🖤Theories of LOVE ❤️~🖤 Season-4❤️~ Final chapters-2

🖤A Million Dreams-71❤️

Unicode

🖤Theories of LOVE❤️

🖤Season-4❤️

🖤A Million Dreams-71❤️

ချစ်ရသူက ကောင်းကင်ကြီးကို မျှော်ကြည့်တဲ့အခါ ကျွန်တော်က အတောင်ပံ ဖြစ်ချင်ရုံပဲ

ချစ်ခြင်းနဲ့ မေတ္တာတွဲသလို သူ့အိပ်မက်နဲ့ ကျွန်တော့်စိတ်ကူးကလဲ မခွဲတမ်းပဲလေ🖤❤️

🖤❤️🖤❤️

ခြေဖဝါးက ခပ်နွေးနွေးအထိအတွေ့ကြောင့် မျက်လုံးမဖွင့်ချင်ဖွင့်ချင်နဲ့ ဖွင့်လိုက်ရသည်။ ခပ်မှိန်မှိန်အလင်းရောင်ကြောင့် ညနေစောင်းနေပြီဆိုတာ သိတော့ လက်နှစ်ဖက်ဆန့်ထုတ်ရင်း အားရပါးရသမ်းဝေပစ်လိုက်သည်။

သမ်းပြီးမှပဲ ခြေထောက်ကနွေးတေးတေးက ဘာလဲလို့ လှမ်းကြည့်ရသည်။ ရေနွေးဝတ်လေးနဲ့ ကျွန်တော့်ခြေဖဝါးတွေကို ပွတ်သုတ်ပေးနေတဲ့ ကောင်လေးကို မြင်တော့ ရင်ထဲကြည်နူးလိုက်တာ။

🖤 baby နေကောင်းလား

လှဲနေရာကနေ ထပြီး သူ့ကို ရင်ခွင်ထဲပွေ့တော့ ရုန်းနေသည်။

❤️ ခြေထောက်နာသက်သာအောင် လုပ်ပေးနေတယ်လေ ကိုကိုရဲ့ လွှတ်ဦး

🖤 ကိုကို ရေချိုးပြီးမှ အိပ်တာပါ baby ရဲ့ baby ကို စိတ်ပူနေတာ နေမကောင်းဖြစ်မှာစိုးလို့

❤️ ဒီမှာလေ

သူ့ဘယ်ဘက်လက်ခုံပေါ်က ပလာစတာကြည်ကြည်လေးကို ထိုးပြတော့ ဆွဲယူပြီး နမ်းရှိုက်လိုက်သည်။ အန်ကယ်ထည့်ပေးထားတဲ့ထဲမှာ အားဆေးကအစ ဆေးထိုးအပ်အဆုံး အကုန်ပါတော့ P'Chen က ညွှန်ကြားချက်အတိုင်း ထိုးပေးရုံပဲလေ။

🖤 အားတွေရှိသွားပြီဆိုပြီး ကိုကို့ကို ပြန်ပြုစုနေတာပေါ့လေ

❤️ အင်း ဟုတ်တယ် ကိုကို့ကို လုပ်ပေးချင်တာပါ ခြေထောက်ကျိုးထားတာနဲ့ မနေ့ညကရော ဒီမနက်ရော အေးတာနဲ့ ပြန်ကိုက်နေမှာပေါ့ ထမင်းစားပြီးရင်လည်း ဆေးသောက်နော် ကိုကို

🖤 ဟုတ်ကဲ့ပါဗျာ baby ရော ရေချိုးပြီးပြီလား

❤️ ကြာပေါ့ဗျာ ကိုကို့ကိုလေ ဒီနေ့ ကျေးဇူးအများကြီး တင်တယ် သိလား baby ကို ပျော်အောင်လုပ်ပေးလို့