🖤Theories of LOVE ❤️~🖤 Season-4❤️~ Final chapters-2

🖤 Tabula Rasa-37❤️

Unicode

🖤 Theories of LOVE❤️

🖤Season-4❤️

🖤 Tabula Rasa-37❤️

အရုဏ်တက်စ နေအလင်းရောင်တို့ ကောင်းကင်ယံတွင် ဟိုတစ်စဒီတစ်စ စုတ်ချက်ရေးချိန်...

လိပ်ပြာကောင်ရေပေါင်းများစွာရဲ့ တောင်ပံခတ်သံတို့ကို စိတ်နှလုံးအေးချမ်းဖွယ်ရာ ကြားနေရသောနေရာသို့ ဝိုင်ပုလင်းတစ်ဖက် ခြင်းတစ်ဖက်ဆွဲကိုင်ကာ လေလေးတချွန်ချွန်နဲ့ ကောင်လေးတစ်ယောက် ရောက်ရှိလာခဲ့သည်။

လိပ်ပြာရေကန်တွေထဲ ဝိုင်ဖြည့်ပေး သစ်သီးစိတ်တွေ ထည့်ပေးနဲ့ ပြုံးရွှင်နေသော ကောင်ငယ်လေးဟာ သူ့နောက်ကျောက ကံကြမ္မာကိုတော့ သတိပြုမိပုံမရ။ လိပ်ပြာလေးတွေနဲ့ ယဉ်ပါးနေဟန်ရှိတဲ့ကောင်လေးဟာ ပျံဝဲနေသော လိပ်ပြာတို့ကို တို့ထိကျီစယ်ရင်း ရယ်နေပုံက အပြစ်ကင်းစင်သော ကလေးလေးသဖွယ်။

သာယာကြည်လင်သော အချိန်အခါနဲ့ ရယ်မောခြင်းတို့ဝေစည်နေတုံးအခိုက်အတန့်မှာ ရုတ်တရက်မြင်လိုက်ရသော အရိပ်မည်းကြီးကြောင့် ကောင်လေးရဲ့ရယ်သံတို့က တိခနဲပြတ်တောက်တိတ်ကျသွားခဲ့သည်။ ထို့နောက်မှာတော့ သူ့ဆီတစ်လှမ်းချင်းတိုးဝင်လာသော အရိပ်မည်းကြီးရဲ့ ဝါးမျိုလွှမ်းခြုံမှုကို ခံယူလိုက်ရပြီး မြေပြင်ပေါ်သို့ ခွေလဲကျသွားခဲ့တော့သည်။

မမြင်နိုင်မတွေ့နိုင်သော အေးစက်ကြောက်ရွံ့ခြင်းတို့နောက်မှာ မြေပြင်ပေါ်လဲကျရာကနေ ထလာသော ကောင်လေးရဲ့ပုံရိပ်က မတူခြားနားသော လူသားအဖြစ်နဲ့ပါ။ ယခုနက သူ့နားဝဲနေသော လိပ်ပြာလေးတွေဟာ အန္တရာယ်အငွေ့အသက်ကို ခံစားမိသည့်အလား ပျံ‌ထွက်ပြေးတော့ လေထက်မြန်သောအလျင်ဖြင့် လိပ်ပြာငယ်တစ်ကောင်ကို ဖမ်းဆုပ်လိုက်ပြီး လက်ဖဝါးထဲဖျစ်ညှစ်ကြိတ်ချေလိုက်ပုံက သွေးအေးစွာ ရက်စက်စွာ။

လွန်ခဲ့သော စက္ကန့်ပိုင်းက ကြည်လင်နေသော ပျော်စရာကောင်းသော ဒီဥယျာဉ်ဟာ အေးစက်သောအငြိုးတရားတို့နဲ့ မသတီစရာပတ်ဝန်းကျင်အဖြစ်သို့ ရုတ်ချည်းပြောင်းလဲသွားခဲ့ရပါပြီ။

စံအိမ်ကြီးရဲ့ အရှင်သခင်တို့ရဲ့ ကံကြမ္မာကရော...

⚡⚡⚡⚡