💎اللبؤة و الوحش💎( مكتملة )

part 85

🌔بارت85 👑
💧فحين رسيل بتاسمات وبادلاتها لعناق بقاو لتواني على نفس وضعيتهم بيلسان مستمتعة بدفئ والامان لي كتحس بيهم فحضن رسيل ولي ماعمرها فحياتها حسات بيه مني فتحات عينيها لقات راسها متشردة فلخيرية لا حنين ولا رحيم وباش كملات نهار لي جات مرية وداتا باش ديرها خدامة عليها وعلى ولادها طبعا وهي لقاتها غير مقطوعة من شجرة ماكيناش لي يسول فيها وا لا يحميها تعدبات بزااف ماشي مرة وماشي زوج باتت فلعتبة ديال دار موسدة الارض ومغطيا بسما وشحال من مرة قلتلاتها عصا حتا سخفات فيديها وشحال من مرة حاولات تبيعها لمافية لي كاتاجر فاعضاء الأطفال غير ربي حفظها ودابا مني جات رسيل فحال ديك شميسة ساطعة وضوات حياتها وخرجاتها من ديك لوسخ ولعداب لي كانت عايشة فيه تشبتات فيها بيديها ورجليها لانها حقا لحنية وطيبوبة لي شافت فيها ماعمرها شافتها فشي حد قبل منها برغم من أنها مزال صغيرة ولكن دنيا لقاسية كبراتها قبل من وقتها على دكشي ولات كتقدر تميز بين شخص لخبيت وشخص لمزيان وطبعا رسيل حاسة بهاد لمعاناة كاملين لانها حتا هي يوما ما كانت فحالها متشردة فشارع وكيف ما زاينة عتقاتها حتا هي عتقات بيلسان دوزات يديها على شعرها بحنية وباستها فجبهتها💧
رسيل:واش مابغاش تشوفي لغرفة لي عطيتك الغزالة؟
بيلسان:(حركات راسها بزربة ):أه اه بغيت نشوفها
رسيل:ههه هي لولة
💧شداتلها فيديها وخرجو من لغرفة وزادو فلكوار ودخلو للبيت تاني لي ملصق مع درسيل ومجرد بيلسان ماحطات فيه رجلها فتحات عينيها بصدمة غرفة ولا فلاحلام كاملة مصبوغة بلوردي لون الاميرات وفيها رسومات ديال لفراشات والأزهار ملصقين فلجدران كتوسطها نموسية عاى شكل قلب وردي بكوفرلي فيه فراشات بالوان مختلفة ومخيدات صغار من ريش و على جنبها كينا زوج كوافوزات فالابيض بالاباجورات ديالهم وانفاص معاها كينا مكتبة كبيرة فلموف مملوءة بلكتب ولقصص انواع واشكال وحداها كينا مراية فضية كبييرة بطبيلة ولكرسي ديالها وفيها جميع مستلزمات لبنيتات صغار من فيليلات ولمشطات ولعطور الخ...فجنبها كينا دريسينغ وردي كبيير مملوء بجميع انواع لملابس من كسيوات وسراول غير لي مارك لعالمينن وانفاص معاه كينا بالكون بفوطوي كبير فلاحمر كيطلل عاى ﻻبيسين وفلجهة لمقابلة كينا حمام زجاجي مقسوم على زوج جيهة ديال طواليط وجيهة اخرى ديال دوش مجهزة باحدات تجهيزات ولمستلزمات من لجاكوزي لفوطات .بينوارات .شمبوانات الخ .... وفسقف لغرفة كينا بزااف ديال تريات على شكل غيمات ومني كيطيح ليل كيضويو بالوان مختلفة مصفين حدا بعضهم مشكلين قلب خلات بيلسان غير مشلوطة ماعمرها فحياتها تخاايلات انها ممكن حتا هي تكون عندها غرفتها لخاصة وزوينة بهاد شكل ديما كانت كتنعس غير فلاكاف مع لفيران بجوع وبلا غطا ماحساتش براسها حتا بداو دموعها كينزلو بصح هي باقا صغيرة ولكن آلامها ومعانتها كباار بزااف ورسيل غير شافتها كتبكي عنقاتها لعندها كتمساحلا دموعها بحنية وجراتها وجلسو فوق نموسية لمسات خدها برأفة وهضرات بصوت حنين وبيلسان غير كتشوف فيها وعويناتا لخضيضرين كيلمعو بدموع💧
رسيل:سمعيني شعانقولك مزييان ابيلسان وكلامي ديري بيه وماعمرك تنسايه (بيلسان حركات راسها بالإيجاب )شوفي حسبي راسك بلي ليوم عاد تزاديتي نساي كلشي نساي داكشي كامل لي عشتيه ديك الايام لي كانت فيها بيلسان كتعدب بااح مشااو لبارح وحنا دابا فليوم عنبداو صفحة جديدة مافيها لا عداب لا والو اكي حبيبتي ان شاء الله ايامك لجاية كلها وردية وانا ديما معاك وفجنبك وماعمري عنخليك محتاجة لشي حاجة عنعوضك على كاع دكشي لي دوزتي فحياتك وعنعاقب ناس لي كانو سباب فمعاناتك💧