💎اللبؤة و الوحش💎( مكتملة )

part112

🌔بارت 112 👑
💎لتاحمات اجسادهم وأرواحهم وهما فحضن بعضهم طبع عليها طابع ملكيتو وهاهي ولات زوجتو قلبا وقالبا بين زوج كانو عاملين كروا حمرة على لحب ومامدخلينوش فقانوسهم بين وحدة كانت كتقول مستحيل نسلم جسدي لشي رجل كيف ماكان نوعو وهاهي دابا هدات لحلالها أحسن حاجة عندها وقدمتهالو على شكل طبق من ذهب وعاشت معاه لحظة بكل احاسيسها وتقاسيمها وبين واحد كان جامع كل نساء لعالم فصفحة وحدة تحت عنوان ^كلهم فحال فحال وصحاب حاجتهم^ حتا جات لبؤتو لي غيرات ديك لعنوان وقلبات موازن حياتو ودوبات لجليد لي كان فقلبو وحصراتو فممتلكاتها حتا بقا كينبض غير بسميتها وفهاد ليلة بضبط لمس شرف ملكو طاهر وخداه بيديه ولي عمر شي ولد لمرا حط عليها يدو من قبلو صانت راسها وحفضاتو حتا سلماتو لحبيب قلبها فلحلال💎
🍁عندما نلتقي في لعشق تضيع كل الكلمات هربا🍁
🌿لا تسمع الا أصوات ترجف وانفاس تلهو عشقا🌿
🍁تتناسى كل الهموم تصبح العيون لا تنام ابدا🍁
🌿حتى ان أغمضت عينيك سترى العشق دوما🌿
🍁هدا هو العشق حقا🍁
🌿جعلت لحياتي معنى فأردت أن تكون لقلبي ملكا🌿
🍁أحبك فهل هدا هو العشق؟؟🍁
🌿ام لم أعشق يوما 🌿
🌞أصبحنا واصبح الملك لله 🌞
💎تسللت شميسة سخونة من سرجم باش تمشي مباشرة لوجه رسيل لي خسرات ملاميحها كتستعد تفيق بقات لتواني حتا فتحات عينيها مزيان حسات براسها مكتفة طبعا عرفات بلي نيار محاوطها بدراعو لما لا وهي كل نهار كتصبح فحضنو طلعات عينيها كتحضي ملاميحو وحجبانو لمعقودين شوية رجعات داكرتها ليلة لبارح وضهرات ابتسامة واسعة على ثغرها مامتيقاش بلي نيار ولا ديالها وحدها تسلتات منو بشوية وشافت فحالتهم عليهم غير ليزار خفيف مغطي لجزء سفلي ديالهم ولحوايج طيحين فلارض مدات يديها لبنوار لحريري الأحمر لي محطوط فوق لكوافوز حداها لبساتو وهي باقا فوق نموسية يالله حطات رجليها فالأرض حسات بضو ضربها شرشمها ديال لمعقول ضغطات على شفايفها وزادت لحمام كتعكز على لحيط قل دخل فيها رموك
💎دخلات لحمام خدات دوش رخات بيه عظامها لي صبحو مدكدين عاد خرجات ملوية فبنوار ابيض قصير وفوطة على شعرها وقفات لتواني قدام لمرايا كتلمس ببطء فطبايع لي فكل أنحاء جسمها شافت فنيار من لمرايا لقاتو باقي ناعس معنق مخدتها بتاسمات بخفون عاد مشات لدريسينع جبدات لي فاليز ستفات حوايجهم فبلاصتهم ولبسات غوب سوداء خفيفة حد لفخاض وبسميطات رقاق من لفوق جاتها مطرطقة على طايتها عملات سندالا دريش خفيفة فرجليها حتا هي فلاسود نشفات شعرها بلفوطة وخلاتو مطلوق كامل على ضهرها بشكل عشوائي وبعض لخصلات منو مبوكلين كتافات برش عطرها ووضع كلوز غوز خفيق فشفايفها عاد ناضت كتجمع فديك روينة علقات لغوب فدريسينغ ولباقي دارتو فماكينة دصابون عاد توجهات لعند نيار باستو من فمو ونزلات نيشان لكوزينة عملات لقهوة فلامشين تعصر ووجدات دي كريب ديال لفانيل وكيكة صغيرة دشكلاط عملات اومليط بلبيض و سخنات طوسط وقطعات جبن ومورتديلا وحطات زيت وزيتون وبدات كتستف كلشي فوق طبلة وعاد جبدات لعصير ولما من تلاجة وحطاتهم حتا هما اما نيار مربع يديه لعندو لابس شورط رمادي وتيشرط فلاسود مطرطقة على عضلاتو وسبادري رمادية شعرو مزال فازك وريحة باندوش كتشم على ابعاد لكيلو مطرات واقف فلباب حاضي مراتو كيفاش كتنقز فحال شي فراشة بتوبها الأسود وشعرها طويل من بلاصة لبلاصة وكتوجد فلفطور بتاسم وتمشا لعندها بخطوات بطيئة وحاوط خصرها من لور حتا قفزات 💎
نيار:صباح نور حياتي
رسيل:ههه صباح لحب