🖤Theories of LOVE ❤️~🖤 Season-4❤️~ Final chapters-2

🖤A Million Dreams-53❤️

Unicode

🖤Theories of LOVE❤️

🖤Season-4❤️

🖤A Million Dreams-53❤️

ဖြူဖွေးတစ်တုတ်နေတဲ့ လက်ချောင်းလေးတွေ ခြေချောင်းလေးတွေ နီရဲနုဖတ်နေတဲ့ နှုတ်ခမ်းလုံးလုံးလေးတွေ မျက်လုံးဝိုင်းဝိုင်းလေးတွေ...

ထိုသို့မြတ်နိုးရတဲ့သက်ရှိအရုပ်ကလေးတွေကို စိတ်လွတ်ကိုယ်လွတ် ငေးနေရတာကိုက ရှားပါးတဲ့ပျော်ရွှင်ခြင်းပဲ။

🕊️ ပါပါး မီးကို ဘောင်းဘောင်း ဝတ်ပေးပါရား

ဖင်တုံးလုံးနဲ့ သမီးငယ်ကအော်တော့မှ လူကအသိကပ်တော့သည်။ အခုက ရေချိုးပေးပြီးသူတို့ အဝတ်လဲနေကြချိန်လေ။ သားကြီးကတော့ ဘောင်းဘီတစ်ထည်ဝတ်ရင်းကုတင်ပေါ်မှာ အပတ်တစ်ရာပြည့်အောင် လှိမ့်နေပြီ။

💛 ချိတ်ညစ်ရိုက်တာ အဲ့ဘောင်းဘောင်းတေက တထာတည်းထိုးထည့်ရဲ ရဘူး အီးးးး

❤️ ပါပါး ဝတ်ပေးပါ့မယ် သားရယ် ခဏစောင့်

သမီးငယ်ကို ဘောင်းဘီဝတ်ပေးပြီးတော့ အပျိုမ က ကုတင်ပေါ်ကနေဆင်းကာ သူ့ lotion ဘူး သူယူပြီး လူးနေပြီ။ သားကြီးကိုလဲ ဘောင်းဘီဝတ်ပေးလို့ပြီးတော့ သူ့ဟာသူကုတင်ပေါ်ကနေဆင်းသွားပြီး သမီးငယ်ဘေးဝင်တိုးကာ မောင်နှမနှစ်ယောက် အပြိုင်အဆိုင်အလှပြင်ကြတော့သည်။

အခု အရွယ်ရလာတာနဲ့အမျှသူတို့နိုင်တာလေးတွေကိုတော့ ခိုင်းရသည်။ အမှိုက်ပစ်တာ အရုပ်သိမ်းတာ အင်္ကျီလျှော်မဲ့တောင်းထဲထည့်တာ စသဖြင့်ပေါ့။ သူတို့တစ်ကိုယ်ရည် တစ်ကာယလုပ်နိုင်တာလေးတွေလဲ ပါတာပေါ့။

❤️ အလှတွေ ပြင်လိုက်ကြတာကွာ ပဲများလိုက်တာ

🕊️ မီးက လှချင်ပါဘူး ပါပါးတို့ဝယ်ပေးထားတော့ လူးရတာပေါ့ ပါပါးရဲ့

💛 တားတားရဲ စေသနာနဲ့ ဝယ်ပေးထားရို့ လူးတာ

❤️ အာ့ဆို နောက်မဝယ်ပေးတော့ဘူးကွာ ပိုက်ဆံကုန်တယ်

💛 အေးချေးပဲ ဒီဒီက တထေးနော် ပါပါးပေးရဲ ဒီဒီ့ဆီမှာ တောင်းမှာ

❤️ အံမာ အဲ့ဒီဒီလဲ ပါပါး မပေးရင် ပိုက်ဆံတစ်ပြားမှမရှိဘူး ပါပါးက ပိုက်ဆံတွေအကုန် သိမ်းထားတာ သိပြီလား