💎اللبؤة و الوحش💎( مكتملة )

part63

🌔بارت 63 👑
🎡فحين رسيل خدات دوش فاعل تارك فركات لحما مزيان وبقات شحال متكية فلجاكوزي كترخي فجسما و كتحاول تخلص جسما من جميع طاقات سلبية باش تقدر تفكر وتعرف شنو وقع رجعات راسا لور واضعاه على واحد لمخدة صغيرة ملصقة فلجاكوزي وطلقات يدا بزوج وغمضات عينا كتحاول تكونسنطرا وتكالما حتا بدا يجيوها شي لقطات مضببين فحال شي وحدين كيشطحو هي وهزار واخرين كيريشو فديك لبنت وشي لقطات مع نيار فلحافة وشي لقطات فيهم نيار كيطرش فهزار وشي واحد كيفك هادو كاملين كيبانولا مضببين ماشي واضحين بزااف حتا كتوصل لواحد لقطة باينة و واضحة مزيان وهي لقطة لي كانو فلوطو 🎡
رسيل:I hate you
نيار:I hate you too
🎡فتحات عينا طافجة وشهقات بقوة واضعة يدا على فما وديك لكلمة ديال كنكرهك كتعاود فراسا فحال شي صدى وخصوصا ديك طريقة لي خرجو بيها لحروف ولبريق لي كان فعيون نيار ماعمرها شافتو من قبل بقات غير فاتحة فمها ادن بصح هدشي لي كتفكرو ماشي تخيلات نوو را هما لقطات من الاحدات لي وقعو لبارح علم الله شنو وقع آخر هي تفكرات غير هاد شي وعاد ماواضحش مزيان من غير ديك لقطة لاخرة هي لي عاقلة عليها مزيان ضغطات على شفايفة بقوة كدور فعينا علم الله شحال من موصيبة دارت لبارح وهي سكرانة مني كتكون ساحية وماكطفروش ناهيك مني كانت ماواعياش بشنو كتعمل تنهدات وخرجات من لجاكوزي مخلياها فيد الله شلات عليها من رغوة و لوات عليها فوطة ووقفات مقابلة مع لمرايا مسحاتا بيدا من لبخار وبقات كتحقق فشفايفا لقات فيهم زوج جرحات وحدة لفوق و وحدة لتحت عرفاات بلي وحدة دلبارح ولوخرا دليوما دوزات يدا عليهم مخنزرة🎡
رسيل:تفو لمكبوت لاخر
🎡دوزات شعرا لجنب وهي تبانلا عضة كبيرة محفورة فعنقا وزرقا فتحات عينا بصدمة وحطات يدا بشوية فوق منا🎡
رسيل:ويلي ويلي على شوهة واخا اسي نيار الا بقات فيك انا ماشي رسيل الله يعطيك صعر المصعور
🎡هزات واحد بوماضة دارتالا ومشات لديك صاشي جبدات منا ديك لحوايج غير شافتوم خسرات سيفتا كانو عبارة عن سروال تجنيز اسود طاي هوت طالع حتا لصرة ومعاه فيست كحلة طويلة وانيقة كتسد كاملة بلقفالي واكس خضرا من تحت ماكيبان منا غير شوية من صدر وصباط طالون خضر 🎡
رسيل:باغي تلمطني اسي نيار اوا واخا علاش لا
🎡حيدات لفوطة ولبسات سروال جاها هو هاداك وزادت ديك لاكس يالله واصلة لبوط ومزيرة على صدر لبسات صباط ونشفات شعرا بلفوطة وخلاتو هايداك ملوي جاها طوب جمعات شوية منو لفوق بلفيليل باش ينقص شوية من طول وشدات لمقص وبدات كتفصل فديك لفيست حتا رجعاتا كاملة شراوط خشاتا فلبوبيل بتاسمات بشر وخرجات بشوية عليها كتمختر

