♨اولا لا احلل النشر دون اخد ادني والاحتفاظ بنفس الصورة والمقدمة والاسم♨
🔰ليوم جيت نشارك معاكم اول قصة من كتباتي من بعد اربع سنين ديال قراءة لقصص كنتمنى تنال اعجابكم ونلقا تفاعل لي هو لاساس في لكتابة🔰
لقصة تحت عنوان:🔥اللبؤة و الوحش 🔥
بقلمي:💎الأل...
🌔بارت110 👑 💎لقات ميرال واقفة فوق لمنصة وهازا لميكروفون فيدها وكتغني ودموعها كيتسرسبو وكتشوف فرسيل بابتسامة 💎 🎶الفرحة لي انا حاسس بيها....لا انا ادر أقولها ولا احكيها....اختي حبيبتي وضي عيوني...لعريييسها بايييدي اوديييها....بليوم ماوعينا علللى الدنيياا(نزلات من لمنصة وزادت كتمشى لعندها وهي باقا كتغني )مافرقناااش بعضنا لو تانية....على عينيي انك بتبعد عني...دمعتي ماش ادر اخبييها ....اوعي تنسي اني أنا حضنك...سرك. ..اختك..سندك...ظهرك واوعي تخافي من اي حاجة....وهجيب ليك حقك لووو ضايقك...🎶🎶🎶🎶 💎ميرال زولات لميكروفون كتشهق ورسيل كتار منها دموعها هوادين فحال لحجر من عينيها وكلشي كيبكي معاهم ميسون.سعاد.هزار.رباب .ابراهيم.بيلسان.ليان مساء عندها كتجري وحضناتها بقوة ورسيل مزيرة عليها كتشهق حقا منظرهم بهاد شكل كيبكي لحجر ونيار ضاغط على شفايفو ماحاملش يشوف دموعها كيحس بيهم كيحرقوه فقلبو ونفس شي بالنسبة لادهم لي حاضي ميرال بحسرة فحين رسيل وميرال بقاو معنقين لتواني كيبكيو عاد فصلو لعناق على بعضهم وميرال حاوطات وجه رسيل بيديها وكتهضر بصوت حنين مغنغن بلبكا 💎 ميرال:انا ديما معاك ابب واخا يوقع لي يوقع عنبقا فجنبك الله يكمل عليكم بلخير ويحفظكم من كل شر رسيل:ااميين احبيبتي هزار:(جات كتجري وعنقاتهم وعينين من بعيد حاضيينها ):وأنا فين نسيتوني رسيل:ههه اجي امغيارتي رسيل و ميرال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
💎عنقو بعضهم بتلاتة بيهم عاد جات رباب وبيلسان وليان وعنقوهم حتا هما وبهاد شكل خداو صورة تدكارية مجموعين فيهم لخواتات كلهم عاد جات عندهم ميسون💎 ميسون:يالله ابنتي رسيل لوحي لبوكي دلورد باش نشوفو هاد لعروسة تانية رسيل:ههه اكي 💎رسيل شدات فيد نيار وكحزو لقدام ولبنات لعازبات كلهم تصفو وراها ورسيل داها تفكيرا لنهار عرس ميرال مني رمات لبوكي وجا لعندها سبحان الله حقا دنيا دوارة وهاهي دابا شادا فيد حبيبها وعترمي لبوكي ونيار غير كيشوف فيها بابتسامة جانبية حتا هو تفكر نفس شي حسبات رسيل حد تلاتة ورمات لبوكي واووب ماعيجي غير فيد هزار لي فتحات عينيها بصدمة كتشوف فيه وكتشوف فشخص لي واقف بعيد عليها وكيضحك من قلبو بقات لتواني ساهية فشكلو لي كيحمق وهو كيضحك وديك لعوينات لخوضر مجبدين وسنيناتو مستفين حتا عاقت براسها عاد خنزرات فيه وهو غمزها بقات كتاكل فجنابها عاد تجمعو عليها لبنات كيضحكو💎 ميرال:اووو شكون هاد مسخوط لواليدين احم بغيت نقول هاد لمرضي رسيل:ههه ياكما لكوميسير رباب:وينووو شوفو لبنت كي حشمت هزار:تفووو على كمااامر عطاني الله 💎بقاو لبنات شادين فيها كيضحكو حتا تفرتكات جقلة ولي عندو شي دار مشالها بقات غير لعائلة مجموعين ونيار كيهضر مع أدهم خصو غير فوقاش يتفك عاد مشاو لي كارد خرجو لي فاليز داروهم فلكوفر وميسون لبسات رسيل فيرور ابيض حريري عاد ودعاتهم كلهم بدموع بزز باش طلقو منها ونيار كيجر فيها 💎 هزار :هئ هئ ماطولوش علينا غيبتكم عنتوحشوكم رسيل:ان شاء الله نكملو شهر لعسل ونرجعو 💎نيار صافي طلعولو زعف هزها فوق كتافو خلاها غير كتولول شوها ولبنات كيموتو عليهم بضحك خرج مباشرة ركب فسيارة لي من نوع ميرسيديس بيضة كلها مزوقة بلور ركبها وركب حتا هو وزاد مكسيري
