💎اللبؤة و الوحش💎( مكتملة )

part81

🌔بارت 81👑
💧قضات حاجتا و بروصات سنانها و وجها وخرجات جبدات فاليز صغيرة كتخليها ديما فطيارة باش ماتبقاش كل نهار كتجمع فحوايجها لبسات كسوة كحلة دصوف مزيرة على طايتها حد ركبة على شكل اكس من صدر وزادت تجاكيط فلقهوي مع ليبوط طالون طويل فلقهوي جمعات شعرها كعكة مهملة مخليا بعض لخصلات نازلة على عيونها كتافات بوضع نظرات شمسية فلكوتشي وبوشيط اسود أنيق جمعات لغرفة برغم من انها فاوطيل ولكن ماكتحملش شي واحد يجمع موراها هزات سورات لوطو ونزلات لباتيسري خدات طبلة معزولة على لبشر وطلبات كريب بشوكولا ولفاني وفنجان كابوتشينو وماهي الا تواني حتا تحطات طلبيتها فوق طبلة بدات كتفطر بهدوء وجميع الأنظار مصوبة جيهتها حتا سالات على خاطرها عاد خلصات وخرجات ركبات فلوطو وزادت مكسيرية باش تكمل لبحت ديالها على سارق لي سرق قلبها واختفى💧
🔥فتح عينو طافج يديه كيرجفو ولعرق كيتصبب بغزارة من جبينو وصدرو كيطلع وكينزلو وقلبو كيضرب بعنف مد يدو لكاس لما لي فوق لكوافوز ونزل عليه نزلة وحدة عاد رجعو لبلاصتو وفيكسا نظرو فنقطة وحدة كينهج وداكرتو داتو للحلم لي راودو فنومو لي كان عبارة عن صور متقطعة لبنت شقراء ماكيبان منها غير شعرها طوييل الذهبي وعيونها لكريستالية ولقطات اخرى فيهم هو كيضحك معاها ومرة كيفلورطي معاها ولكن صور ماواضحينش فحال شي تشاش برمادي حط يديه على راسو مزير عليه كيحس بيه عيطرطق بقوة تفكير شكون ديك لبنت لي حلم بيها واش هي كينا فلحقيقة او مجرد خيال عينيه ولاو حومر وعروق جبهتو برزو وصدرو تزير عليه وضع يديه على صدرو جيهت قلبو كأنه كيهدا من نبضاتو لي ماعارفس سبب بب خلاها تبداا تسارع بهاد طريقة كانها فشي سباق كيحس بواحد لحنين وشوق كبييير فقلبو ولغريب انه ماعارفش لمن كيكن هاد شعور شهاد لمتاهة لي ولا فيها مابقا عارف راسو من رجليه غير عايش وصافي ولكن هاد لوضع ماعيستمرش بزااف كانت هادي آخر جملة قالا فنفسو قبل مايرجع يتكا ويغمض عينو ولكن مابغاش يجيه معاس غير كيتقلب من جهة لجهة وكل تفكيرو فلقطات لي شاف ماعرفو واش حلم ولا كوشمار حيد عليه لغطا بنترة ومشا لحمام غسل وجهو وبقا لتواني كيحقق فملاميحو عاد نزل عينو لفاصمة لكبييرة لي فصدرو وبضبط من فوق قلبو هز يدو وحطها عليه كيدوز اناميلو ببطء من فوق قلبو سد عينو لتواني كيحاول يتفكر شي حاجة لس قلبو باغيه يعرفها وكيشيرلو ليلا ولكن عقلو رافضها ومامستعدش يتفكرها فتح عينو معصب وفتح روبيني وبدا كيرش لما بارد على وجهو بزااف دلمرات حتا صحصح مزياان عاد دور عينو بشوية كيشوف فديك لوشم لي فظهرو هز حاجبو باستعراب متأكد بلي هاد لوشم عندو شي لغز وهو بنفسو لي عملولو ولكن للاسف نسا داكشي لي عمل بيدو غزز شفايفو بعصبية ورجع عينو للجرح لي فقلبو حقق فيه مزيان وصغر عينو كيدوز اابهامو على لحيتو ببطء وعقلو خدام عمل ابتسامة ديال خزيت وخرج🔥
💧نهار كامل دوزاتو بين سكان لجزيرة كتسول فيهم ماخلات حتا واحد لي ماسولاتوش على نيار ووراتو تصويرتو حتا من دراري صغار دازت عليهم ولكن للأسف ككل مرة كيخيب ظنها من جديد وكترجع لقصر حاملة خايبة امل اخرى مسحات دموعها لي نزلو كيجريو فوق خدها وطلعات تنهيدة من اعماق قلبها ودخلات لقصر مسخسخة 12 دليل وهي عاد ماجا ولكن ماشي فيدها نهار كامل وهي كتقلب على حب قلبها لي باغي يلعب معاها لغميضة طلعات مباشرة لبيتها وطاحت كاو فوق نموسية زولات ليبوط غير برجلا ورمات تجاكيط حداها ومشات فسبات عميق 💧