🔥غير فتح لجورنال اول حاجة طلعتلو هي تصويرة ديالو مني كان داخل لاوطيل وهايز رسيل فيدو وكاتبين عليهم من لفوق بخط عريض *حبيبة السيد نيار السرية صاحبة الشعر الاشقر* لأن رسيل ماكان كيبان منا والو من غير شعرا لي مطلوق وراها غزز شفايفو بعصبية ونااري يشبر هاد صحافي شعايديرلو زاد كيقرا فديك لمقالات كل واحد وشنو كاتب عليهم مهم لجريدة عامرة غير بتصاوروم واخبار زائفة كيبقاو غير كيختارعو باش يلفتو الانظار رما ديك لجورنال حتا جابو فباب لبالكون لحاجة لي ماتسرطتلوش هي ان شي واحد كان مراقبوم لان صحافة مستحيل يجيو ف6 دصباح لاوطيل وعاد جاو مباشرة لعندوم يعني كانو كيتسناوهم هز لفون ودوز لخط كيهضر وكشاكشو خارجين 🔥
نيار:دابا يكونو عندي تسجيلات لكاميرة ديال شارع *** وديال لبواط *** وجبد هاد ز***ال لي كاتبين هدشي فلجريدة ساعة لقاهم فديبو وامنو طريق دلقصر وصيفتلي 15 كارد لاوطيل **
لكارد:حاضر مستر مونستر
🔥مسح بيدو على وجهو لي بداتو رسيل وهزار كملوهلو هادو حتا هما يالله طلع راسو وهي ضربلو ريحتا فنيفو طلع عينو فيها ببطء من صباط لسروال للميني لصدرا لي نصو خارج لشعرا لفازك لحنيكاتا لمزنكين بقا غير فاتح فمو فيها برغم من انها اطلالتا بسيطة و وجها خالي من لمايكاب ولكن فاتنة لاقصى حدود ناض بهدوء غادي لجهتا كيشوف فصدرا مخنزر حتا وصل لعندا وشاف فيها عاقد لحداش🔥
نيار:(ببحة رجولية خشنة):مال ديلمك مزلعة عليا محلابتك هنا واش عاجيبنك ولا؟
رسيل:(غير فااتحة عينا فيه ):تفو على مقزدر ماكتحشمش؟
نيار:(جرلا شفايفا بيدو حتا كانو عيطرقطو ):هادي على ديك تفو نعاود نسمعك قليتهالي عنطرطقوم لواليدك ونتي كتحشمي لي مفرعة فصدرك يتفرجو فيك زو***ل دوي (مغزف )
رسيل:(كتغزز فشفايفا ):قلتا من قبل وهانا باقا كنقولا راسي هادا وانا حرة فيه ماسوقكش فيا
نيار:(دوز يدو على دقنو بعصبية كيدعي الله يصبرو شاف فيها بنظرة تاقبة وقال ضاغط على سنانو ):ديك لحرية لي فرحانة بيها نسايها من ليوم ولا عتشوفي شي حاجة ماعتجبكش
رسيل:(لفوار كيخرجلا من ودنا ):وااانتا مااالك شدخلكك فياا واشش باغغي تحكمني صحة مسطيي لاا؟
نيار:(ببرودة ):اكزاكطومون فين هي لفيست؟(ديجا شايف لبسة لان لكارد صورالو قبل مايجيبا )
رسيل:(غير كدور فعينا وكتهضر بصوت خافت ):تفف الله يستر لبق مايزهق
نياار:شكا تبركمي تما سيري لبسي لفيست الا بغيتي تخرجي
رسيل:(غير كتغزز فشفايفا ):ماعرفتش علايش كتهضر اينا فيست انا هدشي لي لقيت
نيار:(ضحك بفقصة جات وبغات تقلب عليه لقفة ):هه باغا ديرلي ديك لقضية ديال هبل تربح ولا؟
رسيل:قلتلك غير لي كاين
🎡ماجوباش ودخل لحمام كيقلب فصاشي مالقا والو وحتا فبلاكارات ماخلا فين قلب كأن لارض سرطاتا يالله جا يخرج وهو يلمح لمقص مامحطوطش فبلاصتو مباشرة نزل عينو لبوبيل كتبانلو محشية فيها هزا فيدو كيشوف فيها كاملة مقطعة فحاليلا هرشوها لكلاب ضغط على قبضة يدو وخرج لعندا هايزها فيدو وعروق يدو تنفخو رسيل غير شافتو فديك لحالة قلبا بدا كيضرب فتسعين باقا حتا مابردات دقات دقبايلا دابا عيكمل عليها هادي مافيهاش شك ماحسات براسا حتا مشات وقفات مور نموسية ونيار كيتمشى لعندا مخنزر وهي غير كتشوفو كيقرب جيهتا كتهربلو لجهة لوخرا بقاو فحال طوم وجيري كيجريو من بلاصة لبلاصة ونيار كيغوت عليها تخرج🎡
نيار:اجييييي الللبرهووشةة لهنااا منييي كتخاافيي علااشش كدييريي غيرر داااكششيي ليي كيقوولك لحماار دعقللك تخااافي مااتحشميي
رسيل:(واقفة مور واحد لفوطوي ):لاااء ماكنخاافش وبزااف علييك عقليي هو سيد رجال
نيار:وزايداها لديلمك بتخراج لعينين
🎡دار راسو فحاليلا عينقز عليها من فوق لفوطوي ورسيل غير شافتو عمل هايداك هربات لجهة لوخرا ماكتحس غير بيد نيار جراتا حتا جات مزدوحة على لفوطوي طلعات عينا بشوية فنيار كترمش من تحت شفارا بانلا واقف عليها مخنزر رما عليها ديك لفيست على وجها وهضر من تحت سنانو🎡