاتهملا تلبسهم ونفس شي بالنسبة ليلها جبدات دو بياس نواغ لبساتهم ولبسات عبايتهاو مشات تصلي صلاتها حتا سالات عاد جمعات سجدتها ودارت لقات ليان جالسا فوق نموسية ولابسا لحوايج لي عطاتها بتاسماتلها ومشات لديك لعلبة سوداء لي جاتها فتحاتها وجبدات منها قفطان طويييل فلون سماوي فحال عيونها مصمم بطريقة أنيقة كامل مرصع من صدر باحجار زمرد فلون رمادي كيلمعو و هوادين مع لقفطان وكيخفافو مزير من لفوق وصل لنص لفخاض فين كينا لفتحة وتطق على شكل فراشة وفيه بزاف ديال لجوهر فوق لكتاف لاصق فيهم سلهام بلا قب شفاف فلفضي ناازل على طول لقفطان ومعاه حزام خفيف فلفضي ومرصع بلحجيرات وصباط عالي فنفس شكل ديال لحزام بتاسمات حقا زويون بزاف و بلمواصفات لي بغاتو وكيف لا وهو مخيط من عند اشهر لمصممين فانجلترا اما ليان غير فاتحة فمها فحال هد لقفاطن كتشفهم غير فتلفازة💧 ليان:وااو حتي هد لقفطان كيحمق رسيل:هه يااك ازين عرفتو عيعجبك على دكشي جيبتلك هدا 💧جبداتلها قفطان صغير فلقياس ديالها لي كان بنفس تصميم ديال رسيل غير الالوان مختلفة ليان عندها فلاخضر و دهبي وصباط بلا طالون و رسيل فالازرق فااتح ولفضي 💧 ليان:(فاتحة عينيها على جهدهم ):وااو واش هدا ليلي احتي رسيل:ههه اه (ما حسات حتا لقات راسا مقجوجا بتعنيقة من عند ليان ) رسيل:هه صافي الياني هه ليان :شكرا احتيي بزااف رسيل:بصحتك احبيبتي (شافت فساعتا لقات باقي 30 دقيقة ) رسيل:ويلي ويليي ليوما ميرال تقتلنا الا تعطلنا نوضي دغيا لبس قفطانك 💧ناضت ليان بزربة كتلبس لقفطان ورسيل كدالك حتا سالو وشافو فلمرايا وووواااو حقا طوووب خصوصا رسيل بديك لفورمة لقتالة جاها لاصق على طايتها وصدر ولمؤخرة معزولين ولونو سماوي لمطابق لعيونها 💧
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