🔥خرج من لحمام ودور عينو فلغرفة لي كانت متوسطة لحجم باتات أنيق وجه نظرو نيشان للباب تمشى بخطوات تقالين باقي ماكيقدرش يتمشى بزربة دور بواني دلباب وخرج فكلوار طويل فيه بزااف دلبيوتة صوب عينو لدروج لخشبية لي على شكل حلزون ومشا نزل فيهم حتا خرج فصالون كبير باتات كلاسيكي وبعض ديكورات ديال لحيوانات وحوض لأسماك فلكوان ومقابل معاه كينا كوزينة وفجنبها طواليط منزل راقي وغالب عليه طابع لبساطة دور عينو بإعجاب فلارجاء كان سهييط كلشي ناعس طبعا وهي لخمسة دصباح حتا وقف نظرو فلباب لكبييرة لي من لخشب الاسود توجه ليلا بخطوات تابتة ودور ساروت ومجرد مافتح لباب نسيم هواء بارد ضرب فوجهو مطير بعض لخصلات من شعرو الاسود سد عينو لتواني مستمتع بمداعبة رياح لوجهو وشعرو طلع نفس كيستنشق فلهواء صباحي دور عينو فلمكان لي كان عبارة عن منطقة محدودة فيها مساكن قلال ومفرقين وكلهم كيطلو على بحر لجزيرة رما خطواتو كيتحسس برجلو رمال لبحر ذهبية سخوونة وتوجه لواحد رولااكس انفاص مع لبحر حتا وصلو وجلس طالق عليه رجلو ومستمتع بمياه لبحر الازرق صافي ولامع ولي زايدو مظهر شروق شمس رونق خاص مصغر عينيه من شمس لي تحولات من لون زمردي إلى لون زجاجي نزلهم ببطء وبقا كيشوف فلجرحة لي فقلبو مادازتش عليه لقضية ديال لحديتة لان هاد لجرحة باينة ضربة مقصودة فقلبو ولكن حتا يفيق سوغو واكيرا عاد عيتاكد رجع طلع عينو ساهي فلبحر كيحس بلي عندو معاه علاقة وطيدة حتا بدا كيحس بضو كيضربلو فراسو وكيجيو قدامو صور مضببة كتمشي بزربة فحال لبرق صور فاعماق لبحار هو ونفس لبنت لي حلم بيها طلع يدو مزير على راسو بجهد كيحاول يخفف من حدة هاد لالم لي كيحس بيه فهاد لحظة ويوضح رؤية ديك تصاور بقاا 10 دقايق وهو فديك لوضعية حتا حس براسو تكالما و لالم خفاف شوية عاد حيد يديه من راسو كينهج كأنه كان كيتسابق كيبغي يحماق ويشوف ديك تصاور بوضوح ولكن للأسف ماكيلمح غير عيونها لكريستالية وشعرها الاشقر طويل وبعض لقطات من ضحكتها دور راسو يمين وشمال كأنه كينفض هاد لأفكار من راسو قبل مايتسطى ناض من رولاكس ومشا لطرف لبحر وحط فيه رجليه مخلي ل و
ئموجات تضرب فيه نزل عينو كيشوف فرجلو لي مخشيين فلما حتا لواحد لحظة بدا كيتسمع واحد صوت انتوي رنان فودنو فحال صدى🔥
💧انا كالبحر...اتحملك...اص­بر عليك💧
💧اتقبل الكتير من اعدارك 💧
💧ولكن حتما وفي لحظة ما💧
💧سيعصف جوي وتغضب امواجي 💧
💧فاحذر ان تقترب من كبريائي 💧
💧...........💧
🔥عضلاتو تشنجو وعروق جبهتو برزو هز يديه بزوج ضاغط على ودنو بزوج صبعين كيحاول يوقف ديك صوت لي كيسمعو فودنو وكيتعاود فحال صدى وكيحس بلي هاد لكلمات مساتو فصميم متأكد ديجا سامعهم بهاد صوت ماحس براسو حتا غوت باعلى ما فصوتو وغطس فلبحر هارب من واقعو وحياتو لي أصلا هو نساها بقا ساعة كيسبح وكيكالمي فراسو حتا تخلص من جميع طاقاتو سلبية عاد خرج من لبحر كيقطر جاب الله ديك جرحة مغطية بطبقة بلاستيكية باش واخا يدوش مايوصلهاش لما دخل مباشرة لدار وطلع لبيتو🔥