🖤Theories of LOVE ❤️~🖤 Season-4❤️~ Final chapters-2

🖤A Million Dreams-73❤️

Unicode

🖤Theories of LOVE❤️

🖤Season-4❤️

🖤A Million Dreams-73❤️

ငါ့ရဲ့ မလွတ်မြောက်နိုင်ခြင်းတွေဟာ မင်းရဲ့အကြင်နာအကြည့်တွေကြားမှာ...❤️

🖤❤️🖤❤️

အသိစိတ်နဲ့ လူကပ်တည်းက မျက်လုံးမဖွင့်ကြည့်ရသေးဘဲ သိနေတာက ကျွန်တော်တစ်စုံတစ်ယောက်ရဲ့ အကြည့်တွေအောက်ရောက်နေတယ်ဆိုတာပါပဲ။

တစ်နေရာရာကနေ ကိုယ့်ကို တစ်ယောက်ယောက်က ကြည့်နေရင် သိနေသလိုမျိုး အခုလဲ ခံစားနေရသည်။ အိပ်ရာပေါ်မှာပဲရှိနေသေးသလို ကျွန်တော့်မျက်နှာပေါ် ရှပ်ပြေးနေတဲ့ လေငွေ့နွေးနွေးနဲ့တင် ထိုအကြည့်တွေက ကိုကို့ဆီကဆိုတာ သိနေပြီ။

❤️ ဘာလို့ ကြည့်နေတာလဲ

မျက်လုံးမဖွင့်ပဲ ပြောလိုက်တော့ ကျွန်တော့်ပါးတစ်ဖက်က သူ့လက်ဖဝါးကြီးထဲ နစ်ဝင်သွားတာများ နှလုံးသားပါ သူ့အချစ်တွေထဲ ကျွံဝင်သွားသလိုပဲ။

🖤  ကိုကို့ကလေးလေးက သိနေတယ်ပေါ့

ကျွန်တော်သဘောကျတဲ့ နာမ်စားက အနမ်းတစ်ခုနဲ့အတူ ကပ်ပါလာတော့ ပြုံးနိုင်သမျှထက်ပိုပြုံးပစ်လိုက်ပြီ။

🖤ဟော ပြုံးနေလိုက်တာ မျက်နှာကြီး ရှုံ့သွားပါဦးမယ်ကွာ

❤️ ဘာဖြစ်လဲဗျာ သဘောကျလို့ဟာကို

🖤 ပြုံး ပြုံး ကိုကိုက အမြဲ အရှုံးပေးပြီးသား နော် ပြုံး စိတ်ကြိုက်ပြုံးဗျာ

ပြောလိုက် တရှုံ့ရှုံ့နမ်းလိုက်နဲ့ ဒီမနက်ခင်းကတော့ မျက်နှာကို အနမ်းတွေနဲ့ သစ်နေရပြီပေါ့။

❤️ အွန်း ကိုကို တော်ပြီ ဒီနေ့က ဟာဝိုင်အီမှာ နောက်ဆုံးနေတဲ့ရက်မှတ်လား နေထွက်တာကြည့်ကြမယ် လာ

🖤 နေကထွက်နေပြီ

❤️ ဟင် မထွက်သေးပါဘူး

🖤 baby က ကိုကို့အတွက် စံတော်ချိန်ထက် တိကျတဲ့ နေလုံးလေး လမင်းလေး အသည်းတုံးလေး
ပြီးတော့.......

ရယ်မြူးရိပ်တွေနဲ့ အချစ်ငွေ့တွေ အချိုးကျရောစပ်ထားတဲ့ အကြည့်တွေက ကျွန်တော့်ကို မသောက်ရဘဲ မူးစေသလိုပါပဲဗျာ။